Jambyl oblysynyń Shý aýdanynynyń turǵyny ýchaskelik politsiia inspektoryn pyshaqtap, qashyp ketken, dep habarlaidy "Ult aqparat".
Aǵymdaǵy jyldyń 8 maýsymynda túngi saǵat 22.50 shamasynda Shý aýdandyq politsiia bóliminiń ýchaskelik inspektorynyń uialy telefonyna Shý qalasynyń 37 jastaǵy turǵyny habarlasyp, óziniń azamattyq nekedegi kúieýi otbasylyq janjal shyǵaryp jatqandyǵy týraly aitqan.
Shaqyrtý boiynsha kelgen ýchaskelik politsiia inspektoryna 27 jastaǵy janjal shyǵarýshy azamat birneshe ret pyshaq salyp, oqiǵa ornynan boi tasalaǵan.
Politsiia qyzmetkeri aýdandyq aýrýhanaǵa jatqyzyldy, onyń densaýlyǵyna qaýip joq.
«Atalǵan derek boiynsha «Sirena-1», «Tosqaýyl» josparlary jariialanyp, izdeý jumystaryna Politsiia departamenti jáne Shý, Qordai, Moiynqum, T.Rysqulov aýdandyq politsiia bólimderiniń jeke quramy jumyldyryldy. Jedel-izdestirý is-sharalary barysynda kúdikti Shý aýdanynyń Alǵa aýylynda qolǵa tústi, onyń jeńil dárejedegi masań kúide ekendigi anyqtaldy. Kúdikti Shý aýdandyq ýaqytsha ustaý izoliatoryna qamaqqa alyndy», - dep jazdy Jambyl oblysy Politsiia departamentiniń bastyǵy Janat Súleimenov feisbýk paraqshasynda.
Qazirgi ýaqytta Qazaqstan Respýblikasy Qylmystyq kodeksiniń 380-1-baby 1-bóligimen (Bilik ókiline qatysty kúsh qoldaný) sotqa deiingi tergep-tekserý amaldary júrgizilýde.
