اگرارلىق عىلىم ٶكٸلدەرٸ ٶزدەرٸنٸڭ ەزٸرلەمەلەرٸن فەرمەرلەرمەن كەلٸسٸپ وتىرۋى تيٸس. بۇل تۋرالى بٷگٸن قر پرەمەر-مينيستٸنٸڭ ورىنباسارى - اۋىل شارۋاشىلىعى مينيسترٸ ٶمٸرزاق شٶكەەۆ ايتتى, دەپ حابارلايدى "ۇلت اقپارات".
مينيسترلٸكتٸڭ كەڭەيتٸلگەن القا مەجٸلٸسٸندە ۇلتتىق اگرارلىق عىلىمي بٸلٸم بەرۋ ورتالىعىنىڭ باسشىسى ۇلان تەجٸباەۆ بايانداما جاساپ جاتقان بولاتىن. ورتا جولدا ونى توقتاتقان ٶمٸرزاق شٶكەەۆ ستاتيستيكامەن ەۋەستەنبەي ناقتى مەسەلەنٸ تالقىلاۋعا شاقىردى.
«زەرتحانالاردا, كابينەتتەردە, كومپيۋتەرلەردە ورىن الىپ جاتقان «تالمۋدتاردى» الىپ كەلٸڭدەرشٸ, مٷلدەم قىزىعى جوق. ەگەر سٸزدەر بٸردەڭە جاساي الاتىن بولساڭدار, ەگٸستٸككە بارىڭدار, سول جەردە بٸلٸمدەرٸڭدٸ ودان ارى قالاي تاراتاتىندىقتارىڭدى كٶرسەتٸڭدەر. كٶكتەمدە ەگٸپ, جاز بويى جۇمىس ٸستەپ, كٷزدە كٶرسەتٸڭدەر. قازٸر اگەەنكو (اندرەي اگەەنكو- قازاق ەگٸنشٸلٸك جەنە ٶسٸمدٸك شارۋاشىعى عزي ديرەكتورى) بايانداما جاسايدى, ول وسى سحەما بويىنشا جۇمىس ٸستەيدٸ», - دەدٸ مينيستر.
وسى رەتتە عالىمدار ٷشٸن فەرمەرلەردٸڭ پٸكٸرلەرٸ دە ماڭىزدى ەكەندٸگٸنە نازار اۋدارتتى.
«وعان فەرمەرلەر دە شاقىرىلۋى تيٸس. ەزٸرلەمەلەردٸڭ قاجەتتٸگٸنە نە قاجەتسٸزدٸگٸنە فەرمەلەر باعا بەرەدٸ. ولار ۇستاپ كٶرٸپ: «يە, مىناۋ دۇرىس, مۇنى قابىلداۋعا بولادى. بٸراق, بٸزدٸڭ سۇراقتارىمىز بار», دەپ ايتۋى كەرەك. سودان كەيٸن مۇنىڭ بارلىعى عزي-گە قايتارىلىپ, ولار ٶزدەرٸ ويدان شىعارعان ەمەس, دەل سول مەسەلەلەرمەن جۇمىس ٸستەي باستايدى», - دەدٸ ٶ.شٶكەەۆ.
وسى رەتتە ۇلان تەجٸباەۆ زاماناۋي اگروتەحنولوگييالاردى ەنگٸزۋدٸڭ ارقاسىندا 2017 جىلمەن سالىستىرعاندا استىق تٷسٸمٸنٸڭ كٶرسەتكٸشٸ ەكٸ ەسەگە ۇلعايعانىن اتاپ ٶتتٸ. مەسەلەن, باراەۆ اتىنداعى استىق شارۋاشىلىعى عىلىمي-ٶندٸرٸستٸك ورتالىعى بازاسىنداعى 3 مىڭ گەكتار ەگٸستٸك القابىنان گەكتارىنا 25,4-26,7 تسەنتنەر ٶنٸم الىنعان.
