Agrarlyq ǵylym ókilderi ózderiniń ázirlemelerin fermerlermen kelisip otyrýy tiis. Bul týraly búgin QR Premer-Ministiniń orynbasary - Aýyl sharýashylyǵy ministri Ómirzaq Shókeev aitty, dep habarlaidy "Ult aqparat".
Ministrliktiń keńeitilgen alqa májilisinde Ulttyq agrarlyq ǵylymi bilim berý ortalyǵynyń basshysy Ulan Tájibaev baiandama jasap jatqan bolatyn. Orta jolda ony toqtatqan Ómirzaq Shókeev statistikamen áýestenbei naqty máseleni talqylaýǵa shaqyrdy.
«Zerthanalarda, kabinetterde, kompiýterlerde oryn alyp jatqan «talmýdtardy» alyp kelińdershi, múldem qyzyǵy joq. Eger Sizder birdeńe jasai alatyn bolsańdar, egistikke baryńdar, sol jerde bilimderińdi odan ary qalai taratatyndyqtaryńdy kórsetińder. Kóktemde egip, jaz boiy jumys istep, kúzde kórsetińder. Qazir Ageenko (Andrei Ageenko- Qazaq eginshilik jáne ósimdik sharýashyǵy ǴZI direktory) baiandama jasaidy, ol osy shema boiynsha jumys isteidi», - dedi ministr.
Osy rette ǵalymdar úshin fermerlerdiń pikirleri de mańyzdy ekendigine nazar aýdartty.
«Oǵan fermerler de shaqyrylýy tiis. Ázirlemelerdiń qajettigine ne qajetsizdigine fermeler baǵa beredi. Olar ustap kórip: «Iá, mynaý durys, muny qabyldaýǵa bolady. Biraq, bizdiń suraqtarymyz bar», dep aitýy kerek. Sodan keiin munyń barlyǵy ǴZI-ge qaitarylyp, olar ózderi oidan shyǵarǵan emes, dál sol máselelermen jumys istei bastaidy», - dedi Ó.Shókeev.
Osy rette Ulan Tájibaev zamanaýi agrotehnologiialardy engizýdiń arqasynda 2017 jylmen salystyrǵanda astyq túsiminiń kórsetkishi eki esege ulǵaiǵanyn atap ótti. Máselen, Baraev atyndaǵy astyq sharýashylyǵy ǵylymi-óndiristik ortalyǵy bazasyndaǵy 3 myń gektar egistik alqabynan gektaryna 25,4-26,7 tsentner ónim alynǵan.
