شىعىس قازاقستان وبلىسىندا پوليتسييا قىزمەتكەرلەرٸ گاشيشتٸڭ اسا ٸرٸ پارتيياسىن تاسىمالداعان ەكٸ ەر ادامدى قولعا تٷسٸردٸ, دەپ حابارلايدى "ۇلت اقپارات".
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, تەرتٸپ ساقشىلارى ەسٸرتكٸ تاسىمالىنىڭ جولىن كەسۋ ماقساتىندا كەزەكتٸ ارنايى وپەراتسييا ٶتكٸزدٸ. بۇل جولى جارما اۋدانىنا جەتكٸزٸلمەك بولعان ەسٸرتكٸ زاتتارىنىڭ اسا ٸرٸ پارتيياسى تەركٸلەندٸ.
«جامبىل وبلىسىنىڭ تۇرعىنى مەن ونىڭ سىبايلاسى ەسٸرتكٸنٸ وڭتٷستٸكتەن اۆتوكٶلٸكپەن جەتكٸزگەن. كەيٸن ونى اۋىلداعى جاستار اراسىندا ساۋدالاماق بولدى. كٷدٸكتٸلەردٸ ۇستاۋ «قاراسورا-2021» رەسپۋبليكالىق جەدەل الدىن الۋ شاراسى اياسىندا جٷرگٸزٸلگەن. اۆتوكٶلٸكتٸ تٸنتۋ بارىسىندا 8 كەلٸدەن استام گاشيش تەركٸلەندٸ. بۇل بٸر جارىم مىڭنان استام دوزاعا تەڭ», - دەدٸ وبلىستىق پوليتسييا دەپارتامەنتٸنٸڭ باستىعى ساعات مەديەۆ.
ونىڭ ايتۋىنشا, بٷگٸندە ەسٸرتكٸ قىلمىسىنا قارسى ٸس-قيمىل ٸشكٸ ٸستەر مينيسترٸ ايقىنداعان باسىم مٸندەتتەردٸڭ بٸرٸ. سوندىقتان ٶڭٸر پوليتسەيلەرٸ وسى باعىتتاعى قالىپتاسقان جاعدايدى مۇقييات قاداعالاپ, زاڭسىز ەرەكەتتەردٸڭ جولىن كەسۋگە تىرىسۋدا.
ەكٸ ەر ادام سوت سانكتسيياسىمەن قاماۋعا الىندى. قازٸرگٸ ۋاقىتتا قر قك-نٸڭ 297-بابىنا سەيكەس تەرگەۋ امالدارى جٷرگٸزٸلۋدە. كٷدٸكتٸلەر 15 جىلعا دەيٸن باس بوستاندىقتارىنان ايىرىلۋى مٷمكٸن.
