Shyǵys Qazaqstan oblysynda politsiia qyzmetkerleri gashishtiń asa iri partiiasyn tasymaldaǵan eki er adamdy qolǵa túsirdi, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, tártip saqshylary esirtki tasymalynyń jolyn kesý maqsatynda kezekti arnaiy operatsiia ótkizdi. Bul joly Jarma aýdanyna jetkizilmek bolǵan esirtki zattarynyń asa iri partiiasy tárkilendi.
«Jambyl oblysynyń turǵyny men onyń sybailasy esirtkini ońtústikten avtokólikpen jetkizgen. Keiin ony aýyldaǵy jastar arasynda saýdalamaq boldy. Kúdiktilerdi ustaý «Qarasora-2021» respýblikalyq jedel aldyn alý sharasy aiasynda júrgizilgen. Avtokólikti tintý barysynda 8 keliden astam gashish tárkilendi. Bul bir jarym myńnan astam dozaǵa teń», - dedi oblystyq Politsiia departamentiniń bastyǵy Saǵat Mádiev.
Onyń aitýynsha, búginde esirtki qylmysyna qarsy is-qimyl Ishki ister ministri aiqyndaǵan basym mindetterdiń biri. Sondyqtan óńir politseileri osy baǵyttaǵy qalyptasqan jaǵdaidy muqiiat qadaǵalap, zańsyz áreketterdiń jolyn kesýge tyrysýda.
Eki er adam sot sanktsiiasymen qamaýǵa alyndy. Qazirgi ýaqytta QR QK-niń 297-babyna sáikes tergeý amaldary júrgizilýde. Kúdiktiler 15 jylǵa deiin bas bostandyqtarynan aiyrylýy múmkin.
