فوتو: Polisia.kz
شقو-دا پوليتسەيلەر 26 جىل بۇرىن جاسالعان اسا اۋىر قىلمىستى اشتى, دەپ حابارلايدى Ult.kz Polisia.kz اقپارات پورتالىنا سٸلتەمە جاساپ.
شىعىس قازاقستان وبلىسىنىڭ پوليتسييا دەپارتامەنتٸ بٸرنەشە قارۋلى شابۋىلدار جاساعانى ٷشٸن ٶمٸر بويىنا باس بوستاندىعىنان ايىرىلعان ەكٸ اسا قاۋٸپتٸ قىلمىسكەردٸڭ 1999 جىلى جەلتوقساندا زايساندا جاسالعان قاتٸگەز ادام ٶلتٸرۋ مەن قاراقشىلىق فاكتٸسٸنە قاتىسى بارىن انىقتادى.
وقيعا بولعاننان كەيٸن پوليتسييا قىزمەتكەرلەرٸ جەدەل ٸزدەستٸرۋ ٸس-شارالارىن جٷرگٸزدٸ. الايدا قىلمىسكەرلەر قاشىپ ٷلگەرگەن.
ارادا جىلدار ٶتكەننەن كەيٸن پوليتسييا مەن تەرگەۋ ورگاندارىنىڭ جٷيەلٸ, ەرٸ تيياناقتى جۇمىسىنىڭ, سونداي-اق وبلىستىق پروكۋراتۋرانىڭ قولداۋى ارقاسىندا قىلمىستىق وقيعانىڭ بارىسى ايقىندالىپ, كٷدٸكتٸ تۇلعالار انىقتالدى.
تەرگەۋ جۇمىستارى كٶرسەتكەندەي, ەكٸ ەر ادام ٸرٸ ولجا تابۋ ماقساتىندا جەرگٸلٸكتٸ تۇرعىننىڭ ٷيٸنە باسا-كٶكتەپ كٸرگەن. ٷيدەن باعالى زات تاپپاعان قاسكٶيلەردٸڭ بٸرٸ 26 جاستاعى ەر ادامدى اسا قاتٸگەزدٸكپەن پىشاقتاپ ٶلتٸرگەن. سول سەتتە ٷيدە بولعان 77 جاستاعى ەيەل ادامدى قىلمىسكەرلەر سوققىعا جىعىپ, ەلەكتر سىمىمەن ورىندىققا بايلاپ كەتكەن. ولار وقيعا ورنىنان 12 كاليبرلٸ قوس ۇڭعىلى اڭشى مىلتىعىن, "يج-53م" پنەۆماتيكالىق تاپانشاسىن جەنە بەينەماگنيتوفوندى ۇرلاپ كەتكەن.
قازٸرگٸ ۋاقىتتا ەكٸ ايىپتالۋشى دا 2002 جىلدىڭ جەلتوقسانىندا بٸرقاتار قاراقشىلىق شابۋىلدار مەن ادام ٶلتٸرۋ فاكتٸلەرٸ بويىنشا تاعايىندالعان ٶمٸر بويىنا باس بوستاندىعىنان ايىرۋ جازاسىن ٶتەۋدە.
شىعىس قازاقستان وبلىسى پوليتسييا دەپارتامەنتٸ "ادام ٶلتٸرۋ", "قاراقشىلىق", "دەنساۋلىققا قاساقانا اۋىر زييان كەلتٸرۋ" جەنە "قارۋدى زاڭسىز يەمدەنۋ" باپتارى بويىنشا سوتقا دەيٸنگٸ تەرگەۋدٸ اياقتادى. قىلمىستىق ٸس سوتقا جولداندى.
شىعىس قازاقستان وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ شەشٸمٸمەن, اتالعان ٷكٸم بويىنشا تاعايىندالعان جازالاردى ٸشٸنارا قوسۋ ارقىلى, ەكٸ سوتتالۋشىنىڭ ەرقايسىسىنا قىلمىستار جيىنتىعى بويىنشا مٷلكٸ تەركٸلەنٸپ, تٶتەنشە قاۋٸپسٸزدٸك مەكەمەسٸندە ٶمٸر بويىنا باس بوستاندىعىنان ايىرۋ تٷرٸندەگٸ تٷپكٸلٸكتٸ جازا كەسٸلدٸ.
پوليتسييا قىزمەتكەرلەرٸنٸڭ ەدٸلدٸككە دەگەن تاباندى ەڭبەگٸنٸڭ ارقاسىندا 26 جىل بۇرىنعى اۋىر قىلمىستىڭ اقيقاتى اشىلىپ, ەدٸلدٸك ورنادى.
