شقو-دا ەلدەگٸ قانت تاپشىلىعىن پايدالانىپ, قازاقستاندىقتاردى الداپ جٷرگەن الاياق ۇستالدى, - دەپ حابارلايدى Tengrinews.kz.
ٶسكەمەننٸڭ 29 جاستاعى تۇرعىنى ەلدەگٸ قانت تاپشىلىعىن پايدالانىپ, ەلەۋمەتتٸك جەلٸدە جالعان جارناما ورنالاستىرعان. ەلەۋمەتتٸك جەلٸدەگٸ جارنامانى كٶرگەن ازاماتتار قانتقا تاپسىرىس بەرگەن. ساتۋشىمەن WhatsApp ارقىلى سٶيلەسٸپ, موبيلدٸ قوسىمشاداعى اۋدارىمدار سەرۆيسٸمەن الدىن الا تٶلەم جاساعان. اقشا اۋدارىمى سەتتٸ ٶتكەن سوڭ بايلانىسقا شىعۋدى دوعارىپ, كليەنتتەردٸ مەسسەندجەردە بۇعاتتاپ تاستاعان. ٶزدەرٸنٸڭ الاياققا الدانىپ قالعانىن بٸلگەن تۇرعىندار پوليتسيياعا ارىز تٷسٸرگەن. بۇل دەرەكتٸ شىعىس قازاقستان وبلىسىنىڭ پوليتسييا دەپارتامەنتٸ راستادى.
"16 شٸلدەدە جەبٸرلەنۋشٸدەن ٶسكەمەننٸڭ 29 جاستاعى تۇرعىنى قانت جەتكٸزەمٸن دەگەن جەلەۋمەن اقشا العانى تۋرالى ارىز تٷستٸ. قازٸرگٸ ۋاقىتتا وقيعاعا قاتىستى سوتالدى تەرگەۋ امالدارى باستالدى. بۇل دەرەك بويىنشا قر قىلمىستىق كودەكسٸنٸڭ 190-بابى 3-بٶلٸگٸ ("الاياقتىق") بويىنشا قىلمىستىق ٸس قوزعالدى", - دەپ حابارلادى شقو ٸٸد باسپاسٶز قىزمەتٸ.
دەپارتامەنت الاياقتىڭ ەرەكەتٸنەن 100-دەن اسا ادام زارداپ شەككەنٸن, ولارعا 90 ميلليون تەڭگەگە جۋىق شىعىن كەلگەنٸن ايتتى.
"قازٸر تەرگەۋ امالدارى جٷرگٸزٸلٸپ جاتىر, اقشا اۋدارۋ دەرەگٸن انىقتاۋ ٷشٸن بانكتەرگە تيٸستٸ سۇراۋ جولداندى. وسى رەسٸمدەردەن كەيٸن كٷدٸكتٸگە قاتىستى تٷپكٸلٸكتٸ پروتسەستٸك شەشٸم قابىلدانادى", - دەدٸ شقو دپ.
ايتا كەتەيٸك, كٷدٸكتٸ كٸنەسٸ دەلەلدەنسە, قر قىلمىستىق كودەكسٸنٸڭ 190-بابى 3-بٶلٸگٸمەن جەتٸ جىلعا دەيٸن باس بوستاندىعىنان ايىرىلۋى مٷمكٸن.
