ShQO-da eldegi qant tapshylyǵyn paidalanyp, qazaqstandyqtardy aldap júrgen alaiaq ustaldy, - dep habarlaidy Tengrinews.kz.
Óskemenniń 29 jastaǵy turǵyny eldegi qant tapshylyǵyn paidalanyp, áleýmettik jelide jalǵan jarnama ornalastyrǵan. Áleýmettik jelidegi jarnamany kórgen azamattar qantqa tapsyrys bergen. Satýshymen WhatsApp arqyly sóilesip, mobildi qosymshadaǵy aýdarymdar servisimen aldyn ala tólem jasaǵan. Aqsha aýdarymy sátti ótken soń bailanysqa shyǵýdy doǵaryp, klientterdi messendjerde buǵattap tastaǵan. Ózderiniń alaiaqqa aldanyp qalǵanyn bilgen turǵyndar politsiiaǵa aryz túsirgen. Bul derekti Shyǵys Qazaqstan oblysynyń politsiia departamenti rastady.
"16 shildede jábirlenýshiden Óskemenniń 29 jastaǵy turǵyny qant jetkizemin degen jeleýmen aqsha alǵany týraly aryz tústi. Qazirgi ýaqytta oqiǵaǵa qatysty sotaldy tergeý amaldary bastaldy. Bul derek boiynsha QR Qylmystyq kodeksiniń 190-baby 3-bóligi ("Alaiaqtyq") boiynsha qylmystyq is qozǵaldy", - dep habarlady ShQO IID baspasóz qyzmeti.
Departament alaiaqtyń áreketinen 100-den asa adam zardap shekkenin, olarǵa 90 million teńgege jýyq shyǵyn kelgenin aitty.
"Qazir tergeý amaldary júrgizilip jatyr, aqsha aýdarý deregin anyqtaý úshin bankterge tiisti suraý joldandy. Osy rásimderden keiin kúdiktige qatysty túpkilikti protsestik sheshim qabyldanady", - dedi ShQO DP.
Aita keteiik, kúdikti kinási dáleldense, QR Qylmystyq kodeksiniń 190-baby 3-bóligimen jeti jylǵa deiin bas bostandyǵynan aiyrylýy múmkin.
