شىعىس قازاقستان وبلىسى التاي اۋدانىنىڭ پوليتسييا قىزمەتكەرلەرٸ ەسٸن جوعالتىپ الىپ اداسىپ كەتكەن ەيەلدٸ تاپتى, دەپ حابارلايدى قازاقپارات.
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 14 جەلتوقساندا التاي اۋداندىق پوليتسييا بٶلٸمٸنە جٷگٸنگەن ەر ادام ەيەلٸنٸڭ جوعالىپ كەتكەنٸن ايتتى. بەلگٸلٸ بولعانداي, 43 جاستاعى ازاماتشا كەيدە ەستە ساقتاۋ قابٸلەتٸنەن ايىرىلىپ قالادى.
تەرتٸپ ساقشىلارى دەرەۋ ٸزدەستٸرۋ جۇمىستارىنا كٸرٸسكەن. الايدا ەيەلدٸڭ قۇربىلارى دا, تۋىستارى دا ونىڭ قايدا كەتكەنٸ تۋرالى ەشتەڭە بٸلمەدٸ. ٸزدەستٸرۋ بارىسىندا جەدەل ۋەكٸلدەر قاراۋسىز قالعان عيماراتتار, جەرتٶلە, بوس ٷيلەردٸ تٷگەل تەكسەرگەن.
«28 جەلتوقساندا ەيەل ادام التاي قالاسىنداعى كٶشەلەردٸڭ بٸرٸندە ورنالاسقان جىلۋ تراسساسىنىڭ ماڭىنان تابىلدى. ازاماتشانىڭ ايتۋىنشا, ول ٶزٸنٸڭ تۇرعىلىقتى مەكەنجايىن, تۋىستارى مەن تانىستارىنىڭ ٷيٸن ەسٸنە تٷسٸرە الماي قينالعان. كەيٸن امالسىز كٶشەدەگٸ جىلۋ تراسساسىن پانا ەتۋگە مەجبٷر بولعان. قازٸرگٸ ۋاقىتتا ەيەل دەرٸگەرلەردٸڭ باقىلاۋىندا», - دەلٸنگەن اقپاراتتا.
