شىعىس قازاقستان وبلىسىندا تٶرت اۋدانداعى 10 اۋىل تاراتىلدى. بۇل تۋرالى وبلىستىق مەسليحاتتىڭ كەزەكتٸ وتىرىسىندا بەلگٸلٸ بولدى, – دەپ حابارلايدى قازاقپارات.
تاراتىلعان ون شاقتى اۋىل تٶرت اۋدانعا قاراستى. ايتالىق, كٷرشٸم اۋدانى بويىنشا اقبۇلاق اۋىلدىق وكرۋگٸنٸڭ التاي اۋىلى, كٷرشٸم اۋىلدىق وكرۋگٸنٸڭ دٸڭگەك اۋىلى, مارقاكٶل اۋىلدىق وكرۋگٸنٸڭ تەنتەك اۋىلى تاراتىلدى.
سونداي-اق قالعۇتى اۋىلدىق وكرۋگٸنٸڭ جىلىتاۋ اۋىلى تاراتىلىپ, قاراتوعاي اۋىلىنىڭ قۇرامىنا, قۇيعان اۋىلدىق وكرۋگٸنٸڭ قارابۇلاق اۋىلى تاراتىلىپ, قاينار اۋىلىنىڭ قۇرامىنا ەنگٸزٸلدٸ. ۇلان اۋدانىنداعى بوزانباي اۋىلدىق وكرۋگٸنە قاراستى اقجارتاس, قىزىلسۋ اۋىلدارى تاراتىلدى. كٶكپەكتٸ اۋدانىنا كەلسەك, بيعاش اۋىلدىق وكرۋگٸنٸڭ كومسومول اۋىلى تاراتىلىپ, ەگٸنبۇلاق اۋىلىنىڭ قۇرامىنا, قويگەلدٸ اۋحاديەۆ اۋىلدىق وكرۋگتٸڭ كٸشٸ بٶكەن اۋىلى تاراتىلىپ, ٷكٸلٸ قىز اۋىلىنىڭ قۇرامىنا ەنگٸزٸلدٸ.
سونداي-اق شەمونايحا اۋدانى وكتيابرسكيي اۋىلدىق وكرۋگٸنٸڭ سادوۆوە اۋىلى تاراتىلدى. ايتا كەتەيٸك, وبلىستىق مەسليحاتتىڭ بۇل شەشٸمٸ ون كٷننەن كەيٸن ٸسكە اسا باستايدى.
