بىلتىر ەدٸلەت مينيسترلٸگٸ شەتەلگە شىعارىلعان 530 ملن دوللار ەلگە قايتارىلۋىنا سەبەپكەر بولعان. ۆيتسە-مينيسترٸ ازامات ەمٸرعاليەۆ ۆەدومستۆونىڭ كەڭەيتٸلگەن القا مەجٸلٸسٸندە وسىنداي اقپارات ايتتى, دەپ حابارلايدى قازاقپارات.
«460 ملن دوللاردان استام سوماعا مەملەكەت مٷددەسٸ قورعالىپ, ەكٸ داۋ بويىنشا 530 ملن دوللار ەلگە قايتارىلدى», - دەدٸ ۆيتسە-مينيستر.
ايتۋىنشا, ەدٸلەت مينيسترلٸگٸ تاراپىنان اۆتورلىق قۇقىقپەن قورعالاتىن تۋىندىلارعا 8 مىڭنان استام كۋەلٸك, ال ٶنەركەسٸپتٸك مەنشٸك وبەكتٸلەرٸنە 12 مىڭنان استام قورعاۋ قۇجاتى بەرٸلگەن.
«2021 جىلعا ارنالعان رەسپۋبليكالىق بيۋدجەتتەن مينيسترلٸككە 53 ميلليارد تەڭگەدەن استام قارجى بٶلٸنٸپ, ول تولىعىمەن يگەرٸلدٸ», - دەپ تٷيٸندەدٸ ازامات ەمٸرعاليەۆ.
اتالمىش جيىندا سوت ورىنداۋشىلاردىڭ ٶندٸرٸسٸندە جالپى كٶلەمٸ 9 ترلن تەڭگەدەن اساتىن 6 ملن 760 642 قۇجات بار ەكەنٸ ايتىلدى.
«سوت ورىنداۋشىلاردىڭ ٶندٸرٸسٸندە جالپى كٶلەمٸ 9 ترلن تەڭگەدەن اساتىن 6 ملن 760 642 قۇجات بار. بۇل 2020 جىلمەن سالىستىرعاندا 30% كٶپ. شامامەن 300 ملرد تەڭگە بولاتىن 2 ملن 349 166 قۇجات تولىق ورىندالدى. بۇل – ٶندٸرٸستەگٸ قۇجاتتاردىڭ 74%-ى», - دەيدٸ ەدٸلەت مينيسترٸنٸڭ ورىنباسارى ازامات ەمٸرعاليەۆ.
ەسكە سالساق, پرەزيدەنتتٸڭ قاتىسۋىمەن جاقىندا ٶتكەن ٷكٸمەت وتىرىسىندا ەكٸ ايدىڭ ٸشٸندە قازاقستاننان شەتەلگە زاڭسىز شىعارىلعان قارجىنى قايتارۋ جٶنٸندە ۇسىنىس ەزٸرلەۋ بويىنشا تاپسىرما بەرٸلگەن بولاتىن.
