قر قارجى مينيسترلٸگٸ قارجى مونيتورينگٸ كوميتەتٸنٸڭ اقتٶبە وبلىسى بويىنشا ەكونوميكالىق تەرگەۋ دەپارتامەنتٸ شەتەل ازاماتتارىنىڭ قارجى پيراميداسىن ۇيىمداستىرۋ دەرەگٸن انىقتادى, دەپ حابارلايدى "ۇلت اقپارات" دەپارتامەنتتٸڭ باسپاسٶز قىزمەتٸنٸڭ مەلٸمەتتەرٸنە سٸلتەمە جاساپ.
باسپاسٶز قىزمەتٸنٸڭ دەرەكتەرٸنە قاراعاندا, قارجى پيراميداسىن ۇيىمداستىرۋشىلار ٶزدەرٸن «Unique finance» شەتەل كومپانيياسىنىڭ ٶكٸلدەرٸ رەتٸندە تانىستىرىپ, تۇرعىندارعا قاراجاتتارىن «Pepsi», «Nike», «Microsoft», «Ford», «BMW» سەكٸلدٸ حالىقارالىق ٸرٸ كومپانييالاردىڭ باعالى قاعازدارىنا ينۆەستيتسييالاۋدى ۇسىنعاندىعى بەلگٸلٸ بولدى.
سالىمشىلارعا اي سايىن جالپى سالعان سومالارىنىڭ 6%-ى كٶلەمٸندە, سونداي-اق, جاڭادان تٸركەلگەن سەرٸكتەستٸڭ سالىم سوماسىنان 5% پايدا الاتىنى ۋەدە ەتٸلگەن. وسى كومپانيياعا ەڭ تٶمەنگٸ سالىم 1000 اقش دوللارىن قۇراعانىن اتاپ ٶتكەن جٶن.
بٸراق شىندىعىندا پيراميدا ۇيىمداستىرۋشىلارى سالىمشىلارعا «برەند» كومپانييالاردىڭ جالعان اكتسييالارىن ۇسىنىپ, ولاردىڭ قارجىسىن يەلەنٸپ وتىرعان. ولار مۇنداي زاڭسىز قىزمەتتٸ الماتى, نۇر-سۇلتان, شىمكەنت, اقتٶبە جەنە ورال قالالارىندا جٷرگٸزگەن.
قازٸرگٸ تاڭدا اتالعان دەرەك بويىنشا قر قك 217-ب. 2-ب. سەيكەس سوتقا دەيٸنگٸ تەرگەۋ امالدارى جٷرگٸزٸلۋدە.
«قۇرمەتتٸ ازاماتتار! اقتٶبە وبلىسى بويىنشا ەتد ەگەر «Unique finance» كومپانيياسىنا اقشا قاراجاتىن سالعان بولساڭىز, رەسمي ارىزبەن جٷگٸنۋ قاجەتتٸگٸن حابارلايدى»,-دەلٸنگەن قر قم قمك باسپاسٶز قىزمەتٸ.
