ماڭعىستاۋ وبلىسىندا شەتەلدٸك تۋريستەر مٸنگەن 12 كٶلٸك جاۋىن سۋىنان پايدا بولعان بالشىققا باتىپ قالدى. بۇل تۋرالى ماڭعىستاۋ وبلىستىق تٶتەنشە جاعدايلار دەپارتامەنتٸنەن مەلٸم ەتتٸ, دەپ حابارلايدى قازاقپارات.
وقيعا جاڭاٶزەن قالاسىنان 120 شاقىرىم جەردەگٸ «بەكەت اتا» جەراستى مەشٸتٸنٸڭ ماڭىندا بولعان.
«25 شٸلدەدە قاراقييا اۋداندىق تٶتەنشە جاعدايلار بٶلٸمٸنە «بەكەت اتا» جەراستى مەشٸتٸنٸڭ ماڭىندا شەتەلدٸك تۋريستەردٸڭ 12 كٶلٸگٸ بالشىققا باتىپ قالعانى تۋرالى اقپارات تٷستٸ. ولاردى قۇتقارۋ ٷشٸن 4 تەحنيكا مەن 11 قىزمەتكەر جۇمىلدىرىلىپ, 8 اۆتوكٶلٸك شىعارىلدى. 4 اۆتوكٶلٸك باتپاقتان ٶز كٷشتەرٸمەن شىقتى», - دەدٸ دەپارتامەنتتٸڭ باسپاسٶز قىزمەتٸنەن.
بارلىعى 24 تۋريست قۇتقارىلدى, ولارعا مەدينيتسالىق كٶمەك قاجەت بولعان جوق.
ايتا كەتەيٸك, قۇتقارۋ جۇمىستارىنا جاڭاٶزەن قالاسىنداعى «ٶزەنمۇنايگاز» اق-نىڭ تەحنيكالارى مەن قىزمەتكەرلەرٸ قاتىستى.
