Mańǵystaý oblysynda sheteldik týrister mingen 12 kólik jaýyn sýynan paida bolǵan balshyqqa batyp qaldy. Bul týraly Mańǵystaý oblystyq Tótenshe jaǵdailar departamentinen málim etti, dep habarlaidy QazAqparat.
Oqiǵa Jańaózen qalasynan 120 shaqyrym jerdegi «Beket ata» jerasty meshitiniń mańynda bolǵan.
«25 shildede Qaraqiia aýdandyq Tótenshe jaǵdailar bólimine «Beket ata» jerasty meshitiniń mańynda sheteldik týristerdiń 12 kóligi balshyqqa batyp qalǵany týraly aqparat tústi. Olardy qutqarý úshin 4 tehnika men 11 qyzmetker jumyldyrylyp, 8 avtokólik shyǵaryldy. 4 avtokólik batpaqtan óz kúshterimen shyqty», - dedi departamenttiń baspasóz qyzmetinen.
Barlyǵy 24 týrist qutqaryldy, olarǵa medinitsalyq kómek qajet bolǵan joq.
Aita keteiik, qutqarý jumystaryna Jańaózen qalasyndaǵy «Ózenmunaigaz» AQ-nyń tehnikalary men qyzmetkerleri qatysty.
