قر پارلامەنتٸ مەجٸلٸسٸ «ەۋرازييالىق ەكونوميكالىق وداققا مٷشە مەملەكەتتەردٸڭ ەڭبەكشٸلەرٸن زەينەتاقىمەن قامسىزداندىرۋ تۋرالى كەلٸسٸمدٸ راتيفيكاتسييالاۋ تۋرالى» قر زاڭىن ماقۇلدادى, دەپ حابارلايدى قازاقپارات.
«ەۋرازييالىق ەكونوميكالىق وداق تۋرالى شارتتا زەينەتاقىمەن قامسىزداندىرۋ مەسەلەسٸن رەتتەۋ ماقساتىندا جەكە حالىقارالىق شارت ەزٸرلەۋ كٶزدەلگەن بولاتىن. وسىعان بايلانىستى تيٸستٸ كەلٸسٸم ەزٸرلەنٸپ, 2019 جىلدىڭ 20 جەلتوقسانىندا مەملەكەت باسشىلارى قول قويدى. اتالعان كەلٸسٸمنٸڭ نەگٸزگٸ ماقساتى - جۇمىسقا ورنالاستىرۋشى مەملەكەت ٶز ازاماتتارىنا تارايتىن جاعدايلاردا جەنە تەرتٸپپەن ەڭبەكشٸلەردٸڭ زەينەتاقى قۇقىقتارىن قالىپتاستىرۋ, ساقتاۋ جەنە ٸسكە اسىرۋ, ەڭبەكشٸلەردٸڭ زەينەتاقىلارىن تاعايىنداۋعا جەنە ەكسپورتتاۋعا بايلانىستى مەسەلەلەردٸ شەشۋ, سونداي-اق مٷشە مەملەكەتتەر اراسىندا زەينەتاقىمەن قامسىزداندىرۋ سالاسىنداعى ىنتىماقتاستىقتى نىعايتۋ», - دەدٸ اتالعان مەسەلە بويىنشا بايانداما جاساعان قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ.
ونىڭ اتاپ ٶتۋٸنشە, بٷگٸندە ەاەو-عا مٷشە مەملەكەتتەردە ەرتٷرلٸ زەينەتاقى جٷيەسٸ قالىپتاسقان. مىسالى, بەلارۋستا جيناقتاۋشى زەينەتاقى جٷيەسٸ جوق. ال باسقا ەلدەردە جيناقتاۋشى جٷيەلەرٸ ەرتٷرلٸ. زەينەتاقى جٷيەلەرٸن قارجىلاندىرۋ جەنە زەينەتاقى قاراجاتىن بٶلۋ تەسٸلدەرٸندە دە ايىرماشىلىقتار بار. بۇدان باسقا زەينەتاقى جٷيەلەرٸ قۇرىلىمدىق جاعىنان, ياعني زەينەتكەرلٸك جاسى, مٶلشەرٸ, ەڭبەك ٶتٸلٸ جەنە باسقا دا پارامەترلەر بويىنشا ەرەكشەلەنەدٸ.
«قازٸرگٸ ۋاقىتتا تۇراقتى تۇراتىن شەتەلدٸك ازاماتتار ٷشٸن زەينەتاقىمەن قامسىزداندىرۋ مەسەلەسٸ رەتتەلگەن. ال جۇمىس ماقساتىندا ۋاقىتشا كەلگەن ەڭبەكشٸلەر ٷشٸن بۇل مەسەلە رەتتەلمەگەن كٷيدە قالىپ وتىر. سوندىقتان اتالعان كەلٸسٸمنٸڭ كٷشٸنە ەنۋٸ ەڭبەكشٸلەردٸڭ زەينەتاقى سالاسىنداعى مەسەلەلەرٸن رەتتەۋگە مٷمكٸندٸك بەرەدٸ. اتاپ ايتقاندا جۇمىسقا ورنالاستىرۋشى مەملەكەتتٸڭ ازاماتتارى مەن ەڭبەكشٸلەردٸڭ تەڭ قۇقىقتارىن قامتاماسىز ەتٸلەدٸ. ەر مەملەكەت ٶز اۋماعىندا جۇمىس ٶتٸلٸ كەزەڭدەرٸ ٷشٸن زەينەتاقى تٶلەيتٸن بولادى. ەربٸر مٷشە مەملەكەت زەينەتاقى الۋ قۇقىعىن ايقىنداپ, ونىڭ مٶلشەرٸن ٶزٸنٸڭ ۇلتتىق زاڭناماسىنا سەيكەس ەسەپتەيدٸ», - دەدٸ مينيستر.
ونىڭ ايتۋىنشا, كەلٸسٸم اياسىندا قازاقستان تاراپىنان ەڭبەكشٸ كٶشٸپ-قونۋشىلارعا ۇلتتىق زاڭنامادا بەلگٸلەگەن تەرتٸپپەن تەك جيناقتاۋشى زەينەتاقى جٷيەسٸنەن زەينەتاقى تٶلەمدەرٸ كٶزدەلەدٸ.
«كەلٸسٸمدٸ ٸسكە اسىرۋ جٶنٸندەگٸ قۇزىرەتتٸ ورگان رەتٸندە بٸزدٸڭ تاراپىمىزدان بٸرىڭعاي جيناقتاۋشى زەينەتاقى قورى بەلگٸلەنەدٸ», - دەدٸ بٸرجان نۇرىمبەتوۆ.
