شەتەلدە جٷرگەن 8 322 قازاقستان ازاماتى داۋىس بەردٸ. بۇل تۋرالى بٷگٸن قر سىرتقى ٸستەر مينيسترٸنٸڭ ورىنباسارى رومان ۆاسيلەنكو ايتتى, دەپ حابارلايدى قازاقپارات تٸلشٸسٸ.
«قازاقستاننىڭ شەتەلدەگٸ مەكەمەلەرٸ جانىنان 64 سايلاۋ ۋچاسكەسٸ قۇرىلدى. شەتەلدەگٸ مەكەمەلەر جانىنداعى سايلاۋ ۋچاسكەلەرٸ تۋرالى اقپاراتتار مەكەنجايى, بايلانىس مەلٸمەتتەرٸ كٶرسەتٸلە وتىرىپ, مينيسترلٸكتٸڭ جەنە ورتالىق سايلاۋ كوميسسيياسىنىڭ ۆەب-سايتتارىندا شەتەلدەگٸ مەكەمەلەردٸڭ ينتەرنەت رەسۋرستارىندا, ديپلوماتييالىق ٶكٸلدٸكتەردٸڭ ەلەۋمەتتٸك جەلٸلەردەگٸ پاراقشالارىنا ورنالاستىرىلدى», - دەدٸ مينيستردٸڭ ورىنباسارى ورتالىق سايلاۋ كوميسسيياسىندا ٶتكەن بريفينگ بارىسىندا.
ونىڭ اتاپ ٶتۋٸنشە, شەتەلگە جەكە شاقىرۋمەن, قىزمەتتٸ, ٸسكەرلٸك ساپارمەن جەنە تۋريست رەتٸندە بارعان قازاقستان ازاماتتارى ۇلتتىق تٶلقۇجاتىن كٶرسەتكەن جاعدايدا, سايلاۋشىلار تٸزٸمٸنە ەنگٸزٸلەدٸ.
«بيىلعى 9 ماۋسىمداعى دەرەكتەرگە سەيكەس شەتەلدەگٸ سايلاۋشىلار تٸزٸمٸنە 15 349 ازاماتىمىز تٸركەلگەن. شەتەلدە داۋىس بەرۋ تىنىش ٶتٸپ جاتىر. 12 ۋچاسكەدە قازاقستاننىڭ قوعامدىق بٸرلەستٸكتەرٸ مەن كوممەرتسييالىق ۇيىمدارىنان جەنە تمد ميسسيياسىنان 35 بايقاۋشى قاتىسىپ جاتىر. نۇر-سۇلتان قالاسىنىڭ ۋاقىتىمەن ساعات 19-00-دە شەتەلدە 8322 ازاماتىمىز داۋىس بەردٸ. بۇل شەتەلدەگٸ تٸزٸمگە ەنگەن سايلاۋشىلاردىڭ 54,2 پايىزىن قۇرايدى», - دەدٸ ر.ۆاسيلەنكو.
سونىمەن قاتار ۆيتسە-مينيستر سايلاۋ ۋچاسكەسٸ جوق شەت مەملەكەتتە جٷرگەن ازاماتتارىمىزعا كٶرشٸلەس ەلدەردە اشىلعان سايلاۋ ۋچاسكەسٸنە بارىپ داۋىس بەرۋگە كەڭەس بەردٸ. شەتەلدەگٸ سايلاۋ ۋچاسكەلەرٸ جەرگٸلٸكتٸ ۋاقىت بويىنشا تاڭەرتەڭگٸ 07-00-دەن 08-00-گە دەيٸن جۇمىس ٸستەيتٸندٸگٸن ەسكەرتتٸ.
«ۋاقىت ايىرماشىلىعىنا بايلانىستى ازييادا ورنالاسقان سايلاۋ ۋچاسكەلەرٸ جۇمىستارىن اياقتاپ, داۋىستاردى ساناۋعا كٸرٸستٸ. نۇر-سۇلتان ۋاقىتىمەن 17-00-دە ۆاشينگتون, نيۋ-يورك جەنە وتتاۆاداعى سايلاۋ ۋچاسكەلەرٸ سوڭعى بولىپ اشىلدى. داۋىس بەرۋ قورىتىندىسى شىعارىلعاننان كەيٸن تٷپنۇسقا قۇجاتتار ەسٸل اۋداندىق سايلاۋ كوميسسيياسىنا دەر ۋاقىتىندا جەتكٸزٸلۋٸ ٷشٸن جەدەل سىرتقى ٸستەر مينيسترلٸگٸنە تاپسىرىلاتىن بولادى», - دەدٸ ول.
