شەتەلدە قازاقستاندىقتاردىڭ قىلمىستىق جولمەن الىنعان 100 ملن دوللاردان استام قاراجاتى بۇعاتتالدى. بۇل جايىندا «كازاحستانسكايا پراۆدا» گازەتٸنە سۇحبات بەرگەن قر باس پروكۋرورى قايرات قوجامجاروۆ اتاپ ٶتكەن, دەپ حابارلايدى قازاقپارات تٸلشٸسٸ.
«ٶتكەن جىلدىڭ ٶزٸندە عانا سوتتالعانداردى قايتارۋ, بەرۋ جەنە قۇقىقتىق كٶمەك كٶرسەتۋ مەسەلەلەرٸ بويىنشا برازيلييا, موڭعولييا, اراب ەمٸرلٸكتەرٸ, ۋكراينا ەلدەرٸمەن 7 كەلٸسٸمشارتقا قول قويىلدى. تولىقتاي العاندا, الىس شەت مەملەكەتتەرمەن 63 ەكٸجاقتى كەلٸسٸمشارت جاسالعان. اتالعان كەلٸسٸمشارتتاردىڭ ارقاسىندا 2018 جىلى قازاقستان شەتەل مەملەكەتتەرٸنە 123 قىلمىسكەردٸ قايتارىپ, شەتەلدەن 70 ادامدى ەكستراديتسييالادى», - دەدٸ ول.
مەسەلەن, باس پروكۋروردىڭ دەرەگٸنشە, ٶتكەن جىلى ادام ٶلتٸرگەن ن.ەسەنامانوۆ پەن ر.ناجاەۆ قىرعىزستاننان, لاڭكەستٸك قىلمىسقا قاتىسى بار ە.كٷنشىعاروۆ تٷركييادان, اقتٶبە وبلىسىندا اۆتوبۋستا 52 ادامنىڭ ٶرتەنٸپ كەتۋ وقيعاسىنا قاتىستى و.مەحتيەۆ ٶزبەكستاننان قازاقستانعا جەتكٸزٸلدٸ.
ەكٸجاقتى كەلٸسٸمشارت بولماسا دا ٶتكەن جىلى بٸرقاتار مەملەكەتتەن قىلمىسكەرلەر ەلگە جەتكٸزٸلدٸ. اتاپ ايتقاندا, گرەكييا لاڭكەستٸك قىلمىسقا قاتىسى بار د.حايسيندٸ, گەرمانييا ٸرٸ كٶلەمدە الاياقتىق جاساعان ب. يبراگيموۆ پەن ح.يزگيياەۆتى جەنە پسيحوتروپتى زاتتار كونترابانداسىمەن اينالىسقان گ.لەلادزەنٸ قازاقستانعا قايتارعان.
«شەتەلدە قىلمىستىق جولمەن الىنعان 100 ملن دوللاردان استام سوما انىقتالىپ, بۇعاتتالدى. بۇل جۇمىستار جالعاسا بەرەدٸ. اعىمداعى جىلى مۇنداي كەلٸسٸمشارتتى وڭتٷستٸك كورەيا, كۋبا, گرەكييا جەنە ماكەدونييامەن ارادا قول قويۋدى جوسپارلاپ وتىرمىز», - دەدٸ قايرات قوجامجاروۆ.
