استانانىڭ 20 جىلدىعىنا جەنە قازاقستان پرەزيدەنتٸنٸڭ تۋعان كٷنٸنە وراي شەتەل ٷكٸمەتتەرٸ مەن مەملەكەتتەرٸ باسشىلارى قۇتتىقتاۋلار جولداۋدا, دەپ حابارلايدى اقوردانىڭ باسپاسٶز قىزمەتٸ.
رەسەي فەدەراتسيياسىنىڭ پرەزيدەنتٸ ۆلاديمير پۋتين ٶزٸنٸڭ قۇتتىقتاۋ جەدەلحاتىندا استانا مەن مەسكەۋ اراسىنداعى وداقتاستىق پەن ستراتەگييالىق سەرٸكتەستٸكتٸڭ ودان ەرٸ نىعايىپ, قازاقستان مەن رەسەيدٸڭ ەۋرازييالىق ەكونوميكالىق وداق, ۇجىمدىق قاۋٸپسٸزدٸك شارت ۇيىمى, شانحاي ىنتىماقتاستىق ۇيىمى, تەۋەلسٸز مەملەكەتتەر دوستاستىعى جەنە باسقا دا حالىقارالىق قۇرىلىمدار اياسىنداعى ٶزارا تابىستى ىقپالداستىعى كەڭەيە تٷسەتٸنٸنە سەنٸم بٸلدٸردٸ.
«سٸز ٶز ەڭبەگٸڭٸزدٸڭ ارقاسىندا قازاقستان حالقىنىڭ قۇرمەتٸنە بٶلەنٸپ, حالىقارالىق دەڭگەيدە جوعارى بەدەلگە يە بولدىڭىز. سٸزدٸڭ ەۋرازييالىق ينتەگراتسييا جٶنٸندەگٸ يدەيالارىڭىز ەلدەرٸمٸزدٸڭ ەلەۋمەتتٸك-ەكونوميكالىق دامۋىنا, ەۋرازييا قۇرلىعىنداعى تۇراقتىلىق پەن قاۋٸپسٸزدٸكتٸ قامتاماسىز ەتۋگە سەپتٸگٸن تيگٸزٸپ, دەيەكتٸ تٷردە جٷزەگە اسىرىلىپ كەلەدٸ.
شىن جٷرەكتەن سٸزگە زور دەنساۋلىق, باق-بەرەكە, اماندىق جەنە جاڭا جەتٸستٸكتەر تٸلەيمٸن», - دەلٸنگەن جەدەلحاتتا.
***
بەلارۋس رەسپۋبليكاسىنىڭ پرەزيدەنتٸ الەكساندر لۋكاشەنكو نۇرسۇلتان نازارباەۆتىڭ ەكٸ ەل اراسىنداعى قارىم-قاتىناستاردى ستراتەگييالىق تۇرعىدا نىعايتۋعا قوسقان جەكە ٷلەسٸن بەلارۋس حالقى جوعارى باعالايتىنىن اتاپ ٶتتٸ.
«سٸزدٸڭ جاسامپاز جەنە جان-جاقتى قىزمەتٸڭٸز قازاقستاندى قۋاتتى ەرٸ تەۋەلسٸز ەلگە اينالدىردى, ال سىندارلى ەرٸ كٶرەگەن سىرتقى ساياساتىڭىز حالىقارالىق ارەنادا كەڭ قولداۋعا يە بولدى.
ەكٸ جاقتى ەرٸپتەستٸكتٸ نىعايتۋ بٸزدٸڭ دوستاس حالىقتارىمىزدىڭ مٷددەسٸنە جەنە ورتاق ەۋرازييالىق ٷيٸمٸزدٸ دامىتۋعا ودان ەرٸ قىزمەت ەتە بەرەدٸ دەپ سەنەمٸن», - دەلٸنگەن جەدەلحاتتا.
***
تٷرٸكمەنستان پرەزيدەنتٸ گۋربانگۋلى بەردٸمۇحامەدوۆ ٶز حاتىندا مەملەكەت باسشىسىنىڭ قازاقستان حالقىنىڭ يگٸلٸگٸ جولىنداعى بارلىق باستامالارىنىڭ تابىستى جٷزەگە اسىرىلۋىنا تٸلەكتەستٸك بٸلدٸردٸ.
«سٸزدٸڭ دانا باسشىلىعىڭىزدىڭ ارقاسىندا باۋىرلاس قازاقستان رەسپۋبليكاسى ەلەۋمەتتٸك-ەكونوميكالىق دامۋ جولىندا زور جەتٸستٸكتەرگە جەتٸپ, حالىقارالىق ارەناداعى بەدەلٸن دەيەكتٸ تٷردە نىعايتىپ كەلەدٸ.
ەكٸ جاقتى قاتىناستارىمىزدىڭ جوعارى دەڭگەيٸ تٷرٸكمەنستان-قازاقستان اراسىنداعى ستراتەگييالىق سەرٸكتەستٸكتٸ جەنە مەملەكەتارالىق بايلانىستاردى بارلىق باعىتتار بويىنشا ودان ەرٸ كەڭەيتۋ ٷشٸن بەرٸك نەگٸز بولاتىنىنا سەنٸمدٸمٸن», - دەلٸنگەن جەدەلحاتتا.
***
ارمەنييا رەسپۋبليكاسىنىڭ پرەزيدەنتٸ ارمەن ساركيسيان ٶز جەدەلحاتىندا ەكٸ ەل اراسىندا قالىپتاسقان سىندارلى ٶزارا ٸس-قيمىل ارمەنييا-قازاقستان مەملەكەتارالىق ىنتىماقتاستىعىنىڭ كٷن تەرتٸبٸن ەلەۋلٸ تٷردە تولىقتىرا تٷسەتٸنٸن اتاپ ٶتتٸ.
«سٸز مەملەكەتتٸ باسقارۋ ٸسٸندەگٸ مول تەجٸريبەڭٸزدٸڭ, قازاقستان رەسپۋبليكاسىنىڭ مٷددەسٸن تاباندىلىقپەن قورعاي بٸلەتٸندٸگٸڭٸزدٸڭ جەنە كەڭ كٶلەمدٸ حالىقارالىق ىنتىماقتاستىقتى ٸلگەرٸلەتۋ مٸندەتتەرٸن شەشە الاتىندىعىڭىزدىڭ ارقاسىندا حالىقارالىق ارەنادا زور قۇرمەت پەن بارشا جۇرت مويىنداعان بەدەلگە يە بولدىڭىز.
سٸزگە زور دەنساۋلىق, اماندىق پەن تولايىم تابىس, ال قازاقستان حالقىنا بەيبٸت ٶمٸر مەن باق-بەرەكە تٸلەيمٸن», - دەلٸنگەن جەدەلحاتتا.
***
مولدوۆا رەسپۋبليكاسىنىڭ پرەزيدەنتٸ يگور دودون نۇرسۇلتان نازارباەۆتى تۋعان كٷنٸمەن قۇتتىقتاپ, ەۋرازييالىق ەكونوميكالىق وداقتى قۇرۋعا جەنە قالىپتاستىرۋعا زور ٷلەس قوسقانىن اتاپ ٶتتٸ.
«سٸز ٶتكەن عاسىردىڭ 90-شى جىلدارىنىڭ ٶزٸندە ەلدەرٸمٸز ٷشٸن قازٸرگٸ كٷردەلٸ ەلەمدە ەگەمەندٸك پەن تەۋەلسٸزدٸكتٸ ساقتاۋمەن قاتار ٶز ەكونوميكالىق ەلەۋەتٸن ارتتىرۋدىڭ ماڭىزدى ەكەنٸن دە تٷسٸنٸپ, وسى ماقساتپەن ەرٸكتٸلٸك پەن تەڭ قۇقىلى ۇستانىمعا نەگٸزدەلگەن مەملەكەتارالىق بٸرلەستٸك قۇرۋدى ۇسىندىڭىز. سٸزدٸڭ يدەياڭىز جٷزەگە اسىپ, ەۋرازييالىق ەكونوميكالىق وداق قۇرىلدى. وسى ۇيىمدا مولدوۆا رەسپۋبليكاسى باقىلاۋشى مەملەكەت مەرتەبەسٸن الدى», - دەلٸنگەن جەدەلحاتتا.
***
يسپانييا كورولٸ VI فەليپە استانانىڭ 20 جىلدىق مەرەيتويىنا جەنە مەملەكەت باسشىسىنىڭ تۋعان كٷنٸنە وراي قۇتتىقتاۋ جەدەلحاتىن جولدادى.
«استانا «ەكسپو-2017» حالىقارالىق كٶرمەسٸنٸڭ اشىلۋ رەسٸمٸنە قاتىسۋ ٷشٸن سٸزدٸڭ ەلٸڭٸزگە ساپارمەن بارعاندا قوناقجايلىق تانىتىپ, مەنٸ ىستىق ىقىلاسپەن قارسى العانىڭىز ەسٸمدە.
وسى تاماشا مٷمكٸندٸكتٸڭ ارقاسىندا مەن ەلورداڭىزدىڭ زاماناۋي ينفراقۇرىلىمى بار ەرٸ جارقىن بولاشاققا ۇمتىلعان ٸرٸ قالاعا اينالعانىن كٶردٸم», - دەلٸنگەن جەدەلحاتتا.
***
پولشا رەسپۋبليكاسىنىڭ پرەزيدەنتٸ اندجەي دۋدا قازاقستان مەن پولشا اراسىنداعى دوستىق قاتىناستار ەكٸ جاقتى تابىستى ىنتىماقتاستىقتىڭ دەلەلٸ ەكەنٸن اتاپ ٶتتٸ.
«قازاقستان پولشانىڭ ورتالىق ازييا ٶڭٸرٸندەگٸ ماڭىزدى ەرٸپتەستەرٸنٸڭ بٸرٸ سانالادى.
جاھاندىق پروبلەمالاردى شەشۋ ٸسٸنە بەلسەندٸ اتسالىسقانىڭىز ٷشٸن سٸزگە زور قۇرمەتپەن قارايمىن. قازاقستاننىڭ بٸرٸككەن ۇلتتار ۇيىمىنىڭ قاۋٸپسٸزدٸك كەڭەسٸنە تٶراعالىق ەتۋ كەزٸندەگٸ باستامالارى, سونىڭ ٸشٸندە ٶزٸم قاتىسقان جوعارى دەڭگەيدەگٸ جارىسسٶزدەر - سونىڭ ايقىن دەلەلٸ. سٸز قولعا الىپ جاتقان يگٸ ٸستەر ٶڭٸردە جەنە ەلەمدە بەيبٸتشٸلٸك پەن قاۋٸپسٸزدٸكتٸ نىعايتۋعا سەپتٸگٸن تيگٸزەدٸ دەن سەنەمٸن», - دەلٸنگەن جەدەلحاتتا.
***
سەربييا رەسپۋبليكاسىنىڭ پرەزيدەنتٸ الەكساندر ۆۋچيچ بارشا قازاقستاندىقتاردى استانانىڭ 20 جىلدىعىمەن قۇتتىقتاپ, مەملەكەت باسشىسىنا جاۋاپتى قىزمەتتە تابىسقا جەتە بەرۋٸنە تٸلەكتەستٸك بٸلدٸردٸ.
«قازاقستاننىڭ قول جەتكٸزگەن جەتٸستٸكتەرٸنە تەنتٸ ەكەنٸمدٸ بٸلدٸرگٸم كەلەدٸ. سٸز تيٸمدٸ باسشىلىعىڭىزدىڭ ارقاسىندا «تٶرتٸنشٸ ٶنەركەسٸپتٸك رەۆوليۋتسييا جاعدايىنداعى دامۋدىڭ جاڭا مٷمكٸندٸكتەرٸ», «بەس ەلەۋمەتتٸك باستاما», «قازاقستان - 2050» ستراتەگيياسى» سيياقتى باستامالار اياسىندا كٶزدەگەن ماقساتتارىڭىزدىڭ بەرٸنە قول جەتكٸزەسٸز دەپ سەنەمٸن.
سٸزدٸڭ كٶرەگەندٸگٸڭٸز بەن جۇمىسقا بەرٸلگەندٸگٸڭٸزدٸڭ ارقاسىندا قازاقستان قارىشتاپ دامىپ, بٸرتە-بٸرتە ەلەمدە ماڭىزدى ورىنعا يە بولىپ كەلە جاتىر», - دەلٸنگەن جەدەلحاتتا.
***
بولگارييا رەسپۋبليكاسىنىڭ پرەزيدەنتٸ رۋمەن رادەۆ ەكٸ جاقتى نەگٸزدەگٸ جەنە ەۋروپا وداعى مەن قازاقستان قارىم-قاتىناستارى اياسىنداعى مەملەكەتارالىق ديالوگتىڭ دامۋ بارىسىنا كٶڭٸلٸ تولاتىنىن ايتتى.
«ەلدەرٸمٸز بەن حالىقتارىمىزدىڭ اراسىنداعى دوستىق قارىم-قاتىناستار بٸزدٸڭ ساياسي, ەكونوميكالىق جەنە مەدەني سالالارداعى ىنتىماقتاستىعىمىزدىڭ نىعايۋىنا ٶز ٷلەسٸن قوساتىنىنا سەنٸمدٸمٸن», - دەلٸنگەن جەدەلحاتتا.
***
گرۋزييا پرەزيدەنتٸ گيورگيي مارگۆەلاشۆيلي قازاقستان تەۋەلسٸزدٸك العان سەتتەن بەرگٸ, سالىستىرمالى تٷردە, از ۋاقىت ٸشٸندە نۇرسۇلتان نازارباەۆتىڭ باسشىلىعىنىڭ ارقاسىندا قۋاتتى, دامىعان, جوعارى حالىقارالىق بەدەل مەن سەنٸمگە يە بولعان مەملەكەتكە اينالعانىن اتاپ ٶتتٸ.
«بۇل كٷندەرٸ 20 جىلدىعىن اتاپ ٶتٸپ جاتقان استانا زاماناۋي قازاقستان دامۋىنىڭ سيمۆولى ەكەنٸ سٶزسٸز.
سٸزدٸڭ گرۋزييا مەن قازاقستان اراسىنداعى ىنتىماقتاستىقتى دامىتۋعا جەنە نىعايتۋعا ٶلشەۋسٸز ٷلەس قوسقانىڭىزدى ەرەكشە اتاپ ٶتكٸم كەلەدٸ. ەكٸ ەل اراسىنداعى دوستىق پەن ٶزارا تيٸمدٸ قارىم-قاتىناستار دەستٷرٸ الداعى ۋاقىتتا دا نىعايا بەرەدٸ دەپ سەنەمٸن», - دەلٸنگەن جەدەلحاتتا.
***
رەسەي فەدەراتسيياسى ٷكٸمەتٸنٸڭ تٶراعاسى دميتريي مەدۆەدەۆ ٶزٸنٸڭ قۇتتىقتاۋ جەدەلحاتىندا قازاقستان پرەزيدەنتٸنٸڭ ەكٸ مەملەكەتتٸ بايلانىستىراتىن دوستىق قارىم-قاتىناستاردى, تاتۋ كٶرشٸلٸكتٸ جەنە وداقتاستىقتى نىعايتۋعا قوسقان جەكە ٷلەسٸن ەرەكشە اتاپ ٶتتٸ.
«ساۋدا-ەكونوميكالىق جەنە ينۆەستيتسييالىق ىنتىماقتاستىق دەيەكتٸ تٷردە دامىپ كەلەدٸ جەنە ەنەرگەتيكا, ٶنەركەسٸپ, ينفراقۇرىلىم, جوعارى تەحنولوگييالار مەن باسقا دا سالالارداعى پەرسپەكتيۆتٸ بٸرلەسكەن جوبالار جٷزەگە اسىرىلۋدا.
ٷكٸمەتتەرٸمٸز اراسىنداعى بەلسەندٸ ەرٸپتەستٸككە نەگٸزدەلگەن جۇمىستار تەجٸريبە جٷزٸندەگٸ كووپەراتسييانى ودان ەرٸ ارتتىرۋعا جەنە ەۋرازييالىق ەكونوميكالىق وداق اياسىنداعى ينتەگراتسييالىق ٸس-قيمىلدارىمىزدى تەرەڭدەتۋگە سەپتٸگٸن تيگٸزەدٸ دەپ سەنەمٸن», - دەلٸنگەن جەدەلحاتتا.
