تٶتەنشە جاعداي ۋاقىتىندا مەملەكەتتٸك ساتىپ الۋ بويىنشا تاۋار قۇنى شامامەن 43 پايىزعا ٶسكەن. بۇل تۋرالى «اتامەكەن» ۇلتتىق كەسٸپكەرلەر پالاتاسىنىڭ باسقارما تٶراعاسىنىڭ ورىناسارى ەربول ٶستەمٸروۆ مەلٸم ەتتٸ, دەپ حابارلايدى قازاقپارات.
«تٶتەنشە جاعداي رەجيمٸندە مەملەكەتتٸك ساتىپ الۋدىڭ جاڭا تەرتٸبٸ ەنگٸزٸلدٸ. تىڭ ٶزگەرٸستەرگە سەيكەس مەرزٸم قىسقارىپ, ەلەۋەتتٸ تاسىمالداۋشىلارعا دا قويىلاتىن تالاپتار ٶزگەردٸ. بٸر جاعىنان بۇل دۇرىس. سەبەبٸ مەملەكەتتٸك ورگاندارعا تج رەجيمٸ ۋاقىتىندا تاۋارلار مەن قىزمەتتەردٸ تەزٸرەك ساتىپ الۋعا مٷمكٸندٸك بەرەدٸ. ەكٸنشٸ جاعىنان مەرزٸمنٸڭ بۇلايشا قىسقارۋى جەمقورلىق فاكتٸلەرٸن تۋىنداتادى», - دەدٸ ەربول ٶستەمٸروۆ اگەنتتٸكتٸڭ Facebook پاراقشاسىندا بەرگەن سۇحباتىندا.
ونىڭ ايتۋىنشا, تٶتەنشە جاعداي ۋاقىتىندا مەملەكەتتٸك ساتىپ الۋ بويىنشا تاۋارلاردىڭ قۇنى بٸردەن شارىقتاپ كەتكەن.
«بٸزدٸڭ جٷيە كٶرسەتٸپ وتىرعانداي, تٶتەنشە جاعداي ۋاقىتىندا تاۋاردىڭ باعاسى 43 پايىزعا ٶسكەن. ياعني مەملەكەتتٸك ورگانداردىڭ ٶز پايداسىن ويلاعان لاۋازىمدى قىزمەتكەرلەرٸ جەمقورلىق ەرەكەتٸن جاساپ, وسىناۋ ەرەكشە تەرتٸپتٸ پايداسىنا جاراتادى», - دەپ اتاپ ٶتتٸ ەربول ٶستەمٸروۆ.
