فوتو: aktobetimes.kz
جول سالۋ بارىسىندا ونداعان ميلليارد تەڭگە ۇرلانعان. پروكۋراتۋرا 23 قىلمىستىق ٸس قوزعادى, - دەپ حابارلايدى Massaget.kz پورتالى باس پروكۋراتۋرانىڭ باسپاسٶز قىزمەتٸنە سٸلتەمە جاساپ.
ۆەدومستۆودا ەرتٷرلٸ سحەمالاردى اشۋ بويىنشا جٷرگٸزٸلٸپ جاتقان جۇمىستار تۋرالى حابارلاندى, ول ٷشٸن قاداعالاۋ ورگانى "قازاۆتوجول "ۇك" اق-دا, اۆتوموبيل جولدارى كوميتەتٸندە جەنە جەرگٸلٸكتٸ ەكٸمدٸكتەردە تيٸستٸ تەكسەرۋلەر جٷرگٸزەدٸ.
"بۇل جۇمىس جەمٸسٸن بەرٸپ جاتقانى سٶزسٸز. جول قۇرىلىسى كەزٸندە 43,4 ميلليارد تەڭگە ۇرلانعان, ول تٷگەلدەي دەرلٸك "قازگەرستروي" جشس قالتاسىنا تٷسكەن. سونىمەن قاتار, سەگٸز جوبالىق-سمەتالىق قۇجاتتامانى ەزٸرلەۋگە بٶلٸنگەن قاراجاتتى تيٸمسٸز پايدالانۋ دەرەكتەرٸ انىقتالدى. ەڭگٸمە 600 ميلليون تەڭگە تۋرالى بولىپ وتىر", - دەدٸ باس پروكۋراتۋرا ٶكٸلدەرٸ.
رەسمي دەرەكتەرگە سٷيەنسەك, بەس ورتا جەنە اعىمداعى جٶندەۋ نىسانى بويىنشا جوبالاۋ-سمەتالىق قۇجاتتامانى جاساۋ كەزٸندە شەنەۋنٸكتەر باعالاۋ قۇن سوماسىن ەكٸ ميلليارد تەڭگەدەن اسا ارتتىرعان.
"بيۋدجەت اقشاسىن جىمقىرۋ ٷشٸن مەردٸگەرلەر قۇرىلىس ماتەريالدارىنا 70 جالعان سەرتيفيكات پايدالانعان, ون جاعدايدا ستاندارتقا سەيكەس كەلمەيتٸن ماتەريالدار پايدالانىلعان. تەكسەرۋ بارىسىندا مەردٸگەرلەردٸڭ ورىندالماعان شارتتىق مٸندەتتەمەلەر مەن ٶسٸمپۇلدار بويىنشا قارىزدارىنا شەنەۋنٸكتەر كٶز جۇمعانى بەلگٸلٸ بولدى. نەتيجەسٸندە مەردٸگەرلەردٸڭ شارتتىق مٸندەتتەمەلەردٸ بۇزعانى ٷشٸن ٶتەلمەگەن دەبيتورلىق بەرەشەگٸ 6,8 ميلليارد تەڭگە, ال ٶسٸمپۇل سوماسى 636 ميلليون تەڭگە بولعان", - دەدٸ باس پروكۋراتۋرا ٶكٸلدەرٸ.
پروكۋراتۋرادا الىم جيناۋ جٷيەسٸن ەنگٸزۋ بويىنشا ينۆەستيتسييالىق جوبانى جٷزەگە اسىرۋ تۋرالى دا سۇراقتار كٶتەرٸلدٸ.
"ولار جەتكٸزۋشٸ - Computer Vision Technologies جشس قىزمەتتەرٸنٸڭ باعاسى ٷش ەسە ارتىپ, 138,8 ميلليارد تەڭگە بولۋىمەن بايلانىستى بولدى. قازٸرگٸ ۋاقىتتا قاراجاتتى يەمدەنۋ مەن ىسىراپ ەتۋدٸڭ, سونداي-اق لاۋازىمدىق ٶكٸلەتتٸ تەرٸس پايدالانۋدىڭ بارلىق دەرەگٸ بويىنشا (وسىنىڭ بارلىعىنان زالال 45 ميلليارد تەڭگەدەن اسادى) 23 قىلمىستىق ٸس قوزعالدى. بۇدان ەرٸ تەرگەۋمەن سىبايلاس جەمقورلىققا قارسى قىزمەت پەن فينمونيتورينگ اگەنتتٸگٸ اينالىسادى", - دەپ حابارلادى باس پروكۋراتۋرا.
رەسمي اقپاراتقا سەيكەس, پروكۋرورلار 24 ميلليارد تەڭگە بولاتىن بيۋدجەت شىعىنىنىڭ الدىن الىپ, 17,3 ميلليارد تەڭگە بولاتىن زاڭسىز تەندەرلەردٸڭ نەتيجەلەرٸن جويدى.
