بٷگٸن پارلامەنت مەجٸلٸسٸندە ٶتكەن ٷكٸمەت ساعاتىندا قازاقشا قويىلعان سۇراقتارعا تەك ورىس تٸلٸندە جاۋاپ قايتارىلۋى دەپۋتات باقىتجان ەبدٸرايىمنىڭ نامىسىنا تيدٸ, دەپ جازادى قازاقپارات.
ايتا كەتەيٸك, قر ٸشكٸ ٸستەر مينيسترٸ قالمۇحانبەت قاسىموۆ باس بوستاندىعىنان ايىرۋ ورىندارىنان بوساتىلعان جەنە پروباتسييا قىزمەتٸندە ەسەپتە تۇرعان ازاماتتاردى ەلەۋمەتتٸك وڭالتۋدىڭ 2017-2019 جىلدارعا ارنالعان كەشەندٸ ستراتەگيياسىن ٸسكە اسىرۋ تاقىرىبىنداعى ٷكٸمەت ساعاتىندا بايانداما جاساعان بولاتىن. «بٷگٸنگٸ بٸزدٸڭ تالقىلاپ جاتقان تاقىرىپتىڭ ٶتە ماڭىزدى ەرٸ ٶزەكتٸ ەكەنٸ بەلگٸلٸ. بٸراق بۇدان دا زور بٸر مەسەلەگە بٸز بٷگٸن جاۋاپ تاپپادىق, قۇرمەتتٸ ەرٸپتەستەر! سوندىقتان بۇل جايت مەنٸڭ كٶڭٸلٸمە, نامىسىما قاتتى تيدٸ. اتاپ ايتقاندا, قازاق تٸلٸندەگٸ, ياعني مەملەكەتتٸك تٸلدە قويىلعان 12 سۇراقتىڭ 11-ٸنە ورىس تٸلٸندە جاۋاپ بەرٸلدٸ. كٸم جاۋاپ بەردٸ? مىنا جەردە وتىرعان ەكٸمنٸڭ ورىنباسارى, ەڭبەك جەنە حالىقتى ەلەۋمەتتٸك قورعاۋ مينيسترٸنٸڭ ورىنباسارى, ولار كٸممەن جۇمىس ٸستەيدٸ? حالىقپەن جۇمىس ٸستەيدٸ. ولار قازاق تٸلٸندە جاۋاپ بەرمەسە, وندا قالاي بولماق? ەكٸنشٸدەن, ەلباسى كەشە عانا ٶزٸنٸڭ ماقالاسىندا تٸكەلەي ايتىپ كەتتٸ عوي, مەملەكەتتٸك تٸلدٸ قۇرمەتتەۋ تەۋەلسٸزدٸكتٸ قۇرمەتتەۋ دەپ. مٸنە, باسىنان اياعىنا دەيٸن ٷكٸمەت ساعاتىن ۆلاديمير كارپوۆيچ (مەجٸلٸس تٶراعاسىنىڭ ورىنباسارى بوجكو - اۆت.) قازاق تٸلٸندە جٷرگٸزٸپ جاتىر. دەپۋتات ماگگەراموۆ مىرزا تازا قازاق تٸلٸندە وقىدى, بٸزدٸڭ سنەجانا يماشەۆا دەگەن قارىنداسىمىز قازاق تٸلٸندە سٶيلەيدٸ, ال شيپوۆسكيح بٸزدەن جاقسى قازاق تٸلٸن مەڭگەرگەن», - دەدٸ باقىتجان ەبدٸرايىم.
وسى ورايدا دەپۋتات مەملەكەتتٸك تٸلدە سۇراق قويىلسا, سول تٸلدە جاۋاپ بەرٸلۋٸ قاجەتتٸگٸن قاداپ ايتتى.
«بٸز بۇعان قازٸر شەكتەۋ قويماساق, وسىلاي جالعاسا بەرەدٸ. سول سەبەپتەن مەنٸڭ ٶتٸنٸشٸم, بولاشاقتا بٸزگە كەلەتٸن لاۋازىمدى قىزمەتكەرلەر مەملەكەتتٸك تٸلدە سۇراق قويىلسا, سول تٸلدە جاۋاپ بەرۋگە تىرىسسىن», - دەپ تٷيٸندەدٸ سٶزٸن ب. ەبدٸرايىم.
