قازاقستاننىڭ مەملەكەتتٸك شەكاراسىن كارانتيندٸك شەكتەۋلەر كەزٸندە زاڭسىز كەسٸپ ٶتۋدٸڭ جاڭا تٷرلەرٸ پايدا بولدى. مۇنداي اقپاراتتى قر ۇلتتىق قاۋٸپسٸزدٸك كوميتەتٸنٸڭ باسپاسٶز قىزمەتٸ ۇسىنىپ وتىر, دەپ حابارلايدى "ۇلت اقپارات".
مەسەلەن, ٶتكەن اپتادا «قاراسۋ» اۆتوموبيل ٶتكٸزۋ پۋنكتتەرٸندە مەملەكەتتٸك شەكارانى زاڭسىز كەسٸپ ٶتۋدٸڭ 8 ەرەكەتٸنە توسقاۋىل قويىلدى: جامبىل وبلىسى – 1 فاكتٸ, ماڭعىستاۋ وبلىسى - 1 فاكتٸ, اقتٶبە وبلىسى – 1 فاكتٸ, سقو – 1 فاكتٸ, قوستاناي وبلىسى – 2 فاكتٸ, پاۆلودار وبلىسى – 2 فاكتٸ.
«جٷرگٸزۋشٸلەر حالىقارالىق جٷك تاسىمالىنىڭ شەكارادان ٶتۋٸنە نەگٸز بولاتىن ەكٸنشٸ جٷرگٸزۋشٸ رەتٸندە جالعان جٷرگٸزۋشٸ كۋەلٸكتەرٸن قولدانا وتىرىپ, شەكارانى زاڭسىز كەسٸپ ٶتۋگە تىرىسقان. اتالعان بارلىق جاعدايدا قر قىلمىستىق كودەكسٸنٸڭ «جالعان قۇجاتتاردى, مٶرتابانداردى, مٶرلەردٸ, بلانكٸلەردٸ, پوشتا تٶلەمٸنٸڭ مەملەكەتتٸك بەلگٸلەرٸن, مەملەكەتتٸك ناگرادالاردى قولدان جاساۋ, دايىنداۋ نەمەسە ٶتكٸزۋ» تۋرالى 385-بابىندا كٶزدەلگەن قىلمىس بەلگٸلەرٸ بويىنشا تەكسەرۋ ماتەريالدارى مەن كٶلٸك قۇرالدارى ۋەكٸلەتتٸ ورگاندارعا بەرٸلدٸ», - دەلٸنگەن تاراتىلعان اقپاراتتا.
سونىمەن قاتار 18 قاراشادا «قاراسۋ» (جامبىل وبلىسى), «جايساڭ» (اقتٶبە وبلىسى), «جاڭا جول» جەنە «قاراقوعا» (سقو) ٶتكٸزۋ پۋنكتتەرٸندە جالعان قۇجاتتار مەن سەيكەستەندٸرۋ نٶمٸرلەرٸ بار اۆتوموبيلدەردٸ شەكارا ارقىلى زاڭسىز ٶتكٸزۋدٸڭ 4 ەرەكەتٸنٸڭ جولى كەسٸلگەن.
جالپى, كارانتيندٸك شەكتەۋلەر كەزەڭٸندە مەملەكەتتٸك شەكارانى زاڭسىز كەسٸپ ٶتۋ ٷشٸن جالعان جٷرگٸزۋشٸ كۋەلٸكتەرٸن پايدالانعان 113 ادام (قازاقستان - 51, قىرعىزستان - 30, ٶزبەكستان - 20, تەجٸكستان - 7, رف - 5), جالعان مەديتسينالىق انىقتامالارى بار 35 ادام, سونداي-اق قازاقستاندىق مەديتسينالىق مەكەمەلەردەن جالعان شاقىرۋلارى بار 42 شەتەلدٸك انىقتالدى.
