الماتى قالالىق قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ەسەل بەيسەنباەۆا شامالعاندا اپاتقا ۇشىراعان ەكٸ قىزدىڭ دەنساۋلىعى جايلى ايتىپ بەردٸ, دەپ حابارلايدى "ۇلت اقپارات".
5 جەنە 3 جاستاعى قىزدار بٷگٸن №2 بالالار قالالىق كلينيكالىق اۋرۋحاناسىندا نەۆرولوگييا بٶلٸمشەسٸندە جاتىر. ٷلكەنٸ بالالار شۇعىل كٶمەك كٶرسەتۋ ورتالىعىنان - 3 قازاندا, كٸشٸسٸ 7 قازاندا اۋىستىرىلدى.
«قازٸر قىزداردىڭ ٷلكەنٸنٸڭ جاعدايى ورتاشا, ٶزدٸگٸنەن تاماق ٸشە الادى, جٷرەدٸ, جٷگٸرەدٸ, وينايدى, سۇراقتارعا جاۋاپ بەرەدٸ, ەموتسييالارى ناقتى. يىق بۋىنىنىڭ وڭ جاق سىنىعى بار, گيپس سالىنعان. كٸشٸ قىزدا – ورتالىق-جٷيكە جٷيەسٸنٸڭ زاقىمدانۋى سالدارىنان جاعدايى تۇراقتى اۋىر, تەتراپارەز تٷرٸندەگٸ قوزعالىس بۇزىلىستارى بار, زوند ارقىلى تاماقتانادى. 3 قازاندا كومادان شىقتى», - دەدٸ ەسەل بەيسەنباەۆا.
دەرٸگەردٸڭ ايتۋىنشا, بالالار ۇزاق وڭالتۋ شارالارىنان ٶتەدٸ.
«الداعى ۋاقىتتا وڭالتۋ ورتالىعىندا وڭالتۋدىڭ ەكٸنشٸ كەزەڭٸ جوسپارلانىپ وتىر. بالالار بارلىق مەديتسينالىق كٶمەكتٸ تولىق كٶلەمدە الىپ جاتىر. تۇراقتى نەگٸزدە بەيٸندٸ مامانداردى تارتا وتىرىپ, كونسيليۋمدار ٶتكٸزٸپ كەلەمٸز», - دەدٸ دەرٸگەر.
ەسكە سالايىق, 15 قىركٷيەك كٷنٸ شامالعان ستانساسىنداعى تەمٸرجول ٶتكەلٸندە پويىز بەن اۆتوبۋس سوقتىعىستى. وقيعا ورنىندا اۆتوبۋس جٷرگٸزۋشٸسٸ مەرت بولىپ, تاعى 3 ادام قاراساي اۋداندىق اۋرۋحاناسىنىڭ جانساقتاۋ بٶلٸمٸنە تٷستٸ. ولار – اناسى مەن 5 جەنە 3 جاستاعى بالالار. 22 قىركٷيەك كٷنٸ سەبيلەردٸڭ بٸرٸ ەس جيعانىن جازعان بولاتىنبىز.
اتالعان فاكتٸ بويىنشا قر قك-نٸڭ 345-بابى 3-بٶلٸگٸ بويىنشا ٸس قوزعالىپ, تەرگەۋ جٷرٸپ جاتىر. ٸستٸڭ تەرگەلۋٸن باس كٶلٸكتٸك پروكۋراتۋرا باقىلاۋىنا الدى.
