اقتٶبە وبلىسىنىڭ ەكٸمٸ بەردٸبەك ساپارباەۆ شالقار اۋدانىنا جۇمىس ساپارىمەن شىعىپ, ەل جايىمەن تانىستى. ٸسساپار كەزٸندە شالقار قالاسىنداعى «بولاشاق» باقشاسى اشىلدى. ال بۇل بالاباقشانىڭ لەنتاسى وسىدان 2 جىل بۇرىن قيىلىپ, كٸلت تاپسىرۋ رەسٸمٸ دە ٶتكەن. تٸپتٸ, رەسپۋبليكالىق, جەرگٸلٸكتٸ باق ارقىلى جاڭالىق تا بەرٸلدٸ. Bnews.kz تٸلشٸسٸ ٶڭٸر باسشىسىنىڭ جۇمىس ساپارىنداعى بٸرقاتار كٶزبوياۋشىلىقتار مەن اسىرا سٸلتەۋشٸ شەنەۋنٸكتەردٸڭ ەرەكەتٸن ەشكەرە ەتتٸ.
اقتٶبە وبلىسىنىڭ ەكٸمٸ بەردٸبەك ساپارباەۆ بەرشٷگٸردەگٸ قيىرشىق تاس ٶندٸرۋ زاۋىتىنىڭ جاڭا جەلٸسٸن اشتى. مۇندا تاڭ قىلاڭ بەرە اعاش ٷي تٸگٸلٸپ, ارنايى ساحنا دايىندالدى. ال جۇمىسشىلار مەن ستسەناريي اۆتورلارى بٸرنەشە مەرتە دايىندىقتارىن پىسىقتاپ, تٸپتٸ, وبلىس ەكٸمٸ بەردٸبەك ساپارباەۆتىڭ وبرازىنا ەنٸپ, حالىقپەن امانداستى, قىزىل تٷيٸندٸ باسىپ, زاۋىتتى ٸسكە قوسۋعا رۇقسات بەردٸ.
ٶڭٸر باسشىسىنىڭ ساپارىنا قۋانعان جۇمىسشىلار بولسا بٸرنەشە اي بويى 13 مىڭ تەڭگە جالاقى الىپ جٷرگەنٸن, كەيبٸرٸ قىسقارىپ قالعانىن جەتكٸزۋدٸڭ جولىن ٸزدەدٸ. العاشىندا ەشكٸم باتا المادى. ٶڭٸر باسشىسى «سۇراقتارىڭىز بار ما, قازٸر كەتٸپ قالامىن, كەيٸن ٶكٸنٸپ جٷرمەڭٸزدەر» دەپ قايتا سۇراعاندا الدا تۇرعان جۇمىسشىلار ەمەس, زەينەتكەرلەر بالالارىنىڭ جۇمىسىنداعى قيىندىقتار تۋرالى ايتىپ بەردٸ.
«بالالارىمىز قيىرشىق تاس زاۋىتىندا جۇمىس ٸستەيدٸ. شىنىن ايتقاندا, 2015 جىلدان بەرٸ جۇمىسشىلار دۇرىس جالاقى العان ەمەس. قازٸر «تۇمار», «تەمٸر جول جٶندەۋ» سەرٸكتەستٸكتەرٸ بولىپ ەكٸگە بٶلٸندٸ. جۇمىسشىلار قىسقارىپ جاتىر. مەنٸڭ بالام 13 مىڭ ايلىق الادى. ونىڭ بالا-شاعاسىن زەينەتكەر – مەن اسىراپ وتىرمىن»,- دەيدٸ زەينەتكەر روزا ابجاپاروۆا.
ال قۋانىش ساندىعۇل – زاۋىتتا قىسقارتۋعا تاپ بولعان جۇمىسشىلاردىڭ بٸرٸ. ول زاۋىت قۇرىلىسىنا قاتىسقان, ۇزاق جىلدار بويى ماشينيست-كونۆەيەر بولىپ ەڭبەك ەتكەن. كەسٸپورىن باسشىلارى ارىز-شاعىمدى تىڭداعان وبلىس ەكٸمٸ بەردٸبەك ساپارباەۆتى الداعى ۋاقىتتا مەكەمە كەڭەيٸپ, جاڭا جۇمىس ورىندارى اشىلادى دەپ سەندٸردٸ.
كەيٸن بەردٸبەك ساپارباەۆ شالقار قالاسىنا باردى. بٸر قىزىعى, ەرەكشە دايىندالىپ, ٶزگەلەردەن اسىپ تٷسۋدٸ ماقسات ەتكەن شالقارلىقتار 7 بٸردەي اق تٷستٸ «دجيپ» كٶلٸگٸن دايىنداپ, باسشىلاردى كٷتٸپ الدى. ال ٶڭٸر باسشىسىنىڭ جۇمىس ساپارى مەن جاڭا نىسانداردىڭ اشىلۋىن, حالىقتىڭ جايى تۋرالى ەل ٸشٸن حاباردار ەتەتٸن تٸلشٸلەر «جيگۋلي», «ۋازيك» كٶلٸكتەرٸنە مٸنٸپ, جٷيتكٸگەن شەتەلدٸك كٶلٸكتەرگە ٸلەسۋٸنە تۋرالى كەلدٸ. كەي نىساندارعا بارار جولدا اداسىپ, تانىستىرىلىمعا كەشٸگٸپ قالدى.
سوراقىسى سول – بەردٸبەك ساپارباەۆتى اۋدان ەكٸمٸ باۋىرجان قانيەۆ پەن كەسٸپكەرلەر الداپ سوعىپ, 2014 جىلى لەنتاسى قيىلعان «بولاشاق» بالاباقشاسىن ەكٸنشٸ رەت اشتى. سالتاناتتى جيىنعا بالالار, اتا-انالار مەن بٸلٸم بٶلٸمٸنٸڭ ماماندارى قاتىستى.
مىنا سۋرەتتەر دەل وسى بالاباقشانىڭ 2 جىل بۇرىن اشىلعانىن ايعاقتايدى.
«اۋداندا 558 بالا باقشا كەزەگٸندە تۇر. بالالاردى جاپپاي باقشامەن قامتۋ ماقساتىندا مەملەكەتتٸك-جەكە مەنشٸك سەرٸكتەستٸك اياسىندا بٸر بالاباقشانىڭ قۇرىلىسى باستالدى, ال «بولاشاق» باقشاسى 190 بالاعا ارنالعان. بالاباقشادا 58 ادام جۇمىس ٸستەيدٸ», - دەگەن اۋداندىق بٸلٸم بٶلٸمٸنٸڭ باسشىسى ريتا باسماعامبەتوۆا باقشانىڭ بۇرىن اشىلعانىن راستامادى.
ال جەرگٸلٸكتٸ, رەسپۋبليكالىق تٸلشٸلەر وسىدان ەكٸ جىل بۇرىن بالاباقشانىڭ اشىلۋىنا قاتىسىپ, سول جىلدارى وبلىس ەكٸمٸ بولعان ارحيمەد مۇحامبەتوۆ «قازاقستان تەمٸر جولى» ۇك قولداۋىمەن بالاباقشا پايدالانۋعا بەرٸلدٸ» دەپ اقپارات تاراتقان ەدٸ.
