قازاقستان قىرعىزستانعا گۋمانيتارلىق كٶمەك رەتٸندە كوروناۆيرۋسقا قارسى QazVac ۆاكتسيناسىنىڭ 25 مىڭ دوزاسىن جٸبەردٸ. ول بارلىق ٶڭٸرگە جەتكٸزٸلگەن. QazVac ۆاكتسيناسىن العانداردا شاعىم نەمەسە اسقىنۋ بولعان جوق. سونداي-اق, قىرعىزستان قازاقستاننان كوروناۆيرۋس جۇقتىرعان ناۋقاستارعا ارنالعان تەز قۇرىلاتىن موبيلدٸ كلينيكا سالۋ بويىنشا كٶمەك سۇرادى. بۇل تۋرالى Tengrinews.kz تٸلشٸسٸنە بەرگەن سۇحاتىندا قىرعىزستاننىڭ دەنساۋلىق ساقتاۋ مينيسترٸ الىمكادىر بەيشەناليەۆ ايتتى.
قىرعىزستانداعى ۆاكتسيناتسييا
قىرعىزستاندا ۆاكتسيناتسييا 24-25 شٸلدەدە باستالدى. وسى كەزدە ەلگە Sinopharm ۆاكتسيناسىنىڭ كەزەكتٸ پارتيياسى جەتكٸزٸلگەن. كٷن سايىن ەلدە 20 مىڭنان اسا ادام ەكپە سالدىرادى. 5 تامىزدا العاشقى دوزانى 520 مىڭنان اسا ادام العان. مينيستردٸڭ ايتۋىنشا, ەلدە ۆاكتسينالاۋ جاس ساناتىنا بٶلٸنبەيدٸ, بارلىق تٸلەك بٸلدٸرۋشٸ ۆاكتسينا الا الادى.
"Sinopharm, AstraZeneca, QazVac الىنعاننان كەيٸن جاپپاي ۆاكتسيناتسييا باستالدى. بٸز COVAX حالىقارالىق باعدارلاماسى ارقىلى AstraZeneca ۆاكتسيناسىنىڭ 226 مىڭ دوزاسىن الدىق. قازٸر قىرعىزستاندىقتاردا ٷش تاڭداۋ بار. تۇرعىندار AstraZeneca نەمەسە Sinopharm نەمەسە QazVac-تى تاڭداي الادى. بارلىق ۆاكتسينا قىرعىزستاننىڭ بارلىق ٶڭٸرٸنە, سونىڭ ٸشٸندە QazVac تا بٸركەلكٸ تاراتىلدى.
الدىمەن "سپۋتنيك V" ۆاكتسيناسى حالىق اراسىندا تانىمال بولدى. بٸراق "سپۋتنيك V" ددسۇ ماقۇلداعان ۆاكتسينالار تٸزٸمٸنە كٸرمەيدٸ. شەتەلگە وقۋعا, جۇمىسقا نەمەسە ٸسساپارعا بارعىسى كەلەتٸندەر Sinopharm جەنە AstraZeneca ۆاكتسيناسىن تاڭداي باستادى, ٶيتكەنٸ ولار ددسۇ تٸزٸمٸنە ەنگٸزٸلگەن", - دەدٸ الىمكادىر بەيشەناليەۆ.
QazVac - گۋمانيتارلىق كٶمەك
دەنساۋلىق ساقتاۋ مينيسترٸ قازاقستاندىق QazVac ۆاكتسيناسىنىڭ 25 مىڭ دوزاسى بارلىق وبلىس ورتالىعىنا تاراتىلعانىن مەلٸمدەدٸ.
"QazVac ۆاكتسيناسىن العاننان كەيٸن شاعىمدار نەمەسە اسقىنۋلار بولعان جوق. تيٸمدٸلٸك تۋرالى ايتاتىن بولساق, ەزٸرلەۋشٸلەر بٸزگە ەكٸ كٷن قاتارىنان كەلدٸ. مەنٸمەن, ەپيدەميولوگتارمەن كەزدەستٸ. ولار ٷشٸنشٸ كلينيكالىق كەزەڭدە ۆاكتسينانىڭ تيٸمدٸلٸگٸ 95 پايىزعا جەتتٸ دەيدٸ. بٸز باق-قا قازاق عالىمدارى, QazVac اۆتورلارى بەرگەن اقپاراتتى تاراتامىز.
حالىق تەك بٸرٸنشٸ دوزانى الدى, ەندٸ ەكٸنشٸسٸن الادى. بٸر ايدان كەيٸن ولار انتيدەنەلەردٸڭ بار-جوعىن تەكسەرەدٸ, سودان كەيٸن عانا ۆاكتسينانىڭ قانشالىقتى تيٸمدٸ ەكەنٸن ايتا الادى", - دەپ قوستى مينيستر.
ونىڭ ايتۋىنشا, بٸر جارىم اي بۇرىن ول قازاقستاننىڭ قىرعىزستانداعى ەلشٸسٸ رەپٸل جوشىباەۆپەن كەزدەسكەن.
"سول كەزدە مەن ۆاكتسينا بويىنشا كٶمەكتەسۋدٸ ٶتٸندٸم. قاراعاندىدا "سپۋتنيك V" قۇيىلىپ, QazVac ۆاكتسيناسى ەزٸرلەنٸپ جاتقانىن بٸلدٸك. سوندا ەلشٸ "مەن قىرعىزستانعا العاشقى گۋمانيتارلىق كٶمەك كٶرسەتٸلۋٸ ٷشٸن بەرٸن جاسايمىن" دەدٸ.
بٸراز ۋاقىتتان كەيٸن ول قوڭىراۋ شالىپ: "جوعارىداعىلاردى حاباردار ەتتٸم, ولار كەلٸستٸ" دەدٸ. وسىلايشا, 25 مىڭ دوزا ۆاكتسينا جەتكٸزٸلدٸ", - دەپ تولىقتىردى ۆەدومستۆو باسشىسى.
قىرعىزستان قازاقستاننان تەز قۇرىلاتىن موبيلدٸ كلينيكا سالۋعا كٶمەك سۇرادى
"بٸرلەسٸپ جۇمىس ٸستەۋ ٷشٸن قانداي دا بٸر قادامدار بولادى دەپ ٷمٸتتەنەمٸن. بٸز ۆاكتسينا ەزٸرلەنگەن كٶپ ەلگە بٸرلەسٸپ ەزٸرلەمەسەك تە, ەڭ بولماعاندا ۆاكتسينانى بٸرلەسٸپ قۇيۋدى ۇيىمداستىرۋ ٷشٸن جٷگٸندٸك.
پاندەمييا كەزٸندە مەن دەنساۋلىق ساقتاۋ مينيسترٸ بولعاننان كەيٸن قازاقستان كٶمەك رەتٸندە 400 جاساندى تىنىس الۋ اپپاراتى مەن بەتپەردە الىپ كەلدٸ. ماعان دەيٸن دە كٶمەك كٶرسەتٸلدٸ.
قازٸر قازاقستان ٷكٸمەتٸمەن كوروناۆيرۋس جۇقتىرعان ناۋقاستار ٷشٸن موبيلدٸ تەز قۇرىلاتىن كلينيكا سالۋعا كٶمەكتەسۋٸن كەلٸسٸپ جاتىرمىز. قازٸر شارتتى ەزٸرلەۋ كەزەڭٸ جٷرٸپ جاتىر. بٸزگە جۇقپالى اۋرۋلار اۋرۋحانالارى جەتكٸلٸكتٸ بولعانى قاجەت. باسقا اۋرۋلاردى ەمدەگەن اۋرۋحانالار كوۆيد ٷشٸن قايتا بەيٸمدەلدٸ", - دەدٸ مينيستر.
2021 جىلعى 5 تامىزداعى جاعداي بويىنشا رەسپۋبليكادا 840 جاڭا جاعداي تٸركەلگەن. بارلىق كەزەڭدە بويىنشا 167 076 جاعداي تٸركەلگەن, ونىڭ ٸشٸندە 115 249 جاعداي - راستالعان, 51 827 جاعداي - كلينيكالىق-ەپيدەميولوگييالىق تۇرعىدا راستالعان.
مينيستردٸڭ ٶزٸ Sinopharm ۆاكتسيناسى ەكەلٸنگەننەن كەيٸن 29 ناۋرىزدا ەكپە العان. 21 كٷننەن كەيٸن ەكٸنشٸ دوزانى الدى.
قىرعىزستانداعى ۆاكتسيناتسييا كەزەڭدەرٸ
ونىڭ ايتۋىنشا, قىرعىزستانداعى ۆاكتسيناتسييا پروتسەسٸن ٷش كەزەڭگە بٶلۋگە بولادى.
"بٸز ۆاكتسيناتسييانى العاش باستاعان كەزدە تەرٸس كٶزقاراس بولدى. ەۋروپادا, ەلەمدە ۆاكتسينا جاساعاندار قايتىس بولدى دەپ جازا باستادى, كٶپ اسقىنۋ بولدى. ەكٸنشٸ كەزەڭ - ۆاكتسينانى دەرٸگەرلەرگە, مۇعالٸمدەرگە, شەكاراشىلارعا سالدىق. ولار ۆاكتسيناتسييا قاجەت ەكەنٸن تٷسٸندٸ, ٶيتكەنٸ ولار كٶپ اداممەن كەزدەسەدٸ, دەرٸگەرلەر جۇقتىرعان ناۋقاستارمەن بايلانىستا جۇمىس ٸستەيدٸ. ٷشٸنشٸ كەزەڭ - جاپپاي ۆاكتسيناتسييا.
بارلىق مينيستر, سونىڭ ٸشٸندە پرەزيدەنت ۆاكتسينا الدى. بۇل ۆاكتسينانى الۋ كەرەك ەكەنٸنٸڭ مىسالى. بٸز قىركٷيەككە دەيٸن رەسپۋبليكا حالقىنىڭ 40-50 پايىزىن قامتۋدى جوسپارلاپ وتىرمىز. ال جاڭا جىلعا قاراي ۇجىمدىق يممۋنيتەتتٸ قالىپتاستىرىپ, 2 437 000 ادامدى ەگۋ كەرەك, بۇل حالىقتىڭ 70 پايىزى. جٷز پايىزدىق ۆاكتسيناتسيياعا قول جەتكٸزۋ ٷشٸن بٸز ٷش جارىم ميلليون ادامدى ۆاكتسينالاۋىمىز كەرەك", - دەدٸ ۆەدومستۆو باسشىسى.
پتر-سىناما جەنە ۆاكتسيناتسييا پاسپورتى
رەسپۋبليكادا ۆاكتسيناتسييا پاسپورتى جاقىندا بەرٸلە باستادى, ٶيتكەنٸ شەتەلگە شىعۋى كەرەك ازاماتتار بار. جاقىندا ەۋەجولدارىنىڭ جۇمىسى جاڭعىردى. تەمٸرجول ەلٸ جۇمىس ٸستەمەيدٸ.
"سەرتيفيكاتتار (ۆاكتسيناتسييا پاسپورتى) ەلەكترون سايتتا اۆتوماتتى تٷردە كٶرسەتٸلەدٸ جەنە ەزٸرگە جالعان سەرتيفيكاتتاردىڭ بار ەكەنٸ تۋرالى ناقتى اقپارات جوق. بٸراق بٸر اپتا بۇرىن ماعان پتر-سىناما جاسايتىن جەكە كومپانييالار شىعارعان جالعان پتر-انىقتاما بار ەكەنٸ تۋرالى حابارلاندى.
ەزٸرگە بۇل تەك قاۋەسەت, بٸز ونى ەلٸ ۇستاعان جوقپىز. قۇقىق قورعاۋ ورگاندارىنا ۇستالعاننان كەيٸن, مۇنى جاساعاندار قىرعىزستان زاڭى بويىنشا قۇجاتتاردى قولدان جاساعانى ٷشٸن جازالانادى", - دەپ تٷيٸندەدٸ مينيستر جالعان ۆاكتسيناتسييا پاسپورتتارىنىڭ پايدا بولۋ دەرەگٸ تۋرالى سۇراققا جاۋاپ بەرە وتىرىپ.
ايتا كەتەيٸك, 28 شٸلدەدە قىرعىزستانعا قازاقستاننان 25 000 دوزا قازاقستاندىق QazVac ۆاكتسيناسى گۋمانيتارلىق كٶمەك رەتٸندە جەتكٸزٸلدٸ.
