Qazaqstan Qyrǵyzstanǵa gýmanitarlyq kómek retinde koronavirýsqa qarsy QazVac vaktsinasynyń 25 myń dozasyn jiberdi. Ol barlyq óńirge jetkizilgen. QazVac vaktsinasyn alǵandarda shaǵym nemese asqyný bolǵan joq. Sondai-aq, Qyrǵyzstan Qazaqstannan koronavirýs juqtyrǵan naýqastarǵa arnalǵan tez qurylatyn mobildi klinika salý boiynsha kómek surady. Bul týraly Tengrinews.kz tilshisine bergen suhatynda Qyrǵyzstannyń densaýlyq saqtaý ministri Alymkadyr Beishenaliev aitty.
Qyrǵyzstandaǵy vaktsinatsiia
Qyrǵyzstanda vaktsinatsiia 24-25 shildede bastaldy. Osy kezde elge Sinopharm vaktsinasynyń kezekti partiiasy jetkizilgen. Kún saiyn elde 20 myńnan asa adam ekpe saldyrady. 5 tamyzda alǵashqy dozany 520 myńnan asa adam alǵan. Ministrdiń aitýynsha, elde vaktsinalaý jas sanatyna bólinbeidi, barlyq tilek bildirýshi vaktsina ala alady.
"Sinopharm, AstraZeneca, QazVac alynǵannan keiin jappai vaktsinatsiia bastaldy. Biz COVAX halyqaralyq baǵdarlamasy arqyly AstraZeneca vaktsinasynyń 226 myń dozasyn aldyq. Qazir qyrǵyzstandyqtarda úsh tańdaý bar. Turǵyndar AstraZeneca nemese Sinopharm nemese QazVac-ty tańdai alady. Barlyq vaktsina Qyrǵyzstannyń barlyq óńirine, sonyń ishinde QazVac ta birkelki taratyldy.
Aldymen "Spýtnik V" vaktsinasy halyq arasynda tanymal boldy. Biraq "Spýtnik V" DDSU maquldaǵan vaktsinalar tizimine kirmeidi. Shetelge oqýǵa, jumysqa nemese issaparǵa barǵysy keletinder Sinopharm jáne AstraZeneca vaktsinasyn tańdai bastady, óitkeni olar DDSU tizimine engizilgen", - dedi Alymkadyr Beishenaliev.
QazVac - gýmanitarlyq kómek
Densaýlyq saqtaý ministri qazaqstandyq QazVac vaktsinasynyń 25 myń dozasy barlyq oblys ortalyǵyna taratylǵanyn málimdedi.
"QazVac vaktsinasyn alǵannan keiin shaǵymdar nemese asqynýlar bolǵan joq. Tiimdilik týraly aitatyn bolsaq, ázirleýshiler bizge eki kún qatarynan keldi. Menimen, epidemiologtarmen kezdesti. Olar úshinshi klinikalyq kezeńde vaktsinanyń tiimdiligi 95 paiyzǵa jetti deidi. Biz BAQ-qa qazaq ǵalymdary, QazVac avtorlary bergen aqparatty taratamyz.
Halyq tek birinshi dozany aldy, endi ekinshisin alady. Bir aidan keiin olar antidenelerdiń bar-joǵyn tekseredi, sodan keiin ǵana vaktsinanyń qanshalyqty tiimdi ekenin aita alady", - dep qosty ministr.
Onyń aitýynsha, bir jarym ai buryn ol Qazaqstannyń Qyrǵyzstandaǵy elshisi Rápil Joshybaevpen kezdesken.
"Sol kezde men vaktsina boiynsha kómektesýdi ótindim. Qaraǵandyda "Spýtnik V" quiylyp, QazVac vaktsinasy ázirlenip jatqanyn bildik. Sonda elshi "Men Qyrǵyzstanǵa alǵashqy gýmanitarlyq kómek kórsetilýi úshin bárin jasaimyn" dedi.
Biraz ýaqyttan keiin ol qońyraý shalyp: "Joǵarydaǵylardy habardar ettim, olar kelisti" dedi. Osylaisha, 25 myń doza vaktsina jetkizildi", - dep tolyqtyrdy vedomstvo basshysy.
Qyrǵyzstan Qazaqstannan tez qurylatyn mobildi klinika salýǵa kómek surady
"Birlesip jumys isteý úshin qandai da bir qadamdar bolady dep úmittenemin. Biz vaktsina ázirlengen kóp elge birlesip ázirlemesek te, eń bolmaǵanda vaktsinany birlesip quiýdy uiymdastyrý úshin júgindik.
Pandemiia kezinde men densaýlyq saqtaý ministri bolǵannan keiin Qazaqstan kómek retinde 400 jasandy tynys alý apparaty men betperde alyp keldi. Maǵan deiin de kómek kórsetildi.
Qazir Qazaqstan Úkimetimen koronavirýs juqtyrǵan naýqastar úshin mobildi tez qurylatyn klinika salýǵa kómektesýin kelisip jatyrmyz. Qazir shartty ázirleý kezeńi júrip jatyr. Bizge juqpaly aýrýlar aýrýhanalary jetkilikti bolǵany qajet. Basqa aýrýlardy emdegen aýrýhanalar kovid úshin qaita beiimdeldi", - dedi ministr.
2021 jylǵy 5 tamyzdaǵy jaǵdai boiynsha respýblikada 840 jańa jaǵdai tirkelgen. Barlyq kezeńde boiynsha 167 076 jaǵdai tirkelgen, onyń ishinde 115 249 jaǵdai - rastalǵan, 51 827 jaǵdai - klinikalyq-epidemiologiialyq turǵyda rastalǵan.
Ministrdiń ózi Sinopharm vaktsinasy ákelingennen keiin 29 naýryzda ekpe alǵan. 21 kúnnen keiin ekinshi dozany aldy.
Qyrǵyzstandaǵy vaktsinatsiia kezeńderi
Onyń aitýynsha, Qyrǵyzstandaǵy vaktsinatsiia protsesin úsh kezeńge bólýge bolady.
"Biz vaktsinatsiiany alǵash bastaǵan kezde teris kózqaras boldy. Eýropada, álemde vaktsina jasaǵandar qaitys boldy dep jaza bastady, kóp asqyný boldy. Ekinshi kezeń - vaktsinany dárigerlerge, muǵalimderge, shekarashylarǵa saldyq. Olar vaktsinatsiia qajet ekenin túsindi, óitkeni olar kóp adammen kezdesedi, dárigerler juqtyrǵan naýqastarmen bailanysta jumys isteidi. Úshinshi kezeń - jappai vaktsinatsiia.
Barlyq ministr, sonyń ishinde prezident vaktsina aldy. Bul vaktsinany alý kerek ekeniniń mysaly. Biz qyrkúiekke deiin respýblika halqynyń 40-50 paiyzyn qamtýdy josparlap otyrmyz. Al jańa jylǵa qarai ujymdyq immýnitetti qalyptastyryp, 2 437 000 adamdy egý kerek, bul halyqtyń 70 paiyzy. Júz paiyzdyq vaktsinatsiiaǵa qol jetkizý úshin biz úsh jarym million adamdy vaktsinalaýymyz kerek", - dedi vedomstvo basshysy.
PTR-synama jáne vaktsinatsiia pasporty
Respýblikada vaktsinatsiia pasporty jaqynda berile bastady, óitkeni shetelge shyǵýy kerek azamattar bar. Jaqynda áýejoldarynyń jumysy jańǵyrdy. Temirjol áli jumys istemeidi.
"Sertifikattar (vaktsinatsiia pasporty) elektron saitta avtomatty túrde kórsetiledi jáne ázirge jalǵan sertifikattardyń bar ekeni týraly naqty aqparat joq. Biraq bir apta buryn maǵan PTR-synama jasaityn jeke kompaniialar shyǵarǵan jalǵan PTR-anyqtama bar ekeni týraly habarlandy.
Ázirge bul tek qaýeset, biz ony áli ustaǵan joqpyz. Quqyq qorǵaý organdaryna ustalǵannan keiin, muny jasaǵandar Qyrǵyzstan zańy boiynsha qujattardy qoldan jasaǵany úshin jazalanady", - dep túiindedi ministr jalǵan vaktsinatsiia pasporttarynyń paida bolý deregi týraly suraqqa jaýap bere otyryp.
Aita keteiik, 28 shildede Qyrǵyzstanǵa Qazaqstannan 25 000 doza qazaqstandyq QazVac vaktsinasy gýmanitarlyq kómek retinde jetkizildi.
