شەرحان مۇرتازا - قازاق ەدەبيەتٸ مەن جۋرناليستيكاسىندا ٶشپەس ٸز قالدىرعان كٶرنەكتٸ قالامگەر, قوعام قايراتكەرٸ جەنە حالىق جازۋشىسى. ول شىعارماشىلىعى مەن ازاماتتىق ۇستانىمى ارقىلى ەلدٸڭ رۋحاني ٶمٸرٸنە زور ٷلەس قوسىپ, ۇلت مٷددەسٸن قورعاعان تۇلعا رەتٸندە تاريحتا قالدى, دەپ حابارلايدى Ult.kz.
شەرحان مۇرتازا 1932 جىلدىڭ 28 قىركٷيەگٸندە جامبىل وبلىسىنىڭ جۋالى اۋدانىنداعى مىڭبۇلاق اۋىلىندا دٷنيەگە كەلگەن. بالالىق شاعى اشارشىلىق پەن ساياسي قۋعىن-سٷرگٸن جىلدارىمەن تۇسپا-تۇس كەلدٸ. ەكەسٸ «حالىق جاۋى» دەگەن جالعان ايىپپەن جەر اۋدارىلىپ, وتباسى اۋىر كەزەڭدٸ باستان ٶتكەردٸ. جازۋشىنىڭ كەيٸنگٸ شىعارمالارىندا اناسى ايشانىڭ قايسارلىعى مەن ٶمٸر جولى ەرەكشە ورىن الدى. ونىڭ ەيگٸلٸ «اي مەن ايشا»رومانى - سونىڭ ايقىن دەلەلٸ.
مەسكەۋ مەملەكەتتٸك ۋنيۆەرسيتەتٸنٸڭ جۋرناليستيكا فاكۋلتەتٸن تەمامداعان سوڭ شەرحان مۇرتازا قازاق باسپاسٶزٸندە ەڭبەك جولىن باستادى. ول ەر جىلدارى «لەنينشٸل جاس» (قازٸرگٸ «جاس الاش»), «سوتسياليستٸك قازاقستان» (قازٸرگٸ «ەگەمەن قازاقستان») گازەتتەرٸندە, سونداي-اق «جالىن» جەنە «جۇلدىز» جۋرنالدارىندا باسشىلىق قىزمەت اتقاردى.
رەداكتور رەتٸندە ول قوعامداعى ٶتكٸر مەسەلەلەردٸ كٶتەرۋدەن تايىنباي, قازاق تٸلٸنٸڭ مەرتەبەسٸ, ۇلتتىق قۇندىلىقتار مەن تاريحي ەدٸلەتتٸلٸك تاقىرىپتارىن باتىل جازدى. سونىمەن بٸرگە فاريزا وڭعارسىنوۆا, مۇحتار شاحانوۆ, ورالحان بٶكەي سىندى كٶپتەگەن قالامگەردٸڭ شىعارماشىلىق جولىنا قولداۋ كٶرسەتكەن تۇلعا رەتٸندە دە قۇرمەتكە يە بولدى.
شەرحان مۇرتازا قوعامدىق-ساياسي ٶمٸرگە دە بەلسەندٸ ارالاستى. ول جوعارعى كەڭەس پەن قازاقستان رەسپۋبليكاسى پارلامەنتٸ مەجٸلٸسٸنٸڭ دەپۋتاتى رەتٸندە جەر مەسەلەسٸ, مەملەكەتتٸك تٸل جەنە ۇلتتىق مٷددە تٶڭٸرەگٸندەگٸ ٶزەكتٸ تاقىرىپتاردى كٶتەرٸپ, اشىق پٸكٸر بٸلدٸردٸ.
جازۋشىنىڭ پۋبليتسيستيكالىق ەڭبەكتەرٸ اۋىل تٸرشٸلٸگٸنەن باستاپ ەلدٸڭ ەلەۋمەتتٸك, ەكونوميكالىق جەنە رۋحاني مەسەلەلەرٸنە دەيٸن كەڭ اۋقىمدى قامتىدى. ونىڭ شىعارمالارى تەرەڭ ويىمەن, شىنايىلىعىمەن جەنە ازاماتتىق ۇستانىمىمەن ەرەكشەلەندٸ.
شەرحان مۇرتازانىڭ ەدەبي جەنە قوعامدىق قىزمەتٸ جوعارى باعالانىپ, ول «وتان», «قۇرمەت بەلگٸسٸ» وردەندەرٸمەن ماراپاتتالدى. سونداي-اق قازاقستان مەن قىرعىزستاننىڭ بٸرقاتار مەملەكەتتٸك ماراپاتتارىنا يە بولدى.
شەراعانىڭ شىعارماشىلىق مۇراسى بٷگٸنگٸ كٷنٸ دە ٶزەكتٸلٸگٸن جوعالتقان جوق. ونىڭ كٸتاپتارى مەن پۋبليتسيستيكالىق ەڭبەكتەرٸ بٸرنەشە بۋىن وقىرمانعا وي سالىپ, ۇلت رۋحانيياتىنىڭ اسىل قازىناسىنا اينالدى.
