بٷگٸن تالاي تەكتٸ دٷنيەگە كەلگەن تورعاي جەرٸندە ۇلت ۇستازى احمەت بايتۇرسىنۇلىنىڭ 150 جىلدىق مەرەيتوي باستالدى. اتالمىش ۇلى تويعا مەملەكەت باسشىسى دا قاتىسپاق. وسى ورايدا پرەزيدەنت ق. توقاەۆتىڭ تورعايعا ساپارى جەرگٸلٸكتٸ تۇرعىندار تاراپىنان قولداۋ تاۋىپ وتىر, - دەپ حابارلايدى BAQ.KZ تٸلشٸسٸ.
نەبٸر تەكتٸلەردٸ تٷلەتكەن توبىل تورعاي دالاسىنا وسى كٷندەرٸ بٷكٸل ەلٸمٸز كٶز تٸگٸپ وتىر. سەبەبٸ, بۇل ٶڭٸردە الداعى ٷش كٷن بويى دٷبٸرلٸ توي ٶتپەك. ۇلت ۇستازى احمەت بايتۇرسىنۇلىنىڭ مەرەيتويىنىڭ شىمىلدىعى رەسمي تٷردە بٷگٸن تٷرلٸپ, مەن-ماعاناسى زور كەشەندٸ-رۋحاني شارالار باستالىپ كەتتٸ.
وسى ورايدا الداعى 5 قىركٷيەك كٷنٸ مەرەيتويدىڭ شارىقتاۋ سەتٸنە مەملەكەت باسشىسى قاسىم-جومارت كەمەلۇلى قاتىسپاق. ول تەۋەلسٸز ەلٸمٸزدٸڭ تاريحىندا تەكتٸلەردٸڭ كٸندٸك قانى تامعان قاسيەتتٸ ٶلكەگە العاش رەت اتباسىن بۇرىپ, ۇلى تۇلعا رۋحىنا تاعىزىم ەتكەلٸ تۇرعان العاشقى پرەزيدەنت ەكەنٸن ايتا كەتكەن جٶن.
وسىناۋ سەتتٸ بايدالانىپ ا.بايتۇرىنۇلى اتىنداعى قٶۋ قازاقستان تاريحى كافەدراسىنىڭ مەڭگەرۋشٸسٸ, تاريح عىلىمدارىنىڭ كانديداتى, دوتسەنت يسمايلوۆ سەرٸكجان ساعىندىقۇلىنىڭ پٸكٸرٸن بٸلگەن ەدٸك.
"5 قىركٷيەكتە قازاقستان رەسپۋبليكاسىنىڭ قاسىم-جومارت كەمەلۇلى توقاەۆ قوستاناي جەرٸنە رەسمي ٸسساپارمەن كەلمەك. ايتا كەتۋ كەرەك, مەملەكەت باسشىسىنىڭ بۇل ساپارىنا كەيبٸرەۋلەر جىل سايىنعى كەزەكتٸ بٸر شارا دەپ قاراۋى دا مٷمكٸن. دەگەنمەن بيىلعى جىلى ساپاردىڭ ماڭىزى ەرەكشە.
ٶيتكەنٸ قاسىم-جومارت كەمەلۇلى جەرلەسٸمٸز, ۇلت ۇستازى احمەت بايتۇرسىنۇلىنىڭ 150 جىلدىعىنا ارنالعان مەرەكەلٸك شارالارعا قاتىسادى. پرەزيدەنت وسىلايشا ازاماتتىق تەكەتٸرەستٸڭ قيىن-قىستاۋ كەزەڭٸندە سەرٸكتەرٸمەن بٸرگە قازاق اۆتونوميياسىنىڭ قۇرىلۋىنىڭ باستاۋىندا تۇرعان ا.بايتۇرسىنۇلى سىندى تۇلعاعا قۇرمەت كٶرسەتٸپ وتىرعانىن ايتا كەتكەن جٶن.
مەنٸڭ ويىمشا, ق.توقاەۆ استىقتى ٶڭٸردٸڭ ديقاندارى ٷشٸن ەڭ شەشۋشٸ كەزەڭ كٷزگٸ ەگٸن وراعى ناۋقانى جٷرٸپ جاتقان سەتتە شارۋالارمەندە جٷزدەسۋگە ۋاقىت تابادى دەپ ويلايمىن. وسىنداي كەزدەسۋلەردە اۋىل شارۋاشىلىعى تاۋارىن ٶندٸرۋشٸلەر مەملەكەت باسشىسىن قولداۋىن جەنە ەكونوميكانىڭ اگرارلىق سەكتورىن دامىتۋدىڭ جاڭا باعدارىن الا الادى.
مەملەكەت باسشىسىنىڭ مۇنداي ساپارلارى حالىقپەن اشىق ديالوگقا سەپتٸگٸن تيگٸزٸپ, سول ارقىلى «تىڭداۋشى مەملەكەت» قاعيداتىن ناقتى بەكٸتەدٸ", - دەيدٸ تاريح عىلىمدارىنىڭ كانديداتى, دوتسەنت سەرٸكجان يسمايلوۆ.
