Búgin talai tekti dúniege kelgen Torǵai jerinde ult ustazy Ahmet Baitursynulynyń 150 jyldyq mereitoi bastaldy. Atalmysh uly toiǵa Memleket basshysy da qatyspaq. Osy oraida Prezident Q. Toqaevtyń Torǵaiǵa sapary jergilikti turǵyndar tarapynan qoldaý taýyp otyr, - dep habarlaidy BAQ.KZ tilshisi.
Nebir tektilerdi túletken Tobyl Torǵai dalasyna osy kúnderi búkil elimiz kóz tigip otyr. Sebebi, bul óńirde aldaǵy úsh kún boiy dúbirli toi ótpek. Ult ustazy Ahmet Baitursynulynyń mereitoiynyń shymyldyǵy resmi túrde búgin túrlip, mán-maǵanasy zor keshendi-rýhani sharalar bastalyp ketti.
Osy oraida aldaǵy 5 qyrkúiek kúni mereitoidyń sharyqtaý sátine Memleket basshysy Qasym-Jomart Kemeluly qatyspaq. Ol táýelsiz elimizdiń tarihynda tektilerdiń kindik qany tamǵan qasietti ólkege alǵash ret atbasyn buryp, uly tulǵa rýhyna taǵyzym etkeli turǵan alǵashqy Prezident ekenin aita ketken jón.
Osynaý sátti baidalanyp A.Baiturynuly atyndaǵy QÓÝ Qazaqstan tarihy kafedrasynyń meńgerýshisi, tarih ǵylymdarynyń kandidaty, dotsent Ismailov Serikjan Saǵyndyqulynyń pikirin bilgen edik.
"5 qyrkúiekte Qazaqstan Respýblikasynyń Qasym-Jomart Kemeluly Toqaev Qostanai jerine resmi issaparmen kelmek. Aita ketý kerek, Memleket basshysynyń bul saparyna keibireýler jyl saiynǵy kezekti bir shara dep qaraýy da múmkin. Degenmen biylǵy jyly sapardyń mańyzy erekshe.
Óitkeni Qasym-Jomart Kemeluly jerlesimiz, ult ustazy Ahmet Baitursynulynyń 150 jyldyǵyna arnalǵan merekelik sharalarǵa qatysady. Prezident osylaisha azamattyq teketirestiń qiyn-qystaý kezeńinde serikterimen birge Qazaq avtonomiiasynyń qurylýynyń bastaýynda turǵan A.Baitursynuly syndy tulǵaǵa qurmet kórsetip otyrǵanyn aita ketken jón.
Meniń oiymsha, Q.Toqaev astyqty óńirdiń diqandary úshin eń sheshýshi kezeń kúzgi egin oraǵy naýqany júrip jatqan sátte sharýalarmende júzdesýge ýaqyt tabady dep oilaimyn. Osyndai kezdesýlerde aýyl sharýashylyǵy taýaryn óndirýshiler Memleket basshysyn qoldaýyn jáne ekonomikanyń agrarlyq sektoryn damytýdyń jańa baǵdaryn ala alady.
Memleket basshysynyń mundai saparlary halyqpen ashyq dialogqa septigin tigizip, sol arqyly «Tyńdaýshy memleket» qaǵidatyn naqty bekitedi", - deidi tarih ǵylymdarynyń kandidaty, dotsent Serikjan Ismailov.
