قر ەڭبەك جەنە حالىقتى ەلەۋمەتتٸك قورعاۋ مينيسترٸ سەرٸك شەپكەنوۆ ەڭبەك نارىعىنداعى جاڭا بولجامدار تۋرالى ايتىپ بەردٸ, دەپ حابارلايدى قازاقپارات.
«پاندەمييا مەن جاڭا دەموگرافييالىق احۋال ەڭبەك نارىعىندا جٷيەلٸ جۇمىستى قاجەت ەتەتٸن جاڭا تالاپتار قويۋدا. بٸرٸنشٸدەن, جۇمىس كٷشٸنە قويىلاتىن تالاپتاردىڭ تەز ٶزگەرۋٸ. ساراپشىلاردىڭ پٸكٸرٸنشە الداعى 5 جىلدا جۇمىس كٷشٸنە قاجەتتٸ نەگٸزگٸ داعدىلاردىڭ 40 پايىزى ٶزگەرەدٸ, ەربٸر ەكٸنشٸ قىزمەتكەرگە قايتا دايارلاۋدان ٶتۋ قاجەتتٸگٸ تۋىندايدى. ەكٸنشٸدەن, دەموگرافيلىق قاتەرلەر. ٶنەركەسٸپ سالاسىندا كادرلاردىڭ قارتايۋ پروتسەسسٸ جٷرٸپ جاتىر. بۇل سالادا جاستاردىڭ تەك 20 پايىزى جۇمىسپەن قامتىلعان», - دەدٸ ەڭبەك مينيسترٸ ٷكٸمەت وتىرىسىندا.
ٷشٸنشٸدەن, مينيستر جۇمىستىڭ جاڭا فورماتتارىن اتاپ ٶتتٸ. قازٸرگٸ ۋاقىتتا «ەركٸن تابىس ەكونوميكاسى» نەمەسە گيگ-ەكونوميكا, فريلانسەرلەر قارقىندى دامۋدا. ولاردىڭ قىزمەتٸن زاڭنامالىق رەتتەۋ جەنە ەڭبەك قۇقىقتارىن قورعاۋ شارالار قابىلداۋ قاجەت.
«وسى رەتتە, مينيسترلٸك «كەسٸپتٸك بٸلٸكتٸلٸك تۋرالى» زاڭ جوباسى, «ەلەۋمەتتٸك كودەكس» جوباسى شەڭبەرٸندە ۇلتتىق بٸلٸكتٸلٸك جٷيەسٸن دامىتۋ, جۇمىس كٷشٸن كەسٸپتٸك وقۋدان ٶتۋگە ىنتالاندىرۋ بويىنشا بٸرقاتار باستامالار قولعا الدى. ەلەكتروندى ەڭبەك بيرجاسى نەگٸزٸندە ونلاين وقۋ پورتالىن دامىتۋ, كەسٸپتٸك باعدارلاۋ, يكەمدٸ جۇمىس فورماسىنداعى قىزمەتكەرلەردٸ قولداۋ بويىنشا ەلەكتروندى سەرۆيستەردٸ قۇرۋ بويىنشا جۇمىستار اتقارىلۋدا», - دەدٸ س. شەپكەنوۆ.
