فوتو: © Ratel.kz / الييا احمەديەۆا
الماتى وبلىستىق پوليتسييا دەپارتامەنتٸنٸڭ بۇرىنعى باستىعى سەرٸك كٷدەباەۆ تاۋلى جەر ارقىلى شەكارا كەسٸپ ٶتۋٸ مٷمكٸن. بۇل تۋرالى ۇلتتىق قاۋٸپسٸزدٸك كوميتەتٸ تٶراعاسىنىڭ ورىنباسارى – شەكارا قىزمەتٸنٸڭ ديرەكتورى ەرلان الداجۇمانوۆ ايتتى, دەپ حابارلايدى قازاقپارات اگەنتتٸگٸ.
«قىرعىزستانمەن مەملەكەتتٸك شەكارا 1 257 شاقىرىمعا سوزىلىپ جاتىر. الماتى باعىتىندا بٸزدە الاتاۋ تاۋلى القابى بار. مەنٸڭشە, نيەت بولسا جەنە بۇل باعىتتا كٷزەتۋگە قاجەت تەحنيكالىق قۇرالدار جوق ەكەنٸن ەسكەرە وتىرىپ, وسى تاۋلار ارقىلى مەملەكەتتٸك شەكارانى كەسٸپ ٶتۋ مٷمكٸندٸگٸ بار. مۇنى انىقتاۋ ٷشٸن تەكسەرۋ جٷرگٸزٸلٸپ جاتىر», - دەدٸ الداجۇمانوۆ مەجٸلٸستٸڭ جالپى وتىرىسىنان كەيٸن باق ٶكٸلدەرٸنٸڭ ساۋالىنا وراي.
ونىڭ دەرەگٸنشە, كٷدٸكتٸنٸڭ قايدا ەكەنٸن انىقتاۋ ٷشٸن ۇلتتىق قاۋٸپسٸزدٸك كوميتەتٸمەن بٸرلەسكەن توپ قۇرىلعان. سونىمەن قاتار ٸشكٸ ٸستەر مينيسترلٸگٸ مەن ٶزگە دە مەملەكەتتٸك ورگاندار جانىندا ارناۋلى توپ جۇمىس ٸستەپ جاتىر. 5 شەكارا بەكەتٸنٸڭ 300-گە جۋىق قىزمەتكەرٸ دە وسى جۇمىسقا جۇمىلدىرىلعان.
سونىمەن قاتار ول باق ٶكٸلدەرٸنٸڭ سەرٸك كٷدەباەۆتىڭ قاشىپ كەتكەنٸ جايلى اقپارات نەلٸكتەن كەش جارييالانعانى تۋرالى ساۋالىنا جاۋاپ بەردٸ.
«بٸز ونىڭ قاشىپ كەتكەن-كەتپەگەنٸن بٸلمەدٸك. بۇعان دەيٸن دە اتاپ ٶتكەنٸمدەي, ول مەملەكەتتٸك شەكارانى رەسمي ٶتكٸزۋ پۋنكتەرٸ ارقىلى كەسٸپ ٶتكەن جوق», - دەدٸ ول.
ەسكە سالا كەتەيٸك, 3 سەۋٸردە سەرٸك كٷدەباەۆقا حالىقارالىق ٸزدەۋ جارييالانعان بولاتىن. الايدا, بٷگٸن كٷدٸكتٸنٸڭ ەل اۋماعىنان تىسقارى بوي تاسالاعانىن شەكارا قىزمەتٸ ناۋرىزدىڭ 27-ٸ كٷنٸ بٸر-اق بٸلگەنٸ انىقتالدى.
