پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قوعامدىق كەڭەستەردٸڭ قىزمەتٸ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى تالقىلاندى. قۇجاتقا تولىقتىرۋلار ەنگٸزٸلگەندٸكتەن, زاڭ جوباسى مەجٸلٸسكە قايتارىلدى, دەپ حابارلايدى "ۇلت اقپارات".
«قوعامدىق كەڭەستەر» مەملەكەت باسشىسىنىڭ «حالىق ٷنٸنە قۇلاق اساتىن مەملەكەت» تۇجىرىمداماسىن ٸسكە اسىرۋدىڭ ماڭىزدى قۇرالىنا اينالىپ وتىر. قوعامدىق كەڭەستەر – ٷكٸمەت تاراپىنان جٷرگٸزٸلٸپ جاتقان ەلەۋمەتتٸك, ساياسي, ەكونوميكالىق دامۋ جولدارىن ايقىنداۋدا, حالىق پٸكٸرٸن جيناقتاۋعا مٷمكٸندٸك بەرەدٸ. زاڭ جوباسى بويىنشا تەك قانا, نەگٸزگٸ جاڭالىقتارعا توقتالا كەتەيٸن. بٸرٸنشٸدەن, زاڭ جوباسى قوعامدىق كەڭەستەردٸ قۇرۋدىڭ مەحانيزمدەرٸن جەتٸلدٸرۋگە جان-جاقتى مٷمكٸندٸك بەرەدٸ. قوعامدىق كەڭەستەردٸڭ قىزمەتٸن ماتەريالدىق قامتاماسىز ەتۋ مەسەلەسٸ ەندٸ ٶز شەشٸمٸن تاپتى. ول – جەرگٸلٸكتٸ مەسليحاتتاردىڭ قۇزىرىنا بەرٸلٸپ وتىر», - دەدٸ سەناتور باقىتجان جۇماعۇلوۆ.
ەكٸنشٸدەن, بۇعان دەيٸن قوعامدىق كەڭەستەر كەلٸپ تٷسكەن بارلىق نورماتيۆتٸك قۇقىقتىق اكتٸلەردٸڭ جوبالارىن قارايتىن. ەندٸ بۇل مەسەلەنٸ قاراۋ نەمەسە قاراۋسىز قالدىرۋ تۋرالى شەشٸمدٸ قوعامدىق كەڭەستەردٸڭ ٶزدەرٸ شەشەتٸن بولادى.
ٷشٸنشٸدەن, ماڭىزدى ٶزگەرٸستەردٸڭ بٸرٸ – قوعامدىق كەڭەس مٷشەلەرٸنٸڭ قۇقىقتارى مەن مٸندەتتەرٸن كەڭەيتە وتىرىپ, ولاردى كۆازيمەملەكەتتٸك سەكتور جۇمىستارىنا, ساتىپ الۋ كوميسسييالارىنىڭ جۇمىسىنا تارتۋ كٶزدەلگەن. بۇل نورمالار كۆازيمەملەكەتتٸك سەكتوردىڭ اشىقتىعىن, ەسەپتٸلٸگٸن قامتاماسىز ەتەدٸ.
تٶرتٸنشٸدەن, قوعامدىق كەڭەستەر قىزمەتٸنٸڭ مەسەلەلەرٸ جٶنٸندەگٸ «ۋەكٸلەتتٸ ورگان» بەلگٸلەندٸ. وعان بٸرقاتار فۋنكتسييالار – زاڭنامالىق تٷردە بەرٸلدٸ.
بەسٸنشٸدەن, جىل سايىن مەملەكەت باسشىسىنا قوعامدىق كەڭەستەردٸڭ قىزمەتٸ تۋرالى ۇلتتىق بايانداما ەزٸرلەپ, ەنگٸزەدٸ. بۇل قوعامدىق كەڭەستەردٸڭ جاۋاپكەرشٸلٸگٸن كٶتەرەدٸ, اشىقتىعىن قامتاماسىز ەتەدٸ.
دەپۋتاتتىڭ ايتۋىنشا, اتالعان باپتاردىڭ بارلىعى دا قوعامدىق كەڭەستەر قىزمەتٸن جٷيەلەۋگە, دامىتۋعا مٷمكٸندٸك بەرەدٸ.
مەجٸلٸس ماقۇلدانعان زاڭ جوباسىن تالقىلاۋ بارىسىندا سەنات كوميتەتٸ ۇلتتىق ەل-اۋقات قورى مەن ۇلتتىق ەل-اۋقات قورى توبىنا كٸرەتٸن ۇلتتىق كومپانييالار قۇرعان قوعامدىق كەڭەستٸ قۇرۋ جەنە ونىڭ قىزمەتٸن ۇيىمداستىرۋ تەرتٸبٸن ناقتىلاۋعا قاتىستى بٸرقاتار ۇسىنىستار ەنگٸزدٸ.
«بۇل تۇرعىدان العاندا زاڭ جوباسىن قولداۋلارىڭىزدى سۇرايمىن. سونىمەن بٸرگە, ەلەۋمەتتٸك-مەدەني دامۋ جەنە عىلىم كوميتەتٸنٸڭ جۇمىس توبىندا, كوميتەتتٸڭ كەڭەيتٸلگەن وتىرىسىندا, زاڭ جوباسىن تالقىلاۋ كەزٸندە دەپۋتاتتاردان ۇلتتىق ەل-اۋقات قورىنىڭ جەنە قور توبىنا كٸرەتٸن كومپانييالاردىڭ ەرەكشەلٸكتەرٸن ەسكەرە وتىرىپ, قوعامدىق كەڭەسٸن قالىپتاستىرۋ تەرتٸبٸن ناقتىلاۋ جەنە رەگلامەنتتەۋ ماقساتىندا بٸرقاتار ٶزگەرٸستەر مەن تولىقتىرۋلار ۇسىنىلدى», - دەدٸ ب. جۇماعۇلوۆ.
باياندالعاندى ەسكەرە كەلە, ەلەۋمەتتٸك-مەدەني دامۋ جەنە عىلىم كوميتەتٸ «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قوعامدىق كەڭەستەردٸڭ قىزمەتٸ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قازاقستان رەسپۋبليكاسى زاڭىنىڭ جوباسىنا ٶزگەرٸستەر مەن تولىقتىرۋلاردى پارلامەنت مەجٸلٸسٸنە جٸبەرۋدٸ ۇسىندى.
جالپى وتىرىس بارىسىندا سەناتورلار بۇل ۇسىنىسقا قولداۋ بٸلدٸردٸ.
