بٷگٸن پارلامەنت سەناتى حالىقارالىق قاتىناستار, قورعانىس جەنە قاۋٸپسٸزدٸك كوميتەتٸنٸڭ دەپۋتاتتارى كوروناۆيرۋس پاندەميياسى كەزٸندە حالىقتى دەرٸ-دەرمەكپەن قامتاماسىز ەتۋ جەنە گۋمانيتارلىق كٶمەكتٸ بٶلٸپ, تاراتۋ مەسەلەسٸ بويىنشا دەنساۋلىق ساقتاۋ, سىرتقى ٸستەر, قارجى مينيسترلٸكتەرٸنٸڭ جەنە تاعى باسقا مٷددەلٸ ۆەدومستۆولاردىڭ باسشىلارىمەن ۆيدەو-كونفەرەنتسييا فورماتىندا كەزدەسۋ ٶتكٸزدٸ, دەپ حابارلايدى "ۇلت اقپارات".
مەملەكەت باسشىسى قاسىم-جومارت توقاەۆ 10 شٸلدەدە ٶتكەن ٷكٸمەتتٸڭ كەڭەيتٸلگەن وتىرىسىندا ٸندەتتٸڭ قازاقستانعا تيگٸزگەن زاردابىنىڭ سەبەپتەرٸنە توقتالىپ, ونىڭ الدىن الۋدىڭ ناقتى شارالارىن انىقتاپ بەرگەن بولاتىن.
ٸس-شاراعا قاتىسقان سەنات تٶراعاسىنىڭ ورىنباسارى اسقار شەكٸروۆ قازٸرگٸ تاڭدا دەپۋتاتتار جۇمىستارىن ٶڭٸرلەردە جالعاستىرىپ جاتقانىن, بۇل ٶز كەزەگٸندە ەلٸمٸزدە قالىپتاسقان احۋالدى ناقتى باعالاۋعا مٷمكٸندٸك بەرەتٸنٸن ايتتى.
«سەنات دەپۋتاتتارى دەنساۋلىق ساقتاۋعا قاتىستى مەسەلەلەردٸ باقىلاۋدا ۇستاپ وتىر جەنە ەردايىم قاجەتتٸ كٶمەك كٶرسەتۋگە دايىن. ازاماتتاردىڭ ٶمٸرٸنە قاۋٸپ تٶندٸرگەن اۋىر جاعدايدان كەيٸن دە بٸر اي ۋاقىت ٶتتٸ. ەندٸ قايتىپ ونداي ولقىلىقتارعا جول بەرۋگە بولمايدى», – دەدٸ سەناتتىڭ ۆيتسە-سپيكەرٸ اسقار شەكٸروۆ.
سونىمەن قاتار, كەزدەسۋدە شەت مەملەكەتتەردەن كەلگەن گۋمانيتارلىق كٶمەكتٸ قابىلداۋ, بٶلۋ جەنە قاجەتتٸلٸككە قاراي ولاردىڭ قۇرامى كەڭٸنەن تالقىلاندى. بۇل مەسەلە بويىنشا ەلٸمٸزدٸڭ سىرتقى ٸستەر مينيسترلٸگٸمەن ٷيلەسٸمدٸ جۇمىس ٸستەۋ ۇسىنىلدى. دەپۋتاتتاردىڭ ٶڭٸرلەردەگٸ ساپارلارى جالعاسىپ جاتقانى ەسكەرٸلٸپ, قاتىسۋشىلار الداعى ۋاقىتتا بٸرلەسە جۇمىس ٸستەۋ جٶنٸندە ورتاق مەمٸلەگە كەلدٸ.
