بٷگٸن قاسىم-جومارت توقاەۆتىڭ تٶراعالىق ەتۋٸمەن بولعان پارلامەنت سەناتىنىڭ وتىرىسىندا سەناتور ناريمان تٶراعاليەۆ ٷكٸمەت باسشىسى اتىنا تەاترلاردا قىزمەت اتقارىپ جٷرگەن جاس ەرتٸستەردٸڭ ەلەۋمەتتٸك جاعدايلارىنداعى كەلەڭسٸزدٸكتەرگە قاتىستى دەپۋتاتتىق ساۋال جولدادى.
سەناتوردىڭ ايتۋىنشا, بٷگٸنگٸ كٷنٸ قازاقستاندا 68 تەاتر (ونىڭ ٸشٸندە 52 مەملەكەتتٸك جەنە 16 جەكە مەنشٸك) تەاتر جۇمىس جاسايدى. رەسپۋبليكامىزدىڭ 52 مەملەكەتتٸك تەاترىندا 7533 ادام, ونىڭ ٸشٸندە 1538 جاس مامان قىزمەت ٸستەيدٸ, ياعني بارلىق قىزمەتكەرلەردٸڭ 20%. مەدەنيەت سالاسىنىڭ, سونىڭ ٸشٸندە تەاتر قىزمەتكەرلەرٸمەن كەزدەسۋ بارىسىندا ٷنەمٸ كٶتەرٸلٸپ جٷرگەن بٸرقاتار مەسەلەلەرگە توقتالىعىمىز كەلٸپ وتىر, ولاردىڭ بٸرٸ ەڭبەكاقى.
مەدەنيەت جەنە سپورت مينيسترلٸگٸنٸڭ اقپاراتىنا سەيكەس, تەاتردا قىزمەت ٸستەپ جٷرگەن جاس ەرتٸستەردٸڭ شىعارماشىلىق قۇرام ٷشٸن ورتاشا لاۋازىمدىق ايلىق جالاقاسى 59 مىڭ تەڭگەدەن 76 مىڭ تەڭگەگە دەيٸن, ال تەحنيكالىق قۇرام ٷشٸن 43 مىڭ تەڭگەدەن 49 مىڭ تەڭگەگە دەيٸن قوسىمشا تٶلەنەتٸن اقىنى قوسا ەسەپتەگەندە. ال قولدارىنا تيەتٸن ەڭبەكاقى ەرينە ودان دا تٶمەن. كەلەسٸ مەسەلە مەدەنيەت جەنە سپورت مينيسترٸنٸڭ 2017 جىلعى 17 شٸلدەدەگٸ № 209 بۇيرىعىنا سەيكەس ەرتٸستەر تەاتردا 3 جىل قىزمەت اتقارعان سوڭ, ەڭ تٶمەنگٸ كاتەگورييانى الۋعا قۇقىعى بار. ال جوعارى كاتەگورييا الۋ ٷشٸن جاس ماماندار بٸرنەشە جىلدار ەڭبەك ەتۋ كەرەك, وسى ۋاقىتتار ٸشٸندە ولار جاس ماماندار قاتارىنان شىعىپ قالۋدا.
تاعى بٸر جاعداي باسپانا مەسەلەسٸ, رەسپۋبليكا بويىنشا 1538 جاس ەرتٸستەرٸمٸزدٸڭ 3,7% قىزمەتتٸك پەتەرمەن, 9,7% جاتاقحانالارمەن قامتىلعان, ال 33,8% اتا-انالارىمەن بٸرگە, قالعان 42,5% پەتەردٸ جالعا الۋعا مەجبٷر. «7—20—25» جەنە «نۇرلى جەر» باعدارلامالارىنا قاتىسۋ ٷشٸن تٶلەم قابٸلەتتٸلٸگٸ, ياعني نەسيەنٸ تٶلەۋگە مٷمكٸندٸك بەرەتٸن جەتكٸلٸكتٸ جەنە تۇراقتى تابىسىنىڭ بولماۋى, ولاردىڭ تۇرعىن ٷي باعدارلامالارىنا قاتىسۋعا مٷمكٸندٸكتەرٸنٸڭ جوقتىعى جەنە باسقا ماماندىقتار سيياقتى تۇرعىن ٷيدٸ ەلەۋمەتتٸك جالعا الۋ مٷمكٸندٸكتەرٸنٸڭ قاراستىرىلماعانى.
اتالعان جاعدايلار, ٶز كەزەگٸندە تەاترداعى جاس مامانداردى ەشقانداي ىنتالاندىرمايتىنى انىق, كەرٸسٸنشە جاس مامانداردىڭ باسقا سالالارعا كەتۋٸنە, ەسٸرەسە اۋىلدىق جەرلەردە مامانداردىڭ جەتٸسپەۋشٸلٸگٸ بايقالۋدا. بٸزدٸڭ ويىمىزشا, اتالعان جاعدايدىڭ قالىپتاسۋىنا تەاتر جۇمىسشىلارىنا ەلەۋمەتتٸك قولداۋ كٶرسەتۋدٸڭ بٸرىڭعاي تەرتٸبٸ مەن تەتٸكتەرٸنٸڭ جوقتىعى, ەكٸنشٸدەن جاۋاپتى مەملەكەتتٸك ورگانداردىڭ تاراپىنان قولداۋدىڭ بولماۋى ەسەر ەتٸپ وتىر دەپ ەسەپتەيمٸز.
سەناتور ن.تٶراعاليەۆ ٷكٸمەت تاراپىنان جاس ەرتٸستەرگە كٶرسەتٸلۋگە تيٸستٸ قولداۋلار قانداي بولۋى كەرەك ەكەنٸن دە اتاپ كٶرسەتتٸ.
بٸرٸنشٸ, «ازاماتتىق قىزمەتشٸلەرگە, مەملەكەتتٸك بيۋدجەت قاراجاتى ەسەبٸنەن ۇستالاتىن ۇيىمداردىڭ قىزمەتكەرلەرٸنە, قازىنالىق كەسٸپورىنداردىڭ قىزمەتكەرلەرٸنە ەڭبەكاقى تٶلەۋ جٷيەسٸ تۋرالى» قازاقستان رەسپۋبليكاسى ٷكٸمەتٸنٸڭ 2015 جىلعى 31 جەلتوقسانداعى № 1193 قاۋلىسىنا تەاتر ەرتٸستەرٸنٸڭ جالاقىسىن ٶسٸرۋگە قاتىستى ٶزگەرٸستەر ەنگٸزۋ قاجەت;
ەكٸنشٸ, قازاقستان رەسپۋبليكاسى مەدەنيەت جەنە سپورت مينيسترٸنٸڭ 2017 جىلعى 17 شٸلدەدەگٸ № 209 بۇيرىعىمەن بەكٸتٸلگەن «مەملەكەتتٸك مەدەنيەت ۇيىمدارى باسشىلارى, ماماندارى جەنە باسقا دا قىزمەتشٸلەرٸ لاۋازىمدارىنىڭ ٷلگٸلٸك بٸلٸكتٸلٸك سيپاتتامالارىنا» سەيكەس قاتەگورييالارىن الۋ مەرزٸمدەرٸن قىسقارتۋ كەرەك;
ٷشٸنشٸ, «7—20—25» جەنە «نۇرلى جەر» باعدارلامالارىنا قاتىسۋ ٷشٸن جەرگٸلٸكتٸ اتقارۋشى ورگاندار تاراپىنان العاشقى جارنا سەرتيفيكاتتارىمەن قامتاماسىز ەتەتٸن مٷمكٸندٸكتەردٸ قاراستىرىرۋعا تيٸس.
تٶرتٸنشٸ, «نۇرلى جەر» باعدارلاماسىمەن قاراستىرىلعان تۇرعىن ٷيدٸ ساتىپ الۋ مٷمكٸندٸگٸنسٸز جالعا بەرۋ مٷمكٸندٸكتەرٸن قاراستىرۋ دا ٶتە ماڭىزدى.
دەپۋتات وسى مەسەلەلەردٸ قويا وتىرىپ, ٷكٸمەت باسشىسىنان تيٸستٸ مەملەكەتتٸك ورگاندارعا جاس ەرتٸستەردٸڭ ەڭبەكاقىسىن كٶتەرۋ جەنە تۇرعىن ٷي باعدارلامالارىنا قاتىسۋدى قامتاماسىز ەتەتٸن مٷمكٸندٸكتەردٸ قاراستىرۋ جٶنٸندە تاپسىرما بەرۋدٸ سۇرادى.
