شەتەلدٸك كومپانييالار جولداردى سالىپ شىعادى, كٷرە جولداردا جارىق جوق, قىزمەت كٶرسەتۋ ناشار, ال شامادان تىس جٷك تيەلگەن اۋىر كٶلٸكتەر اسفالتتا ەش باقىلاۋسىز جٷرەدٸ. ولار جولدىڭ بىت-شىتىن شىعاردى. سەناتور تالعات جٷنٸسوۆ ٶزٸنٸڭ دەپۋتاتتىق ساۋالىندا ەلٸمٸزدەگٸ جول سالاسىنىڭ پروبلەمالارى تۋرالى جارييا ەتتٸ, دەپ حابارلايدى "ۇلت اقپارات".
سەناتوردىڭ ايتۋىنشا, اقمولا وبلىسىنىڭ تۇرعىندارى مەن مەسليحات دەپۋتاتتارى جولداردىڭ جاعدايىنا بايلانىستى بٸرنەشە رەت شاعىم جازعان كٶرٸنەدٸ. دەپۋتات جەكەلەگەن ٶڭٸرلەردە وبلىستىق ماڭىزى بار ساپالى جولداردىڭ ٷلەسٸ ەلٸ دە 60%-عا جەتپەيتٸنٸ تۋرالى دەرەكتەر كەلتٸردٸ. تاعى بٸر مەسەلە – جول قۇرىلىسىنىڭ باعاسىن انىقتاۋ. شەتەلدٸك مەردٸگەرلەر ماتەريالداردى تٶمەن باعادا ۇسىنىپ, كونكۋرستارعا جيٸ قاتىسادى. وسىعان بايلانىستى وتاندىق كومپانييالار كەلٸسٸمشارتتان باس تارتادى نەمەسە باعا دەمپينگٸنە بەيٸمدەلۋگە مەجبٷر بولادى. بۇل جولدىڭ ساپاسى مەن جۇمىس مەرزٸمٸنە تەرٸس ەسەر ەتەدٸ.
"جول قوزعالىسىنىڭ قاۋٸپسٸزدٸگٸ كٶبٸنەسە جولدىڭ ساپاسى مەن جابدىقتالۋىنا, ايالدامالار مەن جاياۋ جٷرگٸنشٸلەر ٶتكەلدەرٸنٸڭ بولۋىنا, سونداي-اق ولاردىڭ جارىقتاندىرىلۋىنا بايلانىستى. رەسپۋبليكالىق ماڭىزى بار قالالار مەن وبلىس ورتالىقتارىنان تىس جەردەگٸ جولداردىڭ كٶپتەگەن ۋچاسكەسٸندە جارىق جوق. بۇل تەك ينفراقۇرىلىمنىڭ ارتتا قالعانى عانا ەمەس. قارجىنىڭ شىن مەنٸندەگٸ ازدىعىن, ەلەكتر ەنەرگيياسى تاريفٸنٸڭ ٶتە جوعارى ەكەنٸن ناقتى ايتۋ كەرەك. بۇل بەلگٸلٸ بٸر دەرەجەدە مەجبٷرلٸ ٷنەمدەۋ مەن اپاتتارعا جەنە قايعىلى جاعدايعا ەكەلەدٸ. جول بويىنداعى سەرۆيستٸك قىزمەتكە نەمەسە ونىڭ بولماۋىنا بايلانىستى ازاماتتاردان ٷنەمٸ شاعىم تٷسٸپ تۇرادى. وسىعان بايلانىستى, وسى مەسەلەلەردٸ كەزەڭ-كەزەڭٸمەن كەلٸسە وتىرىپ, بٸرتە-بٸرتە شەشۋگە كٸرٸسۋ قاجەت", - دەدٸ تالعات جٷنٸسوۆ.
سەناتور سونىمەن قاتار اۋىر جٷك كٶلٸكتەرٸنٸڭ قوزعالىسىن باقىلاۋدى كٷشەيتۋ قاجەتتٸگٸن اتاپ ٶتتٸ. ٶيتكەنٸ ولار, ەسٸرەسە ونداي جٷك كٶلٸكتەرٸنە ارنالماعان جولداردى بۇزىپ كەتەدٸ.
"اۆتوجول سالاسىنداعى جوبالاردى ٸسكە اسىرۋعا وتاندىق كومپانييالاردى تارتۋ, جولداردىڭ ساپاسى مەن جان-جاعىن, ەسٸرەسە اۋىلدىق ەلدٸ مەكەندەر مەن قالا ماڭىن كٶركەيتۋ, ونىڭ ٸشٸندە ولاردىڭ جارىقتاندىرىلۋىن كەزەڭ-كەزەڭٸمەن كٶبەيتە بەرۋدٸ, سونداي-اق جول بويىنداعى سەرۆيستٸ جاقسارتۋ جٶنٸندە پەرمەندٸ شارالار قابىلداۋدى سۇرايمىز. سونداي-اق باقىلاۋدى كٷشەيتۋ نەمەسە ەلٸمٸزدٸڭ جولدارىندا دٶڭگەلەك بٸلٸگٸنە جٷكتەمە ەرەجەسٸن ساقتامايتىن اۋىر جٷك ماشينالارىنىڭ جٷرۋٸنە شەكتەۋ قويۋ ماڭىزدى", - دەدٸ سەناتور.
