فوتو: اشىق دەرەككٶز
قازاقستاندا جەتٸم بالالار تۇرعىن ٷي, بٸلٸم الۋ جەنە جۇمىسقا ورنالاسۋ سالاسىندا قيىندىقتارعا تاپ بولۋدا. سەناتور گەنناديي شيپوۆسكيح ٶزٸنٸڭ دەپۋتاتتىق ساۋالىندا وسى ٶزەكتٸ مەسەلەنٸ كٶتەردٸ, دەپ حابارلايدى Ult.kz.
سەناتوردىڭ ايتۋىنشا, قولدانىستاعى مەملەكەتتٸك باعدارلامالارعا قاراماستان, جەتٸمدەر مەن اتا-اناسىنىڭ قامقورلىعىنسىز قالعان بالالارعا تيٸستٸ قولداۋ كٶرسەتٸلمەي كەلەدٸ. مەسەلەن, 2023 جىلى تۇرعىن ٷي كەزەگٸندە تۇرعان 62 290 جەتٸم بالانىڭ تەك 809-ى عانا باسپانالى بولدى. بۇل كٶرسەتكٸش ٶتكەن جىلى دا شامامەن وسىنداي دەڭگەيدە بولعان, سول كەزدە 61 471 جەتٸمنٸڭ تەك 852-سٸ عانا ٷي الدى. وسى ساندار جەتٸم بالالاردىڭ باسپانا الۋ مٷمكٸندٸگٸنٸڭ شەكتەۋلٸ ەكەنٸن كٶرسەتٸپ وتىر.
شيپوۆسكيح سونىمەن قاتار, جەتٸم بالالاردىڭ مەكتەپتٸ بٸتٸرگەننەن كەيٸنگٸ ٶمٸرلٸك جوسپارلارىنا الاڭداۋلى ەكەنٸن جەتكٸزدٸ. جەتٸم بالالاردىڭ جوعارى بٸلٸمگە قول جەتكٸزۋ مٷمكٸندٸگٸن ارتتىرۋ ماقساتىندا, ول كوللەدجدەر مەن جوعارى وقۋ ورىندارىندا گرانتتار كۆوتاسىن كٶبەيتۋدٸ ۇسىندى.
سەناتوردىڭ ايتۋىنشا, جەتٸم بالالاردى جۇمىسپەن قامتۋ مەسەلەسٸ دە نازار اۋدارۋدى قاجەت ەتەدٸ. ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ دەرەكتەرٸ بويىنشا, بيىل مانساپ ورتالىقتارى ارقىلى جۇمىسقا ورنالاسقانداردىڭ تەك 85-ٸ عانا جەتٸمدەر بولدى. بۇل جاعدايدى شەشۋ ٷشٸن, شيپوۆسكيح كەمەلەتكە تولعان جەتٸم بالالاردى تۇرعىن ٷيمەن قامتاماسىز ەتۋدٸڭ كٷتۋ مەرزٸمٸن قىسقارتۋ جەنە ولاردى وقۋدى اياقتاعاننان كەيٸن جۇمىسقا ورنالاستىرۋ بويىنشا ارنايى باعدارلامالاردى ەزٸرلەۋدٸ ۇسىندى.
"مەن بۇل مەسەلەلەردٸ جاقسى بٸلەمٸن, ٶيتكەنٸ ٶزٸم دە اتا-انامنان ەرتە ايىرىلىپ, بالالار ٷيٸندە تەربيەلەنگەنمٸن," - دەدٸ سەناتور.
ول بۇل پروبلەمالاردى شەشۋ ٷشٸن مەملەكەتتٸك دەڭگەيدە ناقتى شارالار قابىلداۋ قاجەت ەكەنٸن اتاپ ٶتتٸ.
