فوتو اشىق دەرەككٶزدەن الىندى
بٷگٸن سەناتتىڭ جالپى وتىرىسىندا دەپۋتات سەرگەي ەرشوۆ پرەمەر-مينيستر ەليحان سمايىلوۆتىڭ اتىنا جولداعان دەپۋتاتتىق ساۋالىندا ەلٸمٸزدٸڭ ٶنەركەسٸپ قاۋٸپسٸزدٸگٸندەگٸ جٷيەلٸ مەسەلەلەر تۋرالى سٶز قوزعادى, دەپ حابارلايدى Kazinform.
سەناتوردىڭ ايتۋىنشا, «ارسەلور ميتتال» كەسٸپورنىنداعى اپاتتار جٷيەلٸ تٷردە قايتالانىپ كەلەدٸ. قايعىلى وقيعالاردىڭ نەگٸزگٸ سەبەپتەرٸنٸڭ بٸرٸ – ەسكٸرگەن جابدىقتى پايدالانۋ.
«ارسەلورميتتال تەمٸرتاۋ» اق جۇمىس ٸستەگەن جىلدارى كٶمٸر قاباتتارىن الدىن الا گازسىزداندىرۋ بويىنشا جۇمىستاردى تيٸستٸ دەڭگەيدە جٷرگٸزبەگەن, بۇل - وسىنداي قايعىلى وقيعالاردىڭ باستى سەبەبٸ. ٶتكەن عاسىردا شىعارىلعان قۇرال-جابدىقتار ەلٸ دە قولدانىلىپ جاتىر. توزعان جابدىق جۇمىسشىلاردىڭ ٶمٸرٸنە جەنە دەنساۋلىعىنا قاۋٸپ تٶندٸرەتٸنٸ انىق. قازٸر كٶپتەگەن ٶنەركەسٸپتٸك كەسٸپورىنداردىڭ يەلەرٸ جابدىقتى اۋىستىرۋعا اقشا ٷنەمدەپ, ٶنەركەسٸپتٸك قاۋٸپسٸزدٸك ساراپتاماسىن جٷرگٸزۋمەن شەكتەلەدٸ. بۇل تۇرعىدا ٶندٸرٸستەردٸڭ قاۋٸپسٸزدٸگٸن باعالاۋدىڭ وبەكتيۆتٸلٸگٸ ٷشٸن وسى سالاداعى ۋەكٸلەتتٸ ورگانعا قاۋٸپتٸ ٶندٸرٸستٸك نىسانداردى جاڭارتۋ مەن تەحنيكالىق قايتا جاراقتاندىرۋدىڭ جيىنتىق جوسپارىن كەلٸسۋ, سونداي-اق كەسٸپورىنداردىڭ ونى ۋاقتىلى ورىنداۋ جٶنٸندەگٸ مٸندەتٸن بەكٸتۋ فۋنكتسيياسىن بەرۋ ورىندى دەپ سانايمىز», - دەدٸ سەرگەي ەرشوۆ.
دەپۋتات ٶنەركەسٸپ قاۋٸپسٸزدٸگٸ سالاسىنداعى تيٸستٸ قاداعالاۋدى ٶندٸرٸستٸك باقىلاۋ قىزمەتٸنٸڭ ماماندارى اتقاراتىنىن اتاپ ٶتتٸ. بۇل قىزمەتكەرلەر انىقتاعان كەمشٸلٸكتەر ەرەكشە نازارعا الىنبايدى. سەبەبٸ ولار جەكە ٶندٸرٸستٸك باقىلاۋ قىزمەتٸنٸڭ مامانى, ياعني وسى كەسٸپورىننىڭ باسقا قىزمەتتەرٸندە جۇمىس ٸستەيدٸ.
«قازٸرگٸ كەزدە قوعامدا اتالعان تراگەديياعا كٸنەلٸ ادامداردى قىلمىستىق جاۋاپكەرشٸلٸككە تارتۋ تۋرالى مەسەلە ەدٸل كٶتەرٸلٸپ وتىر. قاۋپٸ جوعارى سالالارعا قاتىستى مەملەكەت جاعىنان قاتاڭ باقىلاۋ قاجەت. وسىنداي قايعىلى وقيعالارعا كٸنەلٸ ادامدار جازانىڭ جەڭٸل تٷرٸمەن قۇتىلىپ كەتپەۋٸ كەرەك. قىلمىستىق زاڭناما نورمالارى ٶنەركەسٸپتٸك قاۋٸپسٸزدٸكتٸ قامتاماسىز ەتۋدٸڭ تيٸمدٸ قۇرالىنىڭ بٸرٸنە اينالۋى تيٸس», - دەدٸ سەناتور.
