سەناتور ەدٸل مامىتبەكوۆ ەلٸمٸزدٸڭ پرەمەر-مينيسترٸ اسقار ماميننٸڭ اتىنا جولداعان دەپۋتاتتىق ساۋالىندا جەرلەۋ جەنە زيراتتاردى كٷتٸپ-ۇستاۋعا قاتىستى پروبلەمالاردى اتاپ ٶتتٸ, دەپ حابارلايدى قازاقپارات.
دەپۋتات 2017 جىلى سەناتور ولگا پەرەپەچينا «جەرلەۋ جەنە جەرلەۋ ٸسٸ تۋرالى» زاڭ جوباسىن ەزٸرلەۋ قاجەتتٸگٸ تۋرالى ساۋال جارييا ەتكەنٸن ەسكە سالدى. الايدا سالالىق مەملەكەتتٸك ورگاندار بۇل مەسەلەنٸ ەلەمەي, سٶزبۇيداعا سالىپ جٸبەردٸ.
ەندٸ ەدٸل مامىتبەكوۆتىڭ ايتۋىنشا, قازٸرگٸ كەزدە زاڭنامالىق اكتٸنٸڭ بولماۋى بولاشاقتا پروبلەماعا ەكەلٸپ سوعۋى مٷمكٸن.
«قازاقستاندا سالت پەن جٶن-جورالعى قىزمەتٸن كٶرسەتەتٸن جەكە فيرمالار پايدا بولا باستادى. ولاردىڭ سانى قاۋلاپ ٶسٸپ بارادى. زاڭ قابىلدانسا, وسىنداي ماڭىزدى سالانى باقىلاپ قانا قويماي, ونى قولجەتٸمدٸ ەتۋگە مٷمكٸندٸك بەرەدٸ. ساراپشىلاردىڭ پٸكٸرٸنشە, جەرلەۋ مەسەلەلەرٸن رەتتەيتٸن زاڭنامالىق اكتٸنٸڭ بولماۋى تٷرلٸ قۇقىق بۇزۋشىلىقتارعا الىپ كەلەدٸ. قىلمىستىق تٷردە جەرلەۋ, زاڭسىز بيزنەستٸ جٷرگٸزۋ فاكتٸلەرٸ دە بولۋى ىقتيمال, ەكسگۋماتسييا مەن جەرلەۋدٸڭ ناقتى ەرەجەلەرٸ بولماي وتىر», - دەپ اتاپ ٶتتٸ دەپۋتات سەناتتىڭ جالپى وتىرىسىندا.
دەپۋتات وسىعان بايلانىستى پرەمەر-مينيستردەن سالالىق مەكەمەلەرگە جەرلەۋ, قويۋ جەنە زيراتتاردى كٷتٸپ-ۇستاۋ سالاسىنداعى قوعامدىق قاتىناستاردى رەتتەيتٸن زاڭنامالىق اكتٸنٸ ەزٸرلەۋ جٶنٸندە شارالار قابىلداۋدى سۇرادى.
