اكادەميك سالىق زيمانوۆتىڭ تۋعانىنا كەلەسٸ جىلى 100 جىل تولادى. الايدا, وسى بٸر ايتۋلى داتا ٷكٸمەتتٸڭ الداعى جىلى اتاپ ٶتەتٸن مەرەيتويلار تٸزبەسٸنەن تىس قالعان. وسىعان وراي سەناتتىڭ جالپى وتىرىسىندا مۇحتار قۇل-مۇحاممەد باستاعان بٸر توپ سەناتور پرەمەر-مينيستردٸڭ اتىنا دەپۋتاتتىق ساۋال جولدادى.
ساۋالدا اكادەميك زيمانوۆتىڭ وتاندىق زاڭ عىلىمىنىڭ دامۋىنا سٸڭٸرگەن وراسان زور ەڭبەگٸ جەنە ەلٸمٸزدە بٸلٸكتٸ زاڭگەرلەر دايارلاۋدىڭ نەگٸزٸن قالىپتاستىرعان ۇستازدىق قىزمەتٸ جان-جاقتى باياندالعان.
«ول 1961 جىلى مەسكەۋدە دوكتورلىق ديسسەرتاتسيياسىن قورعاعاننان كەيٸنگٸ بار عۇمىرىن قازاقستاندىق زاڭ عىلىمىنىڭ دامۋىنا ارنادى. قازاق مەملەكەتتٸك ۋنيۆەرسيتەتٸنٸڭ زاڭ فاكۋلتەتٸن, ۇلتتىق عىلىم اكادەميياسىنىڭ فيلوسوفييا جەنە پراۆو ينستيتۋتتارىن باسقارىپ, مىڭداعان شەكٸر تەربيەلەپ, 30-دان استام عىلىم دوكتورى مەن كانديداتتارىن دايارلادى. ونىڭ شەكٸرتتەرٸ قازاقستاندا عانا ەمەس, تمد ەلدەرٸندە كٶپتەپ سانالادى», – دەدٸ مۇحتار قۇل-مۇحاممەد.
سالىق زيمانوۆ دەسە, ەڭ الدىمەن, ەلٸمٸزدٸڭ ەگەمەندٸگٸ ەسكە تٷسەدٸ. ٶيتكەنٸ, قازاقستاننىڭ تەۋەلسٸزدٸگٸنە داڭعىل جول سالىپ بەرگەن باستى قادام 1990 جىلدىڭ 25 قازانىندا قابىلدانعان قازاق كسر-نٸڭ «مەملەكەتتٸك ەگەمەندٸگٸ تۋرالى» دەكلاراتسيياسى ەدٸ. ونىڭ جوباسىن دايىنداعان دەپۋتاتتىق كوميسسييانىڭ باسشىسى دەل وسى زيمانوۆ بولاتىن.
عالىم 1991 جىلى 14-16 جەلتوقساندا «قازاقستان رەسپۋبليكاسىنىڭ مەملەكەتتٸك تەۋەلسٸزدٸگٸ تۋرالى» كونستيتۋتسييالىق زاڭىن قابىلداۋ بارىسىندا كوميسسيياسىنىڭ قۇرامىنا كٸرٸپ, تاريحي قۇجاتتىڭ قابىلدانۋىنا زاڭگەر دەپۋتات رەتٸندە زور ٷلەس قوستى.
«ونىڭ سول كەزدە سٶيلەگەن سٶزدەرٸ مەن تەگەۋرٸندٸ پٸكٸرلەرٸ پارلامەنت مۇراعاتىندا سايراپ تۇر. سالىق زيمانوۆ 1994 جىلى جوعارعى كەڭەسكە ەكٸنشٸ مەرتە دەپۋتات رەتٸندە سايلانىپ, ٶمٸرٸنٸڭ سوڭىنا دەيٸن ەلٸمٸزدٸڭ قوعامدىق-ساياسي ٶمٸرٸندەگٸ ەلەۋلٸ وقيعالاردىڭ بەرٸنە دەرلٸك ابىز اقساقال رەتٸندە بەلسەنە ارالاستى. سەنات پەن مەجٸلٸس تٶراعالارى, پرەمەر-مينيستر جەنە رەسپۋبليكالىق قۇقىقتىق ورگان باسشىلارىنا ۇدايى ٶزٸنٸڭ تولىمدى ۇسىنىس, تاعىلىمدى پٸكٸرلەرٸن جولداپ وتىردى. ەلباسىنىڭ ساياسي-قۇقىقتىق رەفورمالارىنا ٷنەمٸ قولداۋ كٶرسەتتٸ», – دەدٸ سەناتور.
ساۋالدا سالىق زيمانوۆتىڭ ۇلى وتان سوعىسىنا قاتىسقان مايدانگەر عانا ەمەس, ناعىز قاھارمان ەكەنٸنە دە نازار اۋدارىلعان. ەسٸرەسە, ونىڭ «ٸ دەرەجەلٸ وتان سوعىسى» وردەنٸمەن ماراپاتتالعانى, داڭقتى قولباسشى, مارشال ك.ك.روكوسسوۆسكييدٸڭ تٸكەلەي باسشىلىعىمەن شايقاسقانى جەنە سوعىستى اڭىزعا اينالعان باتىر باۋىرجان مومىشۇلىمەن بٸردەي ەسكەري شەندە – پولكوۆنيك دەرەجەسٸندە اياقتاعانى ەرەكشە ايتىلعان.
مۇحتار قۇل-مۇحاممەد اكادەميكتٸڭ عاسىرلىق مەرەيتويىن لايىقتى دەڭگەيدە اتاپ ٶتۋدٸڭ ۇلتتىق جەنە ەلدٸك مٷددە تۇرعىسىنان ماڭىزى ٶتە زور ەكەنٸن ايتىپ, ٷكٸمەتكە وسى باعىتتاعى بٸرقاتار ۇسىنىستارىن جولدادى. ناقتى ايتقاندا, سەناتور قاھارمان عالىمنىڭ ٶمٸرٸ مەن شىعارماشىلىعىنا ارنالعان حالىقارالىق عىلىمي-پراكتيكالىق كونفەرەنتسييا, تانىم-تاعىلىمدىق شارالار ٶتكٸزۋ, ونىڭ ەسٸمٸن اتىراۋ مەن الماتى قالالارىنىڭ كٶشەلەرٸنە جەنە نۇر-سۇلتان قالاسىنداعى جاڭادان سالىنعان مەكتەپتەردٸڭ بٸرٸنە بەرۋ, تۋعان جەرٸندە ەڭسەلٸ ەسكەرتكٸشٸن ورناتۋ مەسەلەسٸن قاراستىرۋدى سۇرادى.
