بٷگٸن سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە دەنساۋلىق ساقتاۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭى ەكٸنشٸ وقىلىمدا قارالدى. سەنات زاڭنىڭ جەكەلەگەن باپتارىن جاڭا رەداكتسييادا ۇسىنىپ, ونى مەجٸلٸسكە قايتاردى.
بٷگٸن سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە دەنساۋلىق ساقتاۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭى ەكٸنشٸ وقىلىمدا قارالىپ, قابىلداندى.
زاڭ حالىقتى ساپالى جەنە تولىقتاي مەديتسينالىق كٶمەكپەن قامتاماسىز ەتۋ, مەديتسينا قىزمەتكەرلەرٸنٸڭ كەسٸبي جاۋاپكەرشٸلٸگٸن ساقتاندىرۋ جٷيەسٸن ەنگٸزۋ ارقىلى زيياندى ٶتەۋگە مەملەكەت كەپٸلدٸك بەرگەن پاتسيەنتتەردٸڭ قۇقىقتارىن ٸسكە اسىرۋ, مەديتسينالىق ماماندىقتىڭ مەرتەبەسٸ مەن بەدەلٸن ارتتىرۋ ماقساتىندا ەزٸرلەندٸ.
سەناتتىڭ ەلەۋمەتتٸك-مەدەني دامۋ جەنە عىلىم كوميتەتٸنٸڭ مەلٸمەتٸنشە, زاڭنىڭ مٸندەتتەرٸ — مەديتسينا قىزمەتكەرلەرٸنٸڭ جاۋاپكەرشٸلٸگٸن مٸندەتتٸ ساقتاندىرۋدى قۇقىقتىق رەتتەۋدٸ ەنگٸزۋ, مەديتسينالىق قىزمەتتٸ جٷزەگە اسىرۋ نەتيجەسٸندە ازاماتتاردىڭ ٶمٸرٸ مەن دەنساۋلىعىنا زييان كەلتٸرۋ جٶنٸندەگٸ قاتىناستاردى ٸشٸنارا قىلمىستىق سيپاتتان ارىلتۋ, مەديتسينا قىزمەتكەرلەرٸنٸڭ مەرتەبەسٸن ارتتىرۋ, پاتسيەنتتەردٸڭ مەديتسينالىق كٶمەكتٸڭ ساپاسىن ارتتىرۋعا قۇقىقتارىن قورعاۋ.
زاڭمەن مىنالارعا:
— مەديتسينا قىزمەتكەرلەرٸنٸڭ كەسٸبي جاۋاپكەرشٸلٸگٸن ساقتاندىرۋ جٷيەسٸن ەنگٸزۋگە;
— مەديتسينالىق كٶمەك كٶرسەتەتٸن دەنساۋلىق ساقتاۋ سۋبەكتٸلەرٸنٸڭ مەديتسينا قىزمەتكەرلەرٸنٸڭ كەسٸبي جاۋاپكەرشٸلٸگٸن ساقتاندىرۋدى قامتاماسىز ەتۋ جٶنٸندەگٸ مٸندەتتەرٸن ەنگٸزۋگە;
— مەديتسينا جەنە فارماتسەۆتيكا قىزمەتكەرلەرٸنە ەلەۋمەتتٸك كەپٸلدٸكتەر بەلگٸلەۋگە, مەديتسينالىق ماماندىقتىڭ مەرتەبەسٸ مەن تارتىمدىلىعىن ارتتىرۋعا;
— ۆەيپتەردٸ ەكەلۋگە جەنە تاراتۋعا تىيىم سالۋدى, سونداي-اق شەگٸلمەيتٸن تەمەكٸ زاتتارىن, قىزدىرىلاتىن تەمەكٸسٸ بار بۇيىمداردى, قورقورعا ارنالعان تەمەكٸنٸ, قورقور قوسپاسىن, تەمەكٸنٸ قىزدىرۋعا ارنالعان جٷيەلەردٸ, ەلەكتروندىق تۇتىنۋ جٷيەلەرٸن (ۆەيپتەردٸ), ولارعا ارنالعان حوش يٸستەندٸرگٸشتەر مەن سۇيىقتىقتاردى جارنامالاۋعا تىيىم سالۋدى بەلگٸلەۋگە باعىتتالعان تٷزەتۋلەر ۇسىنىلدى.
«سىبايلاس جەمقورلىققا قارسى ٸس-قيمىل تۋرالى» قازاقستان رەسپۋبليكاسىنىڭ زاڭىنا ەنگٸزٸلەتٸن تٷزەتۋلەرمەن ەسكەري دەرٸگەرلەردٸڭ ەسكەري قىزمەت مٸندەتتەرٸن ورىنداۋعا كەدەرگٸ كەلتٸرمەيتٸن اقىلى مەديتسينالىق قىزمەتپەن اينالىسۋ قۇقىعى بەكٸتٸلەدٸ. «رەزيدەنت-ەسكەري دەرٸگەر» دەگەن جاڭا ۇعىم ەنگٸزٸلەدٸ, وسىعان بايلانىستى ولاردى وقىتۋ, ەسكەري قىزمەت ٶتكەرۋ تۋرالى كەلٸسٸمشارتتىڭ مەرزٸمٸ, ەسكەري لاۋازىمعا تاعايىنداۋ جەنە ەسكەري قىزمەتتەن بوساتۋ مەسەلەلەرٸ رەگلامەنتتەلەدٸ.
سونىمەن قاتار «قازاقستاننىڭ ەڭبەك سٸڭٸرگەن دەرٸگەرٸ», «ٶز كەسٸبٸنٸڭ ٷزدiگٸ» قۇرمەتتٸ اتاقتارىن بەرۋ مەديتسينا قىزمەتكەرٸنٸڭ پراكتيكالىق قىزمەتكە دەگەن سەنٸمٸن ارتتىرۋعا جەنە ىنتالاندىرۋعا باعىتتالعان.
بٷگٸن جالپى وتىرىستا زاڭدى ەكٸنشٸ وقىلىمدا بارىسىندا پارلامەنت سەناتىندا مىنالاردى:
— زاڭدا شەگٸلمەيتٸن تەمەكٸ بۇيىمدارىنىڭ, ەلەكتروندىق تۇتىنۋ جٷيەلەرٸنٸڭ (ۆەيپتەردٸڭ), ولارعا ارنالعان حوش يٸستەندٸرگٸشتەر مەن سۇيىقتىقتاردىڭ اينالىمى ٷشٸن قىلمىستىق جاۋاپتىلىقتىڭ زاڭمەن بەلگٸلەنۋٸنە بايلانىستى قر ەكٸمشٸلٸك قۇقىق بۇزۋشىلىق تۋرالى كودەكسٸنەن ەلەكتروندىق تۇتىنۋ جٷيەلەرٸ مەن ولارعا ارنالعان سۇيىقتىقتاردى ساتۋ, پايدالانۋ, ولارعا دەمەۋشٸلٸك كٶرسەتۋ ٷشٸن جاۋاپتىلىقتى رەگلامەنتتەيتٸن نورمالاردى الىپ تاستاۋدى;
— شەگٸلمەيتٸن تەمەكٸ بۇيىمدارى مەن ۆەيپتەردٸڭ تاۋار بەلگٸسٸنٸڭ ەلەمەنتتەرٸن نەمەسە اتاۋىن پايدالانا وتىرىپ, تاۋارلاردى (جۇمىستاردى, كٶرسەتٸلەتٸن قىزمەتتەردٸ) جارنامالاۋعا, سونداي-اق شەگٸلمەيتٸن تەمەكٸ بۇيىمدارى مەن ۆەيپتەرگە سۇرانىس پەن قىزىعۋشىلىقتى ىنتالاندىرۋعا باعىتتالعان تٷرلٸ ٸس-شارالاردى, ونىڭ ٸشٸندە جٷلدەلەر ۇتىس ويىندارىن, لوتەرەيالاردى ٶتكٸزۋگە تىيىم سالۋدى بەلگٸلەۋدٸ كٶزدەيتٸن ٶزگەرٸستەر مەن تولىقتىرۋلار ەنگٸزٸلدٸ.
