Búgin Senattyń jalpy otyrysynda «Qazaqstan Respýblikasynyń keibir zańnamalyq aktilerine densaýlyq saqtaý máseleleri boiynsha ózgerister men tolyqtyrýlar engizý týraly» Zańy ekinshi oqylymda qaraldy. Senat zańnyń jekelegen baptaryn jańa redaktsiiada usynyp, ony Májiliske qaitardy.
Búgin Senattyń jalpy otyrysynda «Qazaqstan Respýblikasynyń keibir zańnamalyq aktilerine densaýlyq saqtaý máseleleri boiynsha ózgerister men tolyqtyrýlar engizý týraly» Zańy ekinshi oqylymda qaralyp, qabyldandy.
Zań halyqty sapaly jáne tolyqtai meditsinalyq kómekpen qamtamasyz etý, meditsina qyzmetkerleriniń kásibi jaýapkershiligin saqtandyrý júiesin engizý arqyly ziiandy óteýge memleket kepildik bergen patsientterdiń quqyqtaryn iske asyrý, meditsinalyq mamandyqtyń mártebesi men bedelin arttyrý maqsatynda ázirlendi.
Senattyń Áleýmettik-mádeni damý jáne ǵylym komitetiniń málimetinshe, zańnyń mindetteri — meditsina qyzmetkerleriniń jaýapkershiligin mindetti saqtandyrýdy quqyqtyq retteýdi engizý, meditsinalyq qyzmetti júzege asyrý nátijesinde azamattardyń ómiri men densaýlyǵyna ziian keltirý jónindegi qatynastardy ishinara qylmystyq sipattan aryltý, meditsina qyzmetkerleriniń mártebesin arttyrý, patsientterdiń meditsinalyq kómektiń sapasyn arttyrýǵa quqyqtaryn qorǵaý.
Zańmen mynalarǵa:
— meditsina qyzmetkerleriniń kásibi jaýapkershiligin saqtandyrý júiesin engizýge;
— meditsinalyq kómek kórsetetin densaýlyq saqtaý sýbektileriniń meditsina qyzmetkerleriniń kásibi jaýapkershiligin saqtandyrýdy qamtamasyz etý jónindegi mindetterin engizýge;
— meditsina jáne farmatsevtika qyzmetkerlerine áleýmettik kepildikter belgileýge, meditsinalyq mamandyqtyń mártebesi men tartymdylyǵyn arttyrýǵa;
— veipterdi ákelýge jáne taratýǵa tyiym salýdy, sondai-aq shegilmeitin temeki zattaryn, qyzdyrylatyn temekisi bar buiymdardy, qorqorǵa arnalǵan temekini, qorqor qospasyn, temekini qyzdyrýǵa arnalǵan júielerdi, elektrondyq tutyný júielerin (veipterdi), olarǵa arnalǵan hosh iistendirgishter men suiyqtyqtardy jarnamalaýǵa tyiym salýdy belgileýge baǵyttalǵan túzetýler usynyldy.
«Sybailas jemqorlyqqa qarsy is-qimyl týraly» Qazaqstan Respýblikasynyń Zańyna engiziletin túzetýlermen áskeri dárigerlerdiń áskeri qyzmet mindetterin oryndaýǵa kedergi keltirmeitin aqyly meditsinalyq qyzmetpen ainalysý quqyǵy bekitiledi. «Rezident-áskeri dáriger» degen jańa uǵym engiziledi, osyǵan bailanysty olardy oqytý, áskeri qyzmet ótkerý týraly kelisimsharttyń merzimi, áskeri laýazymǵa taǵaiyndaý jáne áskeri qyzmetten bosatý máseleleri reglamentteledi.
Sonymen qatar «Qazaqstannyń eńbek sińirgen dárigeri», «Óz kásibiniń úzdigi» qurmetti ataqtaryn berý meditsina qyzmetkeriniń praktikalyq qyzmetke degen senimin arttyrýǵa jáne yntalandyrýǵa baǵyttalǵan.
Búgin jalpy otyrysta zańdy ekinshi oqylymda barysynda Parlament Senatynda mynalardy:
— Zańda shegilmeitin temeki buiymdarynyń, elektrondyq tutyný júieleriniń (veipterdiń), olarǵa arnalǵan hosh iistendirgishter men suiyqtyqtardyń ainalymy úshin qylmystyq jaýaptylyqtyń zańmen belgilenýine bailanysty QR Ákimshilik quqyq buzýshylyq týraly kodeksinen elektrondyq tutyný júieleri men olarǵa arnalǵan suiyqtyqtardy satý, paidalaný, olarǵa demeýshilik kórsetý úshin jaýaptylyqty reglamentteitin normalardy alyp tastaýdy;
— shegilmeitin temeki buiymdary men veipterdiń taýar belgisiniń elementterin nemese ataýyn paidalana otyryp, taýarlardy (jumystardy, kórsetiletin qyzmetterdi) jarnamalaýǵa, sondai-aq shegilmeitin temeki buiymdary men veipterge suranys pen qyzyǵýshylyqty yntalandyrýǵa baǵyttalǵan túrli is-sharalardy, onyń ishinde júldeler utys oiyndaryn, lotereialardy ótkizýge tyiym salýdy belgileýdi kózdeitin ózgerister men tolyqtyrýlar engizildi.
