قازاقستاندا قازاق تٸلٸن بٸلەتٸن حالىق ٷلەسٸ 86 پايىزعا جەتتٸ. بۇل تۋرالى قر پارلامەنتٸ سەناتىنىڭ تٶراعاسى مەۋلەن ەشٸمباەۆ ايتتى, دەپ حابارلايدى قازاقپارات.
«ەكونوميكالىق جەنە ەلەۋمەتتٸك جاڭعىرۋدىڭ ەلەۋمەتتٸك بازاسى جەنە قوزعاۋشى كٷشٸ رەتٸندە ورتا ساناتتىڭ قالىپتاسۋى دا ماڭىزدى ٶزگەرٸس سانالادى. تەۋەلسٸزدٸك جىلدارىنىڭ ٸشٸندە ازاماتتارىمىزدىڭ ورتاشا تابىسى 13 ەسەدەن استامعا ارتقانىن ايتساق دا جەتكٸلٸكتٸ. كەسٸپكەرلەر قاتارى دا ارتىپ كەلەدٸ. جەكە بيزنەستە جۇمىس ٸستەپ تۇرعان سۋبەكتٸلەر سانى 2021 جىلدىڭ 1 قاڭتارىندا 1,4 ملن-دى قۇرادى. 2005 جىلدان باستاپ بۇل ٷش ەسەگە جۋىق ٶسٸمدٸ قۇرايدى», - دەدٸ سەنات سپيكەرٸ قازاقستان ەلەۋمەتتانۋشىلارىنىڭ VII كونگرەسٸندە.
ونىڭ اتاپ ٶتۋٸنشە, ۋربانيزاتسييا قازاقستاندىق قوعامنىڭ ەلەۋمەتتٸك ستراتيفيكاتسيياسىنا ىقپال ەتەتٸن ماڭىزدى ترەندتەردٸڭ بٸرٸ سانالادى. تەۋەلسٸزدٸك جىلدارى قالا حالقىنىڭ سانى 9 ملن-نان 11 ملن-عا دەيٸن ارتىپ وتىر.
«30 جىلدىڭ ٸشٸندە ەلدٸڭ دەموگرافييالىق بەيٸنٸ, حالىقتىڭ ەتنيكالىق قۇرامى ٶزگەرٸپ, جاڭا تٸلدٸك ورتا قالىپتاستى. قازاق تٸلٸن بٸلەتٸن حالىقتىڭ ٷلەسٸ 86 پايىزعا جەتتٸ. بۇل رەتتە قازاقستاندىقتاردىڭ 92 پايىزى ورىس تٸلٸن بٸلەدٸ. بٸز – جاس ۇلتپىز. قازاقستاندىقتاردىڭ ورتاشا جاسى شامامەن 32-نٸ قۇرايدى. سونىمەن قاتار ٶمٸر سٷرۋ ۇزاقتىعى دا ۇزارىپ كەلەدٸ», - دەدٸ مەۋلەن ەشٸمباەۆ.
