بٷگٸن پارلامەنت سەناتىنىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە سىبايلاس جەمقورلىققا قارسى ٸس-قيمىل مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى ەكٸنشٸ وقىلىمدا تالقىلادى. قۇجاتقا تولىقتىرۋلار ەنگٸزٸلگەندٸكتەن, زاڭ جوباسى مەجٸلٸسكە قايتارىلدى, دەپ حابارلايدى قازاقپارات.
«زاڭ جوباسىن ەكٸنشٸ وقىلىمدا تالقىلاۋ بارىسىندا سەنات دەپۋتاتتارىنىڭ ەسكەرتپەلەرٸ مەن ۇسىنىستارىن ەسكەرە وتىرىپ, مەجٸلٸس ماقۇلداعان زاڭ جوباسىنا ٶزگەرٸستەر ەنگٸزۋ قاجەتتٸگٸ تۋىندادى. مەسەلەن, قىلمىستىق كودەكستٸڭ 412-1-بابىنا (قىلمىس جاساۋعا ارانداتۋ) ٶزگەرٸستەر ەنگٸزۋ ۇسىنىلادى, وعان سەيكەس قىلمىس جاساۋعا ارانداتۋ دەپ كەيٸن ەشكەرەلەۋ جەنە قىلمىستىق جاۋاپقا تارتۋ نەمەسە بوپسالاۋ ماقساتىندا ادامدى قىلمىس جاساۋعا كٶندٸرگەن جەدەل-ٸزدەستٸرۋ قىزمەتٸن نەمەسە سوتقا دەيٸنگٸ تەرگەپ-تەكسەرۋدٸ جٷزەگە اسىراتىن لاۋازىمدى ادامنىڭ زاڭسىز ەرەكەتتەرٸ جاتادى. بۇدان باسقا, قر ەكٸمشٸلٸك قۇقىق بۇزۋشىلىق تۋرالى كودەكسٸ 1-بابىنىڭ 2020 جىلعى 1 شٸلدەدەن باستاپ قولدانىسقا ەنگٸزٸلگەن 2-1-بٶلٸگٸنە سەيكەس كودەكسكە ٶزگەرٸستەر نەمەسە تولىقتىرۋلار ەنگٸزۋ قازاقستان رەسپۋبليكاسىنىڭ باسقا دا زاڭنامالىق اكتٸلەرٸنە ٶزگەرٸستەر مەن تولىقتىرۋلار ەنگٸزۋدٸ كٶزدەمەيتٸن زاڭمەن جٷزەگە اسىرىلادى. وسىعان بايلانىستى بۇل زاڭ جوباسىنان كودەكسكە وسى تٷزەتۋلەردٸ الىپ تاستاۋ قاجەت», - دەدٸ سەناتور اندرەي لۋكين.
ايتا كەتەيٸك, قر ٷكٸمەتٸنٸڭ 2019 جىلعا ارنالعان زاڭ جوبالاۋ جۇمىستارىنىڭ جوسپارىنا سەيكەس, ەزٸرلەنگەن زاڭ جوباسىنىڭ ماقساتى سىبايلاس جەمقورلىققا قارسى ٸس-قيمىل سالاسىنداعى زاڭنامانى جەتٸلدٸرۋنە ارنالعان. زاڭ جوباسىمەن 4 كودەكسكە جەنە 10 زاڭعا ٶزگەرٸستەر مەن تولىقتىرۋلار ەنگٸزۋ كٶزدەلەدٸ.
زاڭ جوباسىنىڭ نەگٸزگٸ مٸندەتٸ – سىبايلاس جەمقورلىق كٶرٸنٸستەرٸنٸڭ جٷيەلٸ تٷردە الدىن الۋ جٶنٸندەگٸ قوسىمشا شارالاردى ەنگٸزۋ.
اتاپ ايتقاندا:
- مەملەكەتتٸك قىزمەتشٸگە قۇنى قانداي دا بولسىن سىيلىقتار سىيلاۋعا تىيىم بەلگٸلەنەدٸ;
- ٶزٸنە سىبايلاس جەمقورلىق شەكتەۋلەرٸن قابىلدايتىن ادامداردىڭ وتباسى مٷشەلەرٸنە ماتەريالدىق سىيلىقاقى, سىيلىقتار نەمەسە كٶرسەتٸلەتٸن قىزمەتتەر قابىلداۋعا تىيىم ەنگٸزٸلەدٸ.
