بٷگٸن قر يندۋسترييا جەنە ينفراقۇرىلىمدىق دامۋ مينيسترٸ رومان سكليار سەنات دەپۋتاتتارىنا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە كٶلٸك مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن تانىستىردى.
زاڭ جوباسى جولداردا كٶلٸك باقىلاۋىن اۆتوماتتاندىرۋ, جولاۋشىلاردى جەنە باگاجدى تاسىمالداۋ ساپاسىن ارتتىرۋ, تەمٸر جول جەنە تەڭٸز كٶلٸگٸنە تەكسەرۋ جٷرگٸزۋ تەرتٸبٸن جەتٸلدٸرۋ, كٶلٸك قۇرالدارىن قاۋٸپسٸز پايدالانۋدى ارتتىرۋ, حالىقارالىق تەڭٸز ۇيىمى (يمو) اۋديتٸنٸڭ ەسكەرتۋلەرٸن جويۋ, ازاماتتىق اۆياتسييانى مەملەكەتتٸك رەتتەۋدٸڭ تيٸمدٸلٸگٸن جاقسارتۋ, بيۋدجەتتٸك ەۋە كومپانييانى جەنە ۇلتتىق ەۋە جٷك تاسىمالداۋشىسىن قۇرۋ, سونداي-اق باسىمدىققا يە حالىقارالىق ەۋە مارشرۋتتارىن دامىتۋ سيياقتى بٸرقاتار مەسەلەلەردٸ شەشۋگە جەنە جٷيەلەۋگە باعىتتالعان.
زاڭ جوباسى 6 كودەكسكە, 20 زاڭعا ٶزگەرٸستەر مەن تولىقتىرۋلار ەنگٸزۋدٸ قاراستىرادى.
مينيستردٸڭ ايتۋىنشا, كٶلٸك قۇرالدارىن تەكسەرۋ نەگٸزدەرٸنٸڭ ناقتى تٸزبەسٸن ايقىنداۋ ارقىلى جولدارداعى باقىلاۋ تەرتٸبٸن ٶزگەرتۋ ۇسىنىلادى. بۇل كٶلٸك قۇرالىن توقتاتپاي-اق رۇقسات بەرۋ قۇجاتتارىنىڭ بار-جوعىن تەكسەرۋگە, كٶلٸكتٸ باقىلاۋ ورگاندارىنىڭ كٶلٸك قۇرالدارىن جاپپاي توقتاتۋ تەجٸريبەسٸنەن باس تارتۋعا مٷمكٸندٸك بەرەدٸ.
«زاڭ جوباسىندا قازاقستاندىق تاسىمالداۋشىلارعا شەكاراعا جاقىن بٸر وبلىستىڭ اۋماعىندا ورنالاسقان ەلدٸ مەكەندەر اراسىندا تاسىمالداۋدى جٷزەگە اسىرۋعا رۇقسات بەرۋ ۇسىنىلادى. بۇل تٷزەتۋدٸ قابىلداۋ 126 حالىقارالىق مارشرۋت بويىنشا قوسىمشا شەكارالاس وبلىستارداعى 300-دەي ەلدٸ مەكەننٸڭ جولاۋشىلارىن تۇراقتى تاسىمالداۋعا جول اشادى», - دەپ اتاپ ٶتتٸ رومان سكليار.
