سۋرەت اشىق دەرەككٶزدەن الىندى
سەنات دەپۋتاتتىعىنا سايلاناتىن كانديداتتاردىڭ شىعىستار مٶلشەرٸ 550 مىڭ تەڭگە شاماسىندا بەلگٸلەندٸ. بۇل تۋرالى ورتالىق سايلاۋ كوميسسيياسىنىڭ مٷشەسٸ سەبيلا مۇستافينا ايتتى, دەپ حابارلايدى قازاقپارات.
«قر-داعى سايلاۋ تۋرالى» كونستيتۋتسييالىق زاڭنىڭ 28-بابى 3-تارماعىنا سەيكەس, مەملەكەت سەنات دەپۋتاتتىعىنا سايلاناتىن كانديداتتارعا ٶز باعدارلامالارىمەن باق-قا شىعۋ ٷشٸن قاراجاتتىڭ بٶلٸنۋٸنە كەپٸلدٸك بەرەدٸ. كانديداتتارعا باق-قا شىعۋ ٷشٸن قاراجات بٶلۋ كٶلەمٸن ورتالىق سايلاۋ كوميسسيياسى ايقىندايدى. وسك-نٸڭ 2018 جىلعى 28 تامىزداعى كانديداتتارعا باق-قا شىعۋ ٷشٸن قاراجات بولۋ قاعيدالارى مەن كٶلەمدەرٸ تۋرالى №12-202 قاۋلىسىنا سەيكەس, تەلەديداردان 15 مينۋت, راديودان 10 مينۋت, مەرزٸمدٸ باسىلىمداردا نەمەسە جەلٸلٸك باسىلىمداردا 0,1 باسپا تاباقتان اسپايتىن كٶلەمدە 2 ماقالا جارييالاۋ ٷشٸن بٸردەي قاراجات بٶلۋ كٶزدەلگەن. سونداي-اق «قر-داعى سايلاۋ تۋرالى» كونستيتۋتسييالىق زاڭنىڭ 33-بابى 2-تارماعىنا سەيكەس, رەسپۋبليكالىق بيۋدجەت قاراجاتىنان وسك بەلگٸلەنگەن مٶلشەردە كانديداتتاردىڭ سايلاۋ الدىنداعى كٶپشٸلٸك شارالارىن ٶتكٸزۋگە, ٷگٸت ماتەريالدارىن شىعارۋعا, كٶلٸككە جۇمسايتىن شىعىستارى جابىلادى», - دەدٸ ول كوميسسييا وتىرىسىندا.
ونىڭ اتاپ ٶتۋٸنشە, وسىعان وراي كانديداتتاردىڭ رەسپۋبليكالىق بيۋدجەت قاراجاتىنان جابىلاتىن شىعىستارىنىڭ مٶلشەرٸن بەلگٸلەۋ تۋرالى وسك قاۋلىسىنىڭ جوباسى دايىندالعان.
«سەنات دەپۋتاتتىعىنا سايلاناتىن كانديداتتاردىڭ شىعىستار مٶلشەرٸ 550 مىڭ تەڭگە شاماسىندا بەلگٸلەنٸپ وتىر. باعدارلامانى تەلەديدار, راديو ارقىلى بايانداۋ جەنە مەرزٸمدٸ باسپاسٶز باسىلىمدارىندا 2 ماتەريال جارييالاۋ 400 مىڭ تەڭگە سوماسىندا, سايلاۋ الدىنداعى جارييا ٸس-شارالاردى جەنە ٷگٸت ماتەريالدارىن شىعارۋعا 70 مىڭ تەڭگە سوماسىندا, كٶلٸكتٸك شىعىستارعا 80 مىڭ تەڭگە سوماسىندا بولادى», - دەدٸ سەبيلا مۇستافينا.
