قر ەنەرگەتيكا مينيسترٸ ماعزۇم مىرزاعاليەۆ مەجٸلٸس قاراۋىندا جاتقان سەمەي پوليگونى تۋرالى زاڭ جوباسىنا قاتىستى پٸكٸر بٸلدٸردٸ, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندە ٶتكەن بريفينگٸدە ۆەدومستۆو باسشىسىنا وسىنداي مەندەگٸ سۇراق قويىلدى.
«2015 جىلى ەنەرگەتيكا مينيسترلٸگٸ سەمەي پوليگونىنىڭ جەرٸن اۋىل شارۋاشىلىعى ماقساتتا پايدالانۋعا تىيىم سالدى. بيىل ايماقتاعى كٶپتەگەن اۋدانداردا اۋا مەن سۋدىڭ جاعدايى ادامدارعا قاۋٸپ تٶندٸرمەيتٸنٸ تۋرالى حابارلاندى. بۇل سەمەي پوليگونىنىڭ جەرٸن پايدالانۋعا سالىنعان تىيىمنىڭ الىپ تاستالاتىنىن بٸلدٸرە مە?», - دەپ سۇرادى باق ٶكٸلٸ.
مينيستردٸڭ سٶزٸنە قاراعاندا, اتالمىش مەسەلەنٸ رەتتەيتٸن زاڭ جوباسى قپ پارلامەنت مەجٸلٸسٸنٸڭ قاراۋىندا جاتىر.
«قازٸر مەجٸلٸستە بٸزدٸڭ مينيسترلٸك جاڭادان جاساعان زاڭ جوباسى تالقىلانىپ جاتىر. بۇل وسى سەمەي پوليگونىن رەتتەيتٸن زاڭ جوباسى بولماق. بٸز تيٸستٸ تالداۋ جۇمىستارىن جٷرگٸزدٸك. سول تالداۋدىڭ فاكتٸلەرٸنە سٷيەنسەك, جالپى سەمەي پوليگونىنىڭ كٶلەمٸ 18 مىڭ شارشى شاقىرىمدى قۇرايدى. سونىڭ جارتىسى اۋىل شارۋاشىلىق ماقساتتا پايدالانۋعا بەرۋگە بولاتىن نەمەسە تازا تەلٸمدەر دەگەن سٶز. ياعني, وسى زاڭ جوباسى مەجٸلٸس پەن سەناتتان ٶتكەننەن كەيٸن كٶرسەتٸلگەن تەلٸمدەر پايدالانۋعا بەرٸلەدٸ دەگەن ٷمٸتٸمٸز بار», - دەدٸ ەنەرگەتيكا مينيسترٸ.
