اباي وبلىسىنداعى «سەمەي ورمانى» مەملەكەتتٸك ورمان تابيعي رەزەرۆاتىندا ورمان ٶرتٸن سٶندٸرۋ جۇمىستارى جالعاسىپ جاتىر, دەپ حابارلايدى ult.kz.
ەكولوگييا جەنە تابيعي رەسۋرستار مينيسترلٸگٸنٸڭ مەلٸمەتٸنشە, 16 شٸلدە ساعات 14:50-دەگٸ جاعداي بويىنشا تٸلسٸز جاۋمەن كٷرەسكە رەزەرۆاتتىڭ مەملەكەتتٸك ورمان كٷزەتٸنٸڭ 97 قىزمەتكەرٸ مەن 38 تەحنيكاسى, تٶتەنشە جاعدايلار مينيسترلٸگٸنٸڭ 158 قىزمەتكەرٸ مەن 22 تەحنيكاسى, ٸشكٸ ٸستەر مينيسترلٸگٸنٸڭ 101 قىزمەتكەرٸ مەن 25 تەحنيكاسى جۇمىلدىرىلعان.
سونداي-اق ٶرتتٸ اۋىزدىقتاۋعا «قازاۆياورمانقورعاۋ» كەسٸپورنىنىڭ ەكٸ تٸكۇشاعى, قورعانىس مينيسترلٸگٸنٸڭ مي-17 جەنە ۇلتتىق قاۋٸپسٸزدٸك كوميتەتٸنٸڭ مي-8 تٸكۇشاعى تارتىلعان.
ەۋە تەحنيكاسى ارقىلى وسى ۋاقىتقا دەيٸن 82 مەرتە سۋ تٶگٸلدٸ. ونىڭ ٸشٸندە «قازاۆياورمانقورعاۋ» تٸكۇشاقتارى – 58, قورعانىس مينيسترلٸگٸنٸڭ مي-17 تٸكۇشاعى – 19, ال ۇقك-نٸڭ مي-8 تٸكۇشاعى 5 رەت سۋ شاشقان.
الدىن الا مەلٸمەت بويىنشا, ٶرتتٸڭ اۋماعى شامامەن 60 گەكتاردى قۇرايدى. ٶرت قاراعايلى ورمان القابىندا تٸركەلگەن, كەيبٸر ۋچاسكەلەردە تٶمەنگٸ ٶرت جوعارعى ٶرتكە ۇلاسقان.
قازٸر ٶرتتٸ وقشاۋلاۋ جەنە تولىق سٶندٸرۋ جۇمىستارى جالعاسۋدا. ٷكٸمەتتٸڭ مەلٸمەتٸنشە, جاعداي پرەمەر-مينيستردٸڭ جەكە باقىلاۋىندا, ال جاۋاپتى مەملەكەتتٸك ورگانداردىڭ باسشىلارى وقيعا بارىسى تۋرالى ساعات سايىن جەدەل اقپارات بەرٸپ وتىر.
