تٷركٸستان وبلىسى تٶلەبي اۋدانىندا سۋ تاسقىنىنان كەلگەن زارداپتى قالپىنا كەلتٸرۋ جۇمىسى قىزۋ جٷرگٸزٸلiپ جاتىر. بۇل جۇمىسقا 8 مەردٸگەر كومپانييا مەن 6 ينجينيرينگتٸك قىزمەت كٶرسەتۋشٸ مەكەمە جۇمىلدىرىلعان, دەپ حابارلايدى "ۇلت اقپارات".
اتالعان اۋداندا مامانداردىڭ قورىتىندىسىمەن 38 ٷي جارامسىز دەپ تانىلعان بولاتىن. قازiرگi تاڭدا 17 ٷي بۇزىلىپ جاتىر. ونىڭ iشiندە 3 ٷيدٸڭ iرگەتاسىن قۇيۋ جۇمىستارى باستالدى.
سەل سالدارىنان 78 ازامات ەۆاكۋاتسييا ورتالىعىنا جاتقىزىلسا, قازٸرگٸ تاڭدا 40-تان استام ازامات اعايىن-تۋىستارىنىڭ ٷيٸنە جايعاسقان. اۋدان ەكٸمٸ باۋىرجان وماربەكوۆتىڭ ايتۋىنشا, ەۆاكۋاتسييا ورتالىعىندا ورنالاسقان ازاماتتار ٷش مەزگٸل تاماقپەن قامتىلعان. ولارعا بارلىق قاجەتتٸ جاعداي جاسالعان.
«زارداپ شەككەن 38 باسپانا تولىقتاي سٷرٸلٸپ, ورنىنا جاڭا باسپانا سالىنادى. ولاردى قالپىنا كەلتٸرۋ جۇمىستارىنا 510 ملن تەڭگە باعىتتالماق. جالپى قۇرىلىس جۇمىستارىن 1.5-2 اي ٸشٸندە اياقتاۋدى جوسپارلاپ وتىرمىز»,- دەدٸ باۋىرجان وماربەكوۆ.
