سايلاۋ ۋاقىتىندا قوعامدىق قاۋٸپسٸزدٸكتٸ ساقتاۋعا بٷكٸل قازاقستاندا 10 مىڭ پوليتسەي جۇمىلدىرىلادى. بۇل تۋرالى ٸشكٸ ٸستەر مينيسترلٸگٸندە ٶتكەن باسپاسٶز مەسليحاتىندا قر ٸٸم ەكٸمشٸلٸك پوليتسييا كوميتەتٸنٸڭ تٶراعاسى ماقسات بايبولوۆ مەلٸم ەتتٸ, دەپ حابارلايدى قازاقپارات تٸلشٸسٸ.
«ٶزدەرٸڭٸز بٸلەتٸندەي, 7-12 ماۋسىم ارالىعى - كەزەكتەن تىس سايلاۋ ۋاقىتىندا بٸز كٷشەيتٸلگەن قىزمەت تٷرٸنە اۋىسامىز. سايلاۋ الدىنداعى كەزەڭدە «سايلاۋ تۋرالى» كونستيتۋتسييالىق زاڭناماعا سەيكەس, بارلىق ايماقتاردا قۇقىقتىق تەرتٸپ پەن قوعامدىق قاۋٸپسٸزدٸك قامتاماسىز ەتٸلەتٸن بولادى. جالپى, ٸٸم ەل اۋماعىندا قوعامدىق قاۋٸپسٸزدٸكتٸڭ تۇراقتى بولۋى ٷشٸن بارلىق شارالاردى قابىلداپ جاتىر», - دەدٸ ماقسات بايبولوۆ.
كوميتەت تٶراعاسىنىڭ ايتۋىنا قاراعاندا, ٸرٸ قالالارعا, مەسەلەن نۇر-سۇلتانعا باسقا ايماقتاردان پوليتسييا قىزمەتكەرلەرٸن تارتۋ جوسپارلانىپ وتىرعان جوق.
«نۇر-سۇلتانداعى قوعامدىق قاۋٸپسٸزدٸكتٸ ساقتاۋ ٷشٸن بارىنشا كٶپ قىزمەتكەر جۇمىلدىرىلاتىنى انىق. ال سايلاۋ ۋچاسكەلەرٸنە (بارلىق ٶڭٸر بويىنشا) 19 مىڭعا تارتا قىزمەتكەر جۇمىلدىرىلادى. سەبەبٸ, زاڭعا سەيكەس, بيۋللەتەندەردٸ قورعاۋ - پوليتسييا قىزمەتكەرلەرٸنٸڭ مٸندەتٸ. ال جالپى, ەل بويىنشا قوعامدىق قاۋٸپسٸزدٸك شارالارىنا 10 مىڭ پوليتسييا قىزمەتكەرٸ تارتىلادى», - دەدٸ ماقسات بايبولوۆ.
ايتا كەتسەك, بۇعان دەيٸن 9 ماۋسىم كٷنٸ ٶتەتٸن پرەزيدەنت سايلاۋىندا تٶتەنشە جاعداي قىزمەتٸ دە كٷشەيتٸلگەن رەجٸمدە جۇمىس ٸستەيتٸنٸ حابارلانعان بولاتىن.
