«Qazaqstan» ۇلتتىق ارناسىندا الداعى سايلاۋعا قاتىساتىن بەس ساياسي پارتييانىڭ مٷشەلەرٸ تەلەدەبات ٶتكٸزدٸ, دەپ حابارلايدى "ۇلت اقپارات".
تەلەدەباتقا «اۋىل» پارتيياسىنىڭ اتىنان دەۋلەتكەرەي كەپۇلى, «Nur Otan» پارتيياسىنىڭ اتىنان ايدوس سارىم, «اق جول» پارتيياسىنىڭ اتىنان بەرٸك دٷيسەنبينوۆ, «Adal» پارتيياسىنىڭ اتىنان ماقسات تولىقباي, قازاقستان حالىق پارتيياسىنان عازيز قۇلاحمەتوۆ قاتىستى.
تەلەدەبات بٸرنەشە كەزەڭگە بٶلٸنە ۇيىمداستىرىلدى. العاشقى كەزەڭدە پارتييا ٶكٸلدەرٸ ٶز اتىنان باعدارلامالارىن تانىستىرىپ, تەلەجٷرگٸزۋشٸنٸڭ سۇراعىنا جاۋاپ بەردٸ. بۇل كەزەڭدە پارتييانىڭ ٶكٸلدەرٸ سايلاۋشىلارعا شاعىن ٷگٸت-ناسيحات جٷرگٸزٸپ, ٶز باعدارلامالارىنىڭ باسىمدىقتارىن اتادى.
ەكٸنشٸ كەزەڭدە پارتييالاردىڭ ٶكٸلدەرٸ بٸر-بٸرٸنە سۇراق قويدى. اتاپ ايتقاندا, ۇلتتىق قۇندىلىقتاردى ساقتاۋ, ەۋروپالىق ٶمٸر سالتىن كٸرٸكتٸرۋ, دەكوممۋنيزاتسييا, انالار مەن بالالارعا قارسى قىلمىستى توقتاتۋ, جەمقورلىقپەن كٷرەس مەسەلەلەرٸنە قاتىستى ساۋالدار جولداندى. اتالمىش كەزەڭدە ٶكٸلدەر سۇراقتارعا شاما-شارقىنشا جاۋاپ بەرۋگە تىرىستى.
ٷشٸنشٸ كەزەڭدە پارتييالاردىڭ ٶكٸلدەرٸ حالىق تاراپىنان قويىلعان سۇراقتارعا جاۋاپ بەردٸ. تٶرتٸنشٸ كەزەڭدە ولارعا حالىققا ٷندەۋ جاساۋ ٷشٸن ۋاقىت بەرٸلدٸ.
